मत्ती 14
14
बप्तिस्मा यांन्या यहुन्नाल सिइकाल
मर्कुस ६:१४-२९; लूका ९:७-९
1नवाए बेला गालील प्रदेसला शासक हेरोदले येशुल बाए आथटौ। 2नाले आमि नोक्करयाङजन ऐआढोवाङ, “नका बप्तिस्मा यांन्या यहुन्ना ज्या। नका सिस्यु जिङदा ताइस्यु लेया। नैताइस्यु सक्तिला ईका कामयाङ ओलङन ताइज्याऔ।” 3दानाङभन्या हेरोदले आभाई, फिलिपल मेएमा हेरोदियासल कारनले यहुन्नाजन कोलोअस्यु पोअस्यु झ्यालखानाल झोअस्यु आनाटौ।#लूका ३:१९-२०; मत्ती ४:१२ 4यहुन्नाले हेरोदजन ऐढास्यु आनाटौ, “ब्यबस्थालं अनुसार नकाजन नङ नमेएमामन जाएस्यु नाएन्या ठिक माल्दी।”#लेवी १८:१६; २०:२१ 5ऐआढाऔकाले हेरोदले ओलजन सएन्या यिङ आढोव, तर रुयाङ रङस्यु नका छ्याटौ, दानाङभन्या नकाङै येशुजन अगमबक्ता मानिज्यावाङ। 6तर जब हेरोदल आजर्मिन्या दिन रांऔ, तब हेरोदियासल मेएमाज़ाले नकाङ खार्ल स्यास्यु हेरोदजन भ्याई खुशी आजाटौ। 7नैताइस्यु हेरोदले नाजन जो जन्तु नीकन बै यांन्या बाचा आढोव। 8तर नकाले आअमाले आह्युउन्या अनुसार ऐआढोव, “बप्तिस्मा यांन्या यहुन्नाल ङए ङाजन ईका थालल यांङते।” 9ओटन रय आतिज्याकन बै आमि बाचा अनुसार पाहुनाङल नाल्ट नकाले सिपाइयाङजन नैताइन्याई ढान्या हुकुम आयोवाङ, 10ओटन जब हेरोदले सिपाइयाङजन झ्यालखानाल हिनस्यु यहुन्नाल ङए पलस्यु होन्चिते ऐलेस्यु आपरिङवाङ। 11तब नकाल ङए थालल होनस्यु नका मेएमालुलजन रांयोव, ओटन नकाले ना आअमाजन आयोव। 12ओलं छिन्ट यहुन्नाल सिइयाङ रा:स्यु नकाल सिन्या बुल लाङस्यु री:ननिइस्यु, हिन्वाङ ओटन नकाङै येशुजन थाई रांयोव।
येशुले पास हजार रुयाङजन आयांइवाङ
मर्कुस ६:३०-४४; लूका ९:१०-१४
13जब येशुले ईका आठटौ ओल डोङ्गा चरिस्यु नङंन अलक्कै बाठएका पोल हिनौ। आका थएस्यु रुल हुल सहरलन पाइदल जै ओलजन रापछ्याहौ। 14येशु आवङल तापापाइना नका घिन्या रुयाङल हुलजन रङस्यु भ्याई यीङताए आमानिवाङ, ओटन नकाङल नाएबोरन्याङजन आसबेल्वाङ। 15ओइ ताहापाइनाई येशुल सिइयाङ आल्योङ रा:स्यु ऐराढोव, “आका पोल काङ्काई रु माल्दी नमझ्याङा लेदा। आकाङजन बिदा योंवरते, ओटन इकाङै नङ्गरल हिनस्यु रांनाल्ट ज्यान्या जन्तु ग्यालङरत्या।” 16तर येशुले नकाङजन ऐआढोवाङ, “नकाङ हिनन्या आबस्यक माल्दी। जे जै इकाङजन ज्याऔ योंचिरते।” 17नकाङै येशुजन ऐराढोव, “इल गेसकाए पास पाटा भरेई सनर नेंलोअ ङा:स्या जाई लिज्याया।”
18तब येशुले ऐलेऊ, “नका सोगल ङाल्योङ होन्चिते।” 19ओटन येशुले रुयाङजन छील चुङन्या हकुम आयोवाङ, ओटन नका पास पाटा भरेई सनर नेंलोअ ङा:स्या छेन्स्यु नमदेए खिमस्यु परमेस्वरजन धन्याबाद आयोव, ओटन भरेईजन कलाएस्यु सिइयाङजन आयोवाङ, ओटन सिइयाङै रुयाङजन रांयोवाङ। 20नकाङ सोगलैले ज्यास्यु पटिपन्न ताइवाङ, ओटन सिइयाङै येलन्या बारं घोनफाङ रादुकौ। 21मेएमाङ सनर लुलयाङ बाहेक ज्यान्याङ याएज जम्मा पास हजार ल्हेपाङ लेवाङ।
येशु रीयर्त आबान्या
मर्कुस ६:४५-५६; यहुन्ना ६:१५-२१
22येशुले यांहौरा पाइना सिइयाङजन डोङ्गाल चराइस्यु दहल हुदिफन्ट छिटो हिन्चिते लेस्यु आपरिङवाङ, ओटन ओवाए बेलाई रुयाङजन बिदा आयोवाङ। 23रुयाङजन बिदा योंवरा पाइना प्रार्थना ढाऔ नाल्ट डान्डात वूमौ। ओटन ओइ आताहौक ओल नङं आबाठए लिज्याऔ। 24तर डोङ्गा नकाए बेला समन दहल वङतन भ्याई लोए हिनस्यु लेऊ। ओटन उलत्या आन्ढी आढाऔकाले डोङ्गा रील छालले हल्याङहल्याङ लिज्याऔ। 25छकाल्या तिन बजेकन छ बजेदेए येशु दहला रीयर्त बास्युकने सिइयाङल्योङ रांऔ। 26जब सिइयाङै येशुजन दहला रीयर्त आबाज्यान्या रांरङौ, तब छ्याएस्यु ऐलेवाङ, “इकाता भूत दी कान्देए!” ऐलेस्यु नकाङ राछ्याहै चिचच्याइवाङ। 27तर येशुले ओचोएटै नकाङजन ऐआढोवाङ, “ताआतिच्यो हिम्मत ढोचिते, ङा दी ताछ्याएच्यो।” 28पत्रुसले येशुजन ऐआढोव, “औ प्रभु, मछ्यु नङजै ताहनकन, ङाजन नल्योङ री यर्त बास्यु रांन्या आग्या यांङते।” 29येशुले ऐआढोव, “रांन्ते” पत्रुस डोङ्गातन लांइस्यु तब पत्रुस येशु ल्योङ हिनौ नाल्ट री यर्त बाऔ तअसिऊ। 30तर आन्ढी जोरसै आढाज्यान्या सनस्यु छ्याटौ, ओटन जब रीले डुबिङाई लेयापाइना नाले चिचच्याइस्यु ऐलेऊ, “औ प्रभु ङाजन बचाहङते।”
31तब येशुले ओचोएटै आकुई पारिस्यु नाजन आकोलोकौ, ओटन नकाजन आढोव “ऐ अल्पबिस्वासी#14:31 अल्पबिस्वासी=आधा बिस्वास, दानाङ सङ्का ढोन?”
32जब नकाने डोङ्गाल चुङौने तब आन्ढी थामिसिऊ। 33डोङ्गाल लिज्यान्याङै येशुजन ढोक यांस्यु ऐराढोव, “नङ मछ्युजै परमेस्वरलं ज़ा ज्या।”
येशुले गनेसरेतलं रुयाङजन आसबेल्वाङ
मर्कुस ६:५३-५६
34येशु सनर आ सिइयाङ दहजन कटाइस्यु गनेसरेतला पोल ताप्रावाङ। 35ओटन जब नका पोला रुयाङै येशुजन रांशहौ, तब नकाङै हुङा आङा सोगल इलाकाल थाई रांपरिङौ। ओटन सोगल नाएबोरन्या रारुयाङजन आल्योङ राहोन्वाङ। 36नकाङै आक्वाल टुप्पा याएज छुऊ डोटैकनबै बेलौ डोएयाहोला ऐलेस्यु येशुजन बिन्ति रांढोव, ओटन ज्वाएले रांछुऊ नकाङ बेल्वाङ।
Àwon tá yàn lọ́wọ́lọ́wọ́ báyìí:
मत्ती 14: NTSKm25
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
The New Testament Books in Sheshi Kham Language ©The Word for the World International and Sheshi Kham Translation Project, Nepal, 2025
मत्ती 14
14
बप्तिस्मा यांन्या यहुन्नाल सिइकाल
मर्कुस ६:१४-२९; लूका ९:७-९
1नवाए बेला गालील प्रदेसला शासक हेरोदले येशुल बाए आथटौ। 2नाले आमि नोक्करयाङजन ऐआढोवाङ, “नका बप्तिस्मा यांन्या यहुन्ना ज्या। नका सिस्यु जिङदा ताइस्यु लेया। नैताइस्यु सक्तिला ईका कामयाङ ओलङन ताइज्याऔ।” 3दानाङभन्या हेरोदले आभाई, फिलिपल मेएमा हेरोदियासल कारनले यहुन्नाजन कोलोअस्यु पोअस्यु झ्यालखानाल झोअस्यु आनाटौ।#लूका ३:१९-२०; मत्ती ४:१२ 4यहुन्नाले हेरोदजन ऐढास्यु आनाटौ, “ब्यबस्थालं अनुसार नकाजन नङ नमेएमामन जाएस्यु नाएन्या ठिक माल्दी।”#लेवी १८:१६; २०:२१ 5ऐआढाऔकाले हेरोदले ओलजन सएन्या यिङ आढोव, तर रुयाङ रङस्यु नका छ्याटौ, दानाङभन्या नकाङै येशुजन अगमबक्ता मानिज्यावाङ। 6तर जब हेरोदल आजर्मिन्या दिन रांऔ, तब हेरोदियासल मेएमाज़ाले नकाङ खार्ल स्यास्यु हेरोदजन भ्याई खुशी आजाटौ। 7नैताइस्यु हेरोदले नाजन जो जन्तु नीकन बै यांन्या बाचा आढोव। 8तर नकाले आअमाले आह्युउन्या अनुसार ऐआढोव, “बप्तिस्मा यांन्या यहुन्नाल ङए ङाजन ईका थालल यांङते।” 9ओटन रय आतिज्याकन बै आमि बाचा अनुसार पाहुनाङल नाल्ट नकाले सिपाइयाङजन नैताइन्याई ढान्या हुकुम आयोवाङ, 10ओटन जब हेरोदले सिपाइयाङजन झ्यालखानाल हिनस्यु यहुन्नाल ङए पलस्यु होन्चिते ऐलेस्यु आपरिङवाङ। 11तब नकाल ङए थालल होनस्यु नका मेएमालुलजन रांयोव, ओटन नकाले ना आअमाजन आयोव। 12ओलं छिन्ट यहुन्नाल सिइयाङ रा:स्यु नकाल सिन्या बुल लाङस्यु री:ननिइस्यु, हिन्वाङ ओटन नकाङै येशुजन थाई रांयोव।
येशुले पास हजार रुयाङजन आयांइवाङ
मर्कुस ६:३०-४४; लूका ९:१०-१४
13जब येशुले ईका आठटौ ओल डोङ्गा चरिस्यु नङंन अलक्कै बाठएका पोल हिनौ। आका थएस्यु रुल हुल सहरलन पाइदल जै ओलजन रापछ्याहौ। 14येशु आवङल तापापाइना नका घिन्या रुयाङल हुलजन रङस्यु भ्याई यीङताए आमानिवाङ, ओटन नकाङल नाएबोरन्याङजन आसबेल्वाङ। 15ओइ ताहापाइनाई येशुल सिइयाङ आल्योङ रा:स्यु ऐराढोव, “आका पोल काङ्काई रु माल्दी नमझ्याङा लेदा। आकाङजन बिदा योंवरते, ओटन इकाङै नङ्गरल हिनस्यु रांनाल्ट ज्यान्या जन्तु ग्यालङरत्या।” 16तर येशुले नकाङजन ऐआढोवाङ, “नकाङ हिनन्या आबस्यक माल्दी। जे जै इकाङजन ज्याऔ योंचिरते।” 17नकाङै येशुजन ऐराढोव, “इल गेसकाए पास पाटा भरेई सनर नेंलोअ ङा:स्या जाई लिज्याया।”
18तब येशुले ऐलेऊ, “नका सोगल ङाल्योङ होन्चिते।” 19ओटन येशुले रुयाङजन छील चुङन्या हकुम आयोवाङ, ओटन नका पास पाटा भरेई सनर नेंलोअ ङा:स्या छेन्स्यु नमदेए खिमस्यु परमेस्वरजन धन्याबाद आयोव, ओटन भरेईजन कलाएस्यु सिइयाङजन आयोवाङ, ओटन सिइयाङै रुयाङजन रांयोवाङ। 20नकाङ सोगलैले ज्यास्यु पटिपन्न ताइवाङ, ओटन सिइयाङै येलन्या बारं घोनफाङ रादुकौ। 21मेएमाङ सनर लुलयाङ बाहेक ज्यान्याङ याएज जम्मा पास हजार ल्हेपाङ लेवाङ।
येशु रीयर्त आबान्या
मर्कुस ६:४५-५६; यहुन्ना ६:१५-२१
22येशुले यांहौरा पाइना सिइयाङजन डोङ्गाल चराइस्यु दहल हुदिफन्ट छिटो हिन्चिते लेस्यु आपरिङवाङ, ओटन ओवाए बेलाई रुयाङजन बिदा आयोवाङ। 23रुयाङजन बिदा योंवरा पाइना प्रार्थना ढाऔ नाल्ट डान्डात वूमौ। ओटन ओइ आताहौक ओल नङं आबाठए लिज्याऔ। 24तर डोङ्गा नकाए बेला समन दहल वङतन भ्याई लोए हिनस्यु लेऊ। ओटन उलत्या आन्ढी आढाऔकाले डोङ्गा रील छालले हल्याङहल्याङ लिज्याऔ। 25छकाल्या तिन बजेकन छ बजेदेए येशु दहला रीयर्त बास्युकने सिइयाङल्योङ रांऔ। 26जब सिइयाङै येशुजन दहला रीयर्त आबाज्यान्या रांरङौ, तब छ्याएस्यु ऐलेवाङ, “इकाता भूत दी कान्देए!” ऐलेस्यु नकाङ राछ्याहै चिचच्याइवाङ। 27तर येशुले ओचोएटै नकाङजन ऐआढोवाङ, “ताआतिच्यो हिम्मत ढोचिते, ङा दी ताछ्याएच्यो।” 28पत्रुसले येशुजन ऐआढोव, “औ प्रभु, मछ्यु नङजै ताहनकन, ङाजन नल्योङ री यर्त बास्यु रांन्या आग्या यांङते।” 29येशुले ऐआढोव, “रांन्ते” पत्रुस डोङ्गातन लांइस्यु तब पत्रुस येशु ल्योङ हिनौ नाल्ट री यर्त बाऔ तअसिऊ। 30तर आन्ढी जोरसै आढाज्यान्या सनस्यु छ्याटौ, ओटन जब रीले डुबिङाई लेयापाइना नाले चिचच्याइस्यु ऐलेऊ, “औ प्रभु ङाजन बचाहङते।”
31तब येशुले ओचोएटै आकुई पारिस्यु नाजन आकोलोकौ, ओटन नकाजन आढोव “ऐ अल्पबिस्वासी#14:31 अल्पबिस्वासी=आधा बिस्वास, दानाङ सङ्का ढोन?”
32जब नकाने डोङ्गाल चुङौने तब आन्ढी थामिसिऊ। 33डोङ्गाल लिज्यान्याङै येशुजन ढोक यांस्यु ऐराढोव, “नङ मछ्युजै परमेस्वरलं ज़ा ज्या।”
येशुले गनेसरेतलं रुयाङजन आसबेल्वाङ
मर्कुस ६:५३-५६
34येशु सनर आ सिइयाङ दहजन कटाइस्यु गनेसरेतला पोल ताप्रावाङ। 35ओटन जब नका पोला रुयाङै येशुजन रांशहौ, तब नकाङै हुङा आङा सोगल इलाकाल थाई रांपरिङौ। ओटन सोगल नाएबोरन्या रारुयाङजन आल्योङ राहोन्वाङ। 36नकाङै आक्वाल टुप्पा याएज छुऊ डोटैकनबै बेलौ डोएयाहोला ऐलेस्यु येशुजन बिन्ति रांढोव, ओटन ज्वाएले रांछुऊ नकाङ बेल्वाङ।
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
The New Testament Books in Sheshi Kham Language ©The Word for the World International and Sheshi Kham Translation Project, Nepal, 2025