Markus 3
3
Yesu a rehza ɗala ra mamacamac aza
1A dəwze anta ca, Yesu a dam ŋ ujek ma ata rak Gazlavay mala Yahudu ege zeney. Heje wende a təwse aka, ra anta kámac anta. 2Əy kahəbar ŋ gəre Yesu ketegəre a nerehza heje ma ra anta kámac anta wese aza, a pes ma ata zazak ka vaw. Cemey, əy mpam ca, taf ma ata ŋkəɗawaw. 3A təwse ca, Yesu a zlepene ŋ heje maa ra mamacamac wese, a ŋgaya: «Gwarzam, gar aka a tama hejəye tewtew.» 4A dəwze anta, Yesu a ɗawzata hejəye ma kasarza ege, a ŋgaya: «Ma maŋkanaŋkan a pal taf ŋ la a pes ma ata zazak ca, vemey? Ŋ la taŋtaŋ vaw, askwaw ca, ŋ la dadawar vaw? Ŋ rehza ɗala ma kadawar vaw, askwaw ca, ŋ jaza vaw?» Cemey, kaw əy kezenene ŋ zlap anta, askwaw. 5Yesu a sarzata a laghwaɗ unaf. Unaf anta kághwaɗ anta mavəday maa əy kaɗaw ŋ zləme ma anta səkwaw. Aya, a zlepene ŋ heje ra mamacamac wese, a ŋgaya: «Daɗ ra ŋkwa.» Heje wese, a daɗ ra anta, aya, ra anta a lam anta. 6Farəysa ege əy damha aza a bəza, aya, a təwse a təwse, əy jav a hejəye mala Həyrudus ege, əy jav ma tata ma ata ja Yesu aza.
Hejəye vəram əy ndaha ara Yesu
7Ata Yesu ey madarlaŋw anta ege, əy nda tata kəɗe a ma ŋtele Galəyləy. Hejəye vəram əy kasəbar ata ara. Əy ndaha aka ŋ Galəyləy, ŋ Yahudəya, 8ŋ Urusaləyma leŋ ŋ Əydumaya, ŋ uzam maa mbəy ata kəva Urdun leŋ ŋ hayak ma mbermber a Təyrus ey Səydaŋw. Hejəye vəram əy ndaha ara Yesu ca, mavəday, əy kézləme səkan maa a kalata ege tewtew. 9Aya, Yesu a zlepetene ŋ madarlaŋw anta ege, ŋ slene kwambawal aka, ndar hejəye əy ɗaw ŋ ŋgac səkwaw. 10Cemey, kérehzata hejəye ma kadawar ege aza vəram, mavəday anta hejəye ma kadawar ege vəram əy kavas kusam ŋ nda ŋ ca ra tata a heɗe. 11Maa zəwet malula ege əy gəre Yesu ca, əy ndav asa ŋgas anta, əy ja ula, əy ŋgaya: «Hwa ca, hwa Mba Gazlavay.» 12Cemey, Yesu a ŋgazata ka kadak kadak, ndar əy ɗaw ŋ ghwalza Yesu ca, ara vayay səkwaw.
Yesu a may malaɓ ege wam aha gbak
13A dəwze anta ca, Yesu a tev mgba ata barla. Aya, a yahata hejəye maa a kaɗawata ege tewtew, əy ndaha ara mbe. 14A təwse ca, a may hejəye wam aha gbak, ŋ taba tata, a cetene zlam tata ca, malaɓ ege. A mayata ca, ndar əy nja ŋ la anta, ŋ laɓzata ŋ ghwal zlap. 15A zeney, a veletene ɓarɓar ma ata gam zəwet malula ege aza. 16Malaɓ ma wam aha gbak maa a mayata anta ege ca, ara ata, Səymawn, Yesu a cene zlam anta Pəyer, 17Yakuba ey zlaŋgan Yuhana, uzəye Zebede ege, Yesu a cetene zlam tata Bawanerges, ana zlap ca, hejəye mada gazlavay ma karav ege, 18Andəyre, Fəyləyp, Bartawlawme, Mata, Tawmas, Yakuba mba Alfa, Tade, Səymawn, ɗala ma ɓarɓar ma kampam taf ŋ rehzata hejəye anta ege aza. 19Yahuda Əyskarəyawt, ɗala ma kanasəkam Yesu aza.
Yesu ey Beyelzebul
20A dəwze anta ca, Yesu a zenha aza a wata. Hejəye vəram əy ɓecha ara mbe zeney, ha Yesu ey madarlaŋw anta ege, əy kélem taf ŋ zam uda askwaw. 21Aya, maa van Yesu ege əy zləme ma anta ca, əy nda, ŋ njewaza aza, mavəday, əy kazlap a heɗe, əy ŋgaya: «Yesu ca, káwak anta.»
22Maghwal ma maŋkanaŋkan ege, ma ndaha aka ŋ Urusaləyma, əy zlap ata Yesu, əy ŋgaya: «Beyelzebul, bay zəwet malula ege, ŋ ha anta aka. Ara mbe ma velene ɓarɓar ŋ gamata zəwet ŋghe anta ege.» 23A təwse ca, Yesu a yahata hejəye, a zlepetene a laslaŋgal ma, a ŋgaya: «Malula kula ŋ gam Malula aza ana mbe vaw? 24Mada hejəye ma ŋ hayak ma teŋguleŋ ege əy kaja kusam ŋ taba tata ca, hayak anta a napəlah anta. 25A zeney, mada hejəye ma a wata ma teŋguleŋ ege əy kaɗa gham ŋ taba tata ca, wata anta a napəlah anta. 26Mada Malula a kaja kusam a ha anta, mada kéɓezeye parpar parpar ca, a kenelem ɓarɓar askwaw, a naŋtakw anta.
27Cemey, ɗala kula ŋ dam a wata heje ma ɓarɓar, ŋ zleɗene səkan anta ege aza ca, askwaw, səy mbəy majaw heje anta aza kwagwa. Cemey, a nala kula ŋ zleɗene səkan anta aza ca, səy mbəy majaw heje aza kwagwa.» 28Yesu a zlepetene zeney, a ŋgaya: «Sa kazlapahune njenjəwen, Gazlavay a nepelzetene gay mala hejəye aka leŋ a nepelzetene ma ma dadawar ege maa hejəye əy zlapata tewtew a heɗe aka. 29Cemey, ɗala ma zlap ma ma dadawar ata Zəwet ma keweɗ ca, kaw a kenelem lapal gay kaw vepey, askwaw, mavəday, gay maa a law, ca, a kanaŋtakw kaw vepey, askwaw.» 30Yesu a zlepetene ana ebe ŋghe ca, mavəday, hejəye, əy kazlap a heɗe, əy ŋgaya: «Zəwet malula a heɗe aka.»
Ata man Yesu ey zlaŋgan ege
31Ata man Yesu ey zlaŋgan ege, əy ndaha, əy nja ka a bəza, aya, əy laɓ ɗala ŋ yaɓa. 32A təwse ca, hejəye vəram əy kénjeye ara mbe. Əy zlepene, əy ŋgaya: «Ŋghe, ata macahw ey zlanahw ege, əy a bəza, əy kampamahwaw.» 33Yesu, a zenetene, a ŋgaya: «Ata mana ey zlana ege ca, ara ata vayay?» 34Aya, a sarzata hejəye ma kénjeye ara mbe ege wese, a zlepetene, a ŋgaya: «Ata mana ey zlana ege ca, əy cakwa. 35Kaw vayay ma la səkan maa Gazlavay a kaɗaw ca, mbe ara zlana mba mawal, ara zlana haldəma, ara mana.»
Àwon tá yàn lọ́wọ́lọ́wọ́ báyìí:
Markus 3: BHS
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 2025 CABTAL
Markus 3
3
Yesu a rehza ɗala ra mamacamac aza
1A dəwze anta ca, Yesu a dam ŋ ujek ma ata rak Gazlavay mala Yahudu ege zeney. Heje wende a təwse aka, ra anta kámac anta. 2Əy kahəbar ŋ gəre Yesu ketegəre a nerehza heje ma ra anta kámac anta wese aza, a pes ma ata zazak ka vaw. Cemey, əy mpam ca, taf ma ata ŋkəɗawaw. 3A təwse ca, Yesu a zlepene ŋ heje maa ra mamacamac wese, a ŋgaya: «Gwarzam, gar aka a tama hejəye tewtew.» 4A dəwze anta, Yesu a ɗawzata hejəye ma kasarza ege, a ŋgaya: «Ma maŋkanaŋkan a pal taf ŋ la a pes ma ata zazak ca, vemey? Ŋ la taŋtaŋ vaw, askwaw ca, ŋ la dadawar vaw? Ŋ rehza ɗala ma kadawar vaw, askwaw ca, ŋ jaza vaw?» Cemey, kaw əy kezenene ŋ zlap anta, askwaw. 5Yesu a sarzata a laghwaɗ unaf. Unaf anta kághwaɗ anta mavəday maa əy kaɗaw ŋ zləme ma anta səkwaw. Aya, a zlepene ŋ heje ra mamacamac wese, a ŋgaya: «Daɗ ra ŋkwa.» Heje wese, a daɗ ra anta, aya, ra anta a lam anta. 6Farəysa ege əy damha aza a bəza, aya, a təwse a təwse, əy jav a hejəye mala Həyrudus ege, əy jav ma tata ma ata ja Yesu aza.
Hejəye vəram əy ndaha ara Yesu
7Ata Yesu ey madarlaŋw anta ege, əy nda tata kəɗe a ma ŋtele Galəyləy. Hejəye vəram əy kasəbar ata ara. Əy ndaha aka ŋ Galəyləy, ŋ Yahudəya, 8ŋ Urusaləyma leŋ ŋ Əydumaya, ŋ uzam maa mbəy ata kəva Urdun leŋ ŋ hayak ma mbermber a Təyrus ey Səydaŋw. Hejəye vəram əy ndaha ara Yesu ca, mavəday, əy kézləme səkan maa a kalata ege tewtew. 9Aya, Yesu a zlepetene ŋ madarlaŋw anta ege, ŋ slene kwambawal aka, ndar hejəye əy ɗaw ŋ ŋgac səkwaw. 10Cemey, kérehzata hejəye ma kadawar ege aza vəram, mavəday anta hejəye ma kadawar ege vəram əy kavas kusam ŋ nda ŋ ca ra tata a heɗe. 11Maa zəwet malula ege əy gəre Yesu ca, əy ndav asa ŋgas anta, əy ja ula, əy ŋgaya: «Hwa ca, hwa Mba Gazlavay.» 12Cemey, Yesu a ŋgazata ka kadak kadak, ndar əy ɗaw ŋ ghwalza Yesu ca, ara vayay səkwaw.
Yesu a may malaɓ ege wam aha gbak
13A dəwze anta ca, Yesu a tev mgba ata barla. Aya, a yahata hejəye maa a kaɗawata ege tewtew, əy ndaha ara mbe. 14A təwse ca, a may hejəye wam aha gbak, ŋ taba tata, a cetene zlam tata ca, malaɓ ege. A mayata ca, ndar əy nja ŋ la anta, ŋ laɓzata ŋ ghwal zlap. 15A zeney, a veletene ɓarɓar ma ata gam zəwet malula ege aza. 16Malaɓ ma wam aha gbak maa a mayata anta ege ca, ara ata, Səymawn, Yesu a cene zlam anta Pəyer, 17Yakuba ey zlaŋgan Yuhana, uzəye Zebede ege, Yesu a cetene zlam tata Bawanerges, ana zlap ca, hejəye mada gazlavay ma karav ege, 18Andəyre, Fəyləyp, Bartawlawme, Mata, Tawmas, Yakuba mba Alfa, Tade, Səymawn, ɗala ma ɓarɓar ma kampam taf ŋ rehzata hejəye anta ege aza. 19Yahuda Əyskarəyawt, ɗala ma kanasəkam Yesu aza.
Yesu ey Beyelzebul
20A dəwze anta ca, Yesu a zenha aza a wata. Hejəye vəram əy ɓecha ara mbe zeney, ha Yesu ey madarlaŋw anta ege, əy kélem taf ŋ zam uda askwaw. 21Aya, maa van Yesu ege əy zləme ma anta ca, əy nda, ŋ njewaza aza, mavəday, əy kazlap a heɗe, əy ŋgaya: «Yesu ca, káwak anta.»
22Maghwal ma maŋkanaŋkan ege, ma ndaha aka ŋ Urusaləyma, əy zlap ata Yesu, əy ŋgaya: «Beyelzebul, bay zəwet malula ege, ŋ ha anta aka. Ara mbe ma velene ɓarɓar ŋ gamata zəwet ŋghe anta ege.» 23A təwse ca, Yesu a yahata hejəye, a zlepetene a laslaŋgal ma, a ŋgaya: «Malula kula ŋ gam Malula aza ana mbe vaw? 24Mada hejəye ma ŋ hayak ma teŋguleŋ ege əy kaja kusam ŋ taba tata ca, hayak anta a napəlah anta. 25A zeney, mada hejəye ma a wata ma teŋguleŋ ege əy kaɗa gham ŋ taba tata ca, wata anta a napəlah anta. 26Mada Malula a kaja kusam a ha anta, mada kéɓezeye parpar parpar ca, a kenelem ɓarɓar askwaw, a naŋtakw anta.
27Cemey, ɗala kula ŋ dam a wata heje ma ɓarɓar, ŋ zleɗene səkan anta ege aza ca, askwaw, səy mbəy majaw heje anta aza kwagwa. Cemey, a nala kula ŋ zleɗene səkan anta aza ca, səy mbəy majaw heje aza kwagwa.» 28Yesu a zlepetene zeney, a ŋgaya: «Sa kazlapahune njenjəwen, Gazlavay a nepelzetene gay mala hejəye aka leŋ a nepelzetene ma ma dadawar ege maa hejəye əy zlapata tewtew a heɗe aka. 29Cemey, ɗala ma zlap ma ma dadawar ata Zəwet ma keweɗ ca, kaw a kenelem lapal gay kaw vepey, askwaw, mavəday, gay maa a law, ca, a kanaŋtakw kaw vepey, askwaw.» 30Yesu a zlepetene ana ebe ŋghe ca, mavəday, hejəye, əy kazlap a heɗe, əy ŋgaya: «Zəwet malula a heɗe aka.»
Ata man Yesu ey zlaŋgan ege
31Ata man Yesu ey zlaŋgan ege, əy ndaha, əy nja ka a bəza, aya, əy laɓ ɗala ŋ yaɓa. 32A təwse ca, hejəye vəram əy kénjeye ara mbe. Əy zlepene, əy ŋgaya: «Ŋghe, ata macahw ey zlanahw ege, əy a bəza, əy kampamahwaw.» 33Yesu, a zenetene, a ŋgaya: «Ata mana ey zlana ege ca, ara ata vayay?» 34Aya, a sarzata hejəye ma kénjeye ara mbe ege wese, a zlepetene, a ŋgaya: «Ata mana ey zlana ege ca, əy cakwa. 35Kaw vayay ma la səkan maa Gazlavay a kaɗaw ca, mbe ara zlana mba mawal, ara zlana haldəma, ara mana.»
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 2025 CABTAL