1Makolinte 8
8
Impuzo ka byo bilyo bitagilwa abazimu
1Cwale kuja ko bitagilo bitendelwa bazimu, tuli zekelele buti, “Twense tuli kwesi inzunu.” Kono inzunu jasa leta uku litunta, kono icisemo casa jakisa. 2Mi abantu aba bagaja buti bali zekelele cimwinya, basini ukuzekelele ubu bajelele ukuzekelela. 3Kono gense uju ashaka Nyambe, ali zekelelwe kwa Nyambe. 4Mi cwale ko bilyo bi tagilwa abazimu, tulizekelele buti, abazimu taba kwesi cimwinya momuno mwi longa, takuli Nyambe jumwinya kono neje genke bulyo. 5Kono nanga na kukele aba bakugigwa bazimu kwigulu na ansi (bobo ku kalile ko bali “bazimu” no “tumfumwana” tungi, 6kono kwetu, Nyambe genke bulyo Tata, uju naga bumba ibintu byonse, mi twasa joja kakwe, takuli jumwinya kono Umfumu Jesu Kilesite, a na kwazwa ibintu byonse, mi kakwe tujoja.
7Kono tali bantu bonse bakwesi jeji inzunu. Abantu bamwinya bali sholele abazimu bo maswaniso, mane aa balya ibilyo byo bitagilo basa gaja sinagwe ku bazimu bala bitagili, balikwesi izwalo ili lifokola, mi basa lishugwa sinagwe byebyo bilyo byasa ba sitagalisa. 8Kono ibilyo tabi goli uku tu senekeza afuwi na Nyambe, nanga tatubili, tatu goli ku jonekelwa cimwinya. Mi takuli ici natu gwane nanga na tu bilya.
9Kono munangule buti intukuluo jenu jileke ukuba iji naji gwise aba bafokola. 10Mi ati jumwinya aa bona, umukwame gwe nzunu nalya mu tempele jo maswaniso, tagole ukuindikizwa ukulya ibilyo nabya tendelwa amaswaniso? 11Mi cwale umuntu uju afokola kuti nafwe kebaka lyo nzunu jakwe, uju ali mukwako uju naga fwilwa kwa Kilesite. 12Aa mu fosekeza bakwenu nenwe bobo, mi mwasa kubaza amazwalo gabo, go kufosekeza Kilesite. 13Cwale ati icilyo naci nginika mugenzangu mu cibi, ime tani silyi kame inyama, buti nani leke uku sitagalisa abakwangu.
Àwon tá yàn lọ́wọ́lọ́wọ́ báyìí:
1Makolinte 8: TBTP
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
The Word For The World International
1Makolinte 8
8
Impuzo ka byo bilyo bitagilwa abazimu
1Cwale kuja ko bitagilo bitendelwa bazimu, tuli zekelele buti, “Twense tuli kwesi inzunu.” Kono inzunu jasa leta uku litunta, kono icisemo casa jakisa. 2Mi abantu aba bagaja buti bali zekelele cimwinya, basini ukuzekelele ubu bajelele ukuzekelela. 3Kono gense uju ashaka Nyambe, ali zekelelwe kwa Nyambe. 4Mi cwale ko bilyo bi tagilwa abazimu, tulizekelele buti, abazimu taba kwesi cimwinya momuno mwi longa, takuli Nyambe jumwinya kono neje genke bulyo. 5Kono nanga na kukele aba bakugigwa bazimu kwigulu na ansi (bobo ku kalile ko bali “bazimu” no “tumfumwana” tungi, 6kono kwetu, Nyambe genke bulyo Tata, uju naga bumba ibintu byonse, mi twasa joja kakwe, takuli jumwinya kono Umfumu Jesu Kilesite, a na kwazwa ibintu byonse, mi kakwe tujoja.
7Kono tali bantu bonse bakwesi jeji inzunu. Abantu bamwinya bali sholele abazimu bo maswaniso, mane aa balya ibilyo byo bitagilo basa gaja sinagwe ku bazimu bala bitagili, balikwesi izwalo ili lifokola, mi basa lishugwa sinagwe byebyo bilyo byasa ba sitagalisa. 8Kono ibilyo tabi goli uku tu senekeza afuwi na Nyambe, nanga tatubili, tatu goli ku jonekelwa cimwinya. Mi takuli ici natu gwane nanga na tu bilya.
9Kono munangule buti intukuluo jenu jileke ukuba iji naji gwise aba bafokola. 10Mi ati jumwinya aa bona, umukwame gwe nzunu nalya mu tempele jo maswaniso, tagole ukuindikizwa ukulya ibilyo nabya tendelwa amaswaniso? 11Mi cwale umuntu uju afokola kuti nafwe kebaka lyo nzunu jakwe, uju ali mukwako uju naga fwilwa kwa Kilesite. 12Aa mu fosekeza bakwenu nenwe bobo, mi mwasa kubaza amazwalo gabo, go kufosekeza Kilesite. 13Cwale ati icilyo naci nginika mugenzangu mu cibi, ime tani silyi kame inyama, buti nani leke uku sitagalisa abakwangu.
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
The Word For The World International