Markus 2
2
Yesu a rehza ɗala ma halɓaya aza
1Aya, a dəwze wan ege cekuɗe ca, Yesu a zen anta ŋ Kafarnahum. Hejəye əy zləme ca, mbəy a wata. 2Aya, hejəye əy ɓecha vəram, ha lanja kwekwet calah a ma ujek. Yesu a ghwelzetene zlap mala Gazlavay. 3A təwse ca, hejəye əy ndaha ara mbe, əy dene ɗala ma halɓaya. Hejəye ŋfaɗ ŋ taba tata, əy ma tew aza ara ata lambaŋ. 4Cemey, əy kélem taf ŋ hwasza heje wese ara Yesu, askwaw, mavəday hejəye dəydey. A təwse ca, əy tev ata ujek, əy gbav ha ujek gbaŋ ata la maa Yesu a kaghwal zlap a təwse. Aya, əy tadakwza heje wese ata lambaŋ. 5Maa Yesu a gəre lalam tata ca, a zlepene ŋ heje ma halɓaya wese, a ŋgaya: «Mba naka, gay ŋkwa ege əy képeleye aza.» 6Maghwal ma maŋkanaŋkan ege vedəye əy kénjeye a təwse, əy deŋza ŋ ha tata ege, əy zlap, əy ŋgaya: 7«Heje ŋghe a zlap ma ma kadak səkwaw ana ebe ŋghe ca, mavəday vemey? Ma kula ŋ pal gay mala hejəye ca, Gazlavay teŋguleŋ anta.» 8A təwse ca, Yesu kásan səkan maa əy kedeŋza ŋ unaf tata ege aza, aya a ɗawzata, a ŋgaya: «Hune ulak ŋkwaɓ ma da ebe ŋghe a unaf ŋkune ege ca, ŋ vay? 9Ma ma kenelekey ɓarɓar ŋ zlap aza ca, vekey? Maa sa zlap, sa ya: “Gay ŋkwa ege əy képeleye aza,” askwaw ca, “Gwarzam, ŋta lambaŋ ŋkwa, nda,” wese vaw? 10Ayaw, hune san ka, Mba Ɗala ca, ɓarɓar anta ma ata pal gay ege ata hayak ete ŋghe aka.» A təwse ca, Yesu a zlepene ŋ ɗala ma halɓaya wese, a ŋgaya: 11«Sa kazlapahwaw, gwarzam, ŋta lambaŋ ŋkwa, nda a wata.» 12A təwse a təwse ca, heje wese perce a gwarzam, a ŋta lambaŋ anta, a damaha aza, a nda anta ata nje hejəye tewtew. A təwse ca, hejəye əy káŋga ŋkwaɓ mambaza, əy həmanza Gazlavay, əy ŋgaya: «njaha ŋtakwaw, kaw heje kégəre ŋseŋ səkan ma da ebe ŋghe ca, askwaw.»
Yesu a yaɓa Lewəy leŋ a lamzata hejəye gay ege
13Yesu a nda a ma ŋtele ma ŋ hayak Galəyləy zeney. A təwse ca, hejəye vəram əy ndaha ara mbe, aya, a sasərakzata. 14Aya, maa a kanda ca, a gəre Lewəy, mba Halfa, kénjeye a ma ujek ma ata cak budaw. Yesu a zlepene, a ŋgaya: «Səberekey!» A təwse ca, Lewəy, perce a gwarzam, a səbaraw. 15A dəwze anta ca, Yesu a nda a wata Lewəy wese, ŋ zam uda. A təwse ca, macak budaw ege ey hejəye mala gay ege vəram əy kasəbar ara, əy zam uda ŋ la anta ata Yesu ey madarlaŋw anta ege. 16Aya, maa maghwal ma maŋkanaŋkan ey Farəysa ege, əy gəre maa Yesu a kazam uda a hejəye mala gay ege ey a macak budaw ege wese ca, əy zlepetene ŋ madarlaŋw anta ege, əy ŋgaya: «Yesu a zam uda ŋ la anta a macak budaw ege ey a mala gay ege ca, ŋ vay?» 17Cemey, Yesu kézləme zlap tata anta aza, aya, a zlepetene, a ŋgaya: «Hejəye ma werwer ege ca, ma tata a maval menjevek, askwaw, səy hejəye ma kadawar ege. Sa ndaha ca, ŋ yata hejəye ma taŋtaŋ ege səkwaw, cemey, sa ndaha ca, mavəday hejəye gay ege.»
Yesu a zlap ata lala sumay
18A pes wende aka, Madarlaŋw Yuhana ege ey Farəysa ege, əy kala sumay. Hejəye vedəye, əy ndaha ara Yesu, əy zlepene, əy ŋgaya: «Madarlaŋw Yuhana ege ey madarlaŋw Farəysa ege ca, əy kala sumay. Cemey, a madarlaŋw ŋkwa ege ca, əy kala sumay askwaw ca, ŋ vay?» 19A təwse ca, Yesu a zenetene, a ŋgaya: «Mada ɗala káyaha hejəye aza ŋ la gwaygwaya laca dəma ca, əy la sumay aza a pes wese vaw? Kaw askwaw. Mavəday anta, mada mawal dəma mbəy ara tata ca, əy kula ŋ la sumay səkwaw. 20Cemey, vah a nandaha, maa mawal dəma mbəy ŋ taba tata zeney askwaw, aya, ata vah wese ca, əy nala sumay.»
21«Ayaw, ɗala kula ŋ tay rəgwac mewe ata rəgwac mavava səkwaw, mavəday rəgwac mewe ma kéteye ata rəgwac mavava wese ca, a naməzaɗaza aza, aya laslah anta, a nala pa ma day. 22A zeney, ɗala kula ŋ ɗeɗe mavaw ma tak ŋ gajak mavava ege səkwaw. Mada ɗala kéɗeɗe mavaw ma tak ŋ tata ca, mavaw anta a naɓərahwata gajak anta ege aza. Ana ebe ŋghe, mavaw a nazah anta, gajak ege yam, əy naɓərahw tata. Mavəday anta, əy ɗeɗe mavaw ma tak ca, ŋ gajak mewe.»
Laɗaw ata pes ma ata zazak mala Yahudu ege
23A pes ma ata zazak mala Yahudu ege wende aka, ata Yesu ey madarlaŋw anta ege, əy kanda ta ŋ la ndərey. Aya, maa əy kanda ca, madarlaŋw anta ege, əy ŋga ha ndərey wese, əy ɓamaw. 24A təwse ca, Farəysa ege, əy zlepene ŋ Yesu, əy ŋgaya: «Madarlaŋw ŋkwa ege əy la səkan maa ma maŋkanaŋkan a kapal taf ŋ law, a pes ma ata zazak askwaw ca, ŋ vay?» 25Aya, Yesu a zenetene, a ŋgaya: «Hune kéjəŋge Leŋter ege ata səkan maa Dawuda a law, askwaw vaw? A pes wende aka, metes a kájaw, metes kájata hejəye anta ege yam, cemey, kaw səkan ma ata zam ara tata askwaw. 26A təwse ca, a dam ŋ ujek Gazlavay, a ŋta peŋ ma kéveleye ŋ Gazlavay, a zamaw. Ata vah wese ca, ara Abəyatar, mbəy madakal mala kwakwas. Ma maŋkanaŋkan kápal taf ŋ kaw vayay, ŋ zam peŋ anta ca, askwaw, səy mala kwakwas ege gagaha. Cemey, Dawuda kázam peŋ wese, kéveletene ŋ hejəye ma ara mbe ege yam.» 27Aya, Yesu a zlepetene, a ŋgaya: «Pes ma ata zazak ca, kéleye ŋ ɗala, cemey, ɗala ca, kéleye ŋ pes ma ata zazak ca, səkwaw. 28Mavəday anta, Mba Ɗala ca, ara madakal mala pes ma ata zazak.»
Àwon tá yàn lọ́wọ́lọ́wọ́ báyìí:
Markus 2: BHS
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 2025 CABTAL
Markus 2
2
Yesu a rehza ɗala ma halɓaya aza
1Aya, a dəwze wan ege cekuɗe ca, Yesu a zen anta ŋ Kafarnahum. Hejəye əy zləme ca, mbəy a wata. 2Aya, hejəye əy ɓecha vəram, ha lanja kwekwet calah a ma ujek. Yesu a ghwelzetene zlap mala Gazlavay. 3A təwse ca, hejəye əy ndaha ara mbe, əy dene ɗala ma halɓaya. Hejəye ŋfaɗ ŋ taba tata, əy ma tew aza ara ata lambaŋ. 4Cemey, əy kélem taf ŋ hwasza heje wese ara Yesu, askwaw, mavəday hejəye dəydey. A təwse ca, əy tev ata ujek, əy gbav ha ujek gbaŋ ata la maa Yesu a kaghwal zlap a təwse. Aya, əy tadakwza heje wese ata lambaŋ. 5Maa Yesu a gəre lalam tata ca, a zlepene ŋ heje ma halɓaya wese, a ŋgaya: «Mba naka, gay ŋkwa ege əy képeleye aza.» 6Maghwal ma maŋkanaŋkan ege vedəye əy kénjeye a təwse, əy deŋza ŋ ha tata ege, əy zlap, əy ŋgaya: 7«Heje ŋghe a zlap ma ma kadak səkwaw ana ebe ŋghe ca, mavəday vemey? Ma kula ŋ pal gay mala hejəye ca, Gazlavay teŋguleŋ anta.» 8A təwse ca, Yesu kásan səkan maa əy kedeŋza ŋ unaf tata ege aza, aya a ɗawzata, a ŋgaya: «Hune ulak ŋkwaɓ ma da ebe ŋghe a unaf ŋkune ege ca, ŋ vay? 9Ma ma kenelekey ɓarɓar ŋ zlap aza ca, vekey? Maa sa zlap, sa ya: “Gay ŋkwa ege əy képeleye aza,” askwaw ca, “Gwarzam, ŋta lambaŋ ŋkwa, nda,” wese vaw? 10Ayaw, hune san ka, Mba Ɗala ca, ɓarɓar anta ma ata pal gay ege ata hayak ete ŋghe aka.» A təwse ca, Yesu a zlepene ŋ ɗala ma halɓaya wese, a ŋgaya: 11«Sa kazlapahwaw, gwarzam, ŋta lambaŋ ŋkwa, nda a wata.» 12A təwse a təwse ca, heje wese perce a gwarzam, a ŋta lambaŋ anta, a damaha aza, a nda anta ata nje hejəye tewtew. A təwse ca, hejəye əy káŋga ŋkwaɓ mambaza, əy həmanza Gazlavay, əy ŋgaya: «njaha ŋtakwaw, kaw heje kégəre ŋseŋ səkan ma da ebe ŋghe ca, askwaw.»
Yesu a yaɓa Lewəy leŋ a lamzata hejəye gay ege
13Yesu a nda a ma ŋtele ma ŋ hayak Galəyləy zeney. A təwse ca, hejəye vəram əy ndaha ara mbe, aya, a sasərakzata. 14Aya, maa a kanda ca, a gəre Lewəy, mba Halfa, kénjeye a ma ujek ma ata cak budaw. Yesu a zlepene, a ŋgaya: «Səberekey!» A təwse ca, Lewəy, perce a gwarzam, a səbaraw. 15A dəwze anta ca, Yesu a nda a wata Lewəy wese, ŋ zam uda. A təwse ca, macak budaw ege ey hejəye mala gay ege vəram əy kasəbar ara, əy zam uda ŋ la anta ata Yesu ey madarlaŋw anta ege. 16Aya, maa maghwal ma maŋkanaŋkan ey Farəysa ege, əy gəre maa Yesu a kazam uda a hejəye mala gay ege ey a macak budaw ege wese ca, əy zlepetene ŋ madarlaŋw anta ege, əy ŋgaya: «Yesu a zam uda ŋ la anta a macak budaw ege ey a mala gay ege ca, ŋ vay?» 17Cemey, Yesu kézləme zlap tata anta aza, aya, a zlepetene, a ŋgaya: «Hejəye ma werwer ege ca, ma tata a maval menjevek, askwaw, səy hejəye ma kadawar ege. Sa ndaha ca, ŋ yata hejəye ma taŋtaŋ ege səkwaw, cemey, sa ndaha ca, mavəday hejəye gay ege.»
Yesu a zlap ata lala sumay
18A pes wende aka, Madarlaŋw Yuhana ege ey Farəysa ege, əy kala sumay. Hejəye vedəye, əy ndaha ara Yesu, əy zlepene, əy ŋgaya: «Madarlaŋw Yuhana ege ey madarlaŋw Farəysa ege ca, əy kala sumay. Cemey, a madarlaŋw ŋkwa ege ca, əy kala sumay askwaw ca, ŋ vay?» 19A təwse ca, Yesu a zenetene, a ŋgaya: «Mada ɗala káyaha hejəye aza ŋ la gwaygwaya laca dəma ca, əy la sumay aza a pes wese vaw? Kaw askwaw. Mavəday anta, mada mawal dəma mbəy ara tata ca, əy kula ŋ la sumay səkwaw. 20Cemey, vah a nandaha, maa mawal dəma mbəy ŋ taba tata zeney askwaw, aya, ata vah wese ca, əy nala sumay.»
21«Ayaw, ɗala kula ŋ tay rəgwac mewe ata rəgwac mavava səkwaw, mavəday rəgwac mewe ma kéteye ata rəgwac mavava wese ca, a naməzaɗaza aza, aya laslah anta, a nala pa ma day. 22A zeney, ɗala kula ŋ ɗeɗe mavaw ma tak ŋ gajak mavava ege səkwaw. Mada ɗala kéɗeɗe mavaw ma tak ŋ tata ca, mavaw anta a naɓərahwata gajak anta ege aza. Ana ebe ŋghe, mavaw a nazah anta, gajak ege yam, əy naɓərahw tata. Mavəday anta, əy ɗeɗe mavaw ma tak ca, ŋ gajak mewe.»
Laɗaw ata pes ma ata zazak mala Yahudu ege
23A pes ma ata zazak mala Yahudu ege wende aka, ata Yesu ey madarlaŋw anta ege, əy kanda ta ŋ la ndərey. Aya, maa əy kanda ca, madarlaŋw anta ege, əy ŋga ha ndərey wese, əy ɓamaw. 24A təwse ca, Farəysa ege, əy zlepene ŋ Yesu, əy ŋgaya: «Madarlaŋw ŋkwa ege əy la səkan maa ma maŋkanaŋkan a kapal taf ŋ law, a pes ma ata zazak askwaw ca, ŋ vay?» 25Aya, Yesu a zenetene, a ŋgaya: «Hune kéjəŋge Leŋter ege ata səkan maa Dawuda a law, askwaw vaw? A pes wende aka, metes a kájaw, metes kájata hejəye anta ege yam, cemey, kaw səkan ma ata zam ara tata askwaw. 26A təwse ca, a dam ŋ ujek Gazlavay, a ŋta peŋ ma kéveleye ŋ Gazlavay, a zamaw. Ata vah wese ca, ara Abəyatar, mbəy madakal mala kwakwas. Ma maŋkanaŋkan kápal taf ŋ kaw vayay, ŋ zam peŋ anta ca, askwaw, səy mala kwakwas ege gagaha. Cemey, Dawuda kázam peŋ wese, kéveletene ŋ hejəye ma ara mbe ege yam.» 27Aya, Yesu a zlepetene, a ŋgaya: «Pes ma ata zazak ca, kéleye ŋ ɗala, cemey, ɗala ca, kéleye ŋ pes ma ata zazak ca, səkwaw. 28Mavəday anta, Mba Ɗala ca, ara madakal mala pes ma ata zazak.»
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 2025 CABTAL