मत्ती 13
13
धूर वाइन्याल आहान
मर्कुस ४:१-१२; लूका ८:४-१०
1येशु ओछिम्कै झिमलन पलिईस्यु दहल वङल सिक्छ्या यांऔ तअसिऊ। 2ओटन आवाए घिन्या रुयाङ हुल येशुल नेरा रांवाङ, कि ओल डोङ्गाल वूमस्यु चुङौ, ओटन भ्याई रुयाङ दहल वङल च्याङवाङ।#लूका ५:१-३ 3ओले नकाङजन तबर आहानङन आपानस्योवाङ। ओले ऐआढोवाङ, “तयोअ धूर वाइन्या रु धूर वाइङा लेस्यु हिनौ। 4ओटन धूर आवाहौक काङ्का यमदेए परिवाङ, ओटन बायाङ रा:स्यु रांज्योव। 5काङ्का धूर चम लेन्या पोल परिवाङ, जोल व्मल ज़िङ भ्या मालस्यु छिटै परिइवाङ। 6तर जब घाम रा:स्यु चर्किऊ तब नकाङ वोईलिवाङ, ओटन रारिंन आमाफैलिउकाले राङवाङ। 7काङ्का धूरयाङ ज़ुयाङ खार्ल परिवाङ, ओटन ज़ुयाङ बदिस्यु ओटन नकाङजन राछ्याप्वाङ। 8काङ्का धूर चान्या येङल परिवाङ, ओटन काङ्काङ सय, काङ्काङ साठी, काङ्काङ तिस गुना शई रांयोव।”
9ओटन येशुले ऐलेऊ, “जोलं ना: ले, नकाले ग्याठटौत्या।”
आहानले पानौ आरोअन्या
मर्कुस ४:१०-१२; लूका ८:९-१०
10ओटन सिइयाङ रा:स्यु येशुजन ऐरादोव “नङ दानाङ नकाङसं आहानङन छ्योङन?”
11येशुले नकाङजन जबाक आयोवाङ, “जेजनता स्वर्गल राज्यला रहस्यल ग्यान यांस्यु नाएसिया, तर नकाङजन यांस्यु माल्सिदी।” 12दानाङभन्या जोश ले, नकाजन अझै यांसिया, अझै खाटखाट ताइन्यालेया। तर जोश माले, नकाल लेन्या बै नाल्योङन न्हानन्यालेसिया। 13नैताइस्यु नकाङसं ङा आहानङन छ्योङ्ङा, “दानाङभन्या नकाङ ब्याएन्या ता ऐब्याएरा, तर मारङरदी, थएन्या ता ऐथएरा, तर थएस्यु माबुझिरदी।” 14यशैयाल अगमबानी नकाङल्योङन पुरा ताइस्यु लेया, “थएन्या ता जे ऐथएच्या, तर खकै माबुजिचिदी, ब्याएन्या ता ऐब्याएच्या, तर खकै मारङचिदी।#यशैया ६:९-१० 15दानाङभन्या ईका रुयाङै यिङ अल्सि ताइस्यु लेया, ओटन नकाङल ना भैरा ताइस्यु लेया, ओटन नकाङ म्युउ बन्द ताइस्यु लेया, मानकन्ता नकाङै रङदुरा होला, नाले ठएदुरा होला, रायिङले बुझिदुरा होला, सनर वल्दुराहोला, ओटन ङा नकाङजन सबेल्दुङरा होला। 16तर बअचान्या जे म्युउ हो, दानाङभन्या नकाने रङन्या। ओटन जे नानेले थएन्या।#लूका १०:२३ 17ङा जेजन मछ्यु ऐढाच्या, जे जेरङन्या छेन भ्याई अगमबक्ताङै सनर धर्मिजनयाङै खिमन्या भ्याई यिङ रांढोव, तर मारङदुरा, ओटन जे थएन्या छेन भ्याई थएन्या यिङ रांढोव, तर माथएदुरा।
धूर वाइन्या आहानल अर्थ आपानस्यान्या
मर्कुस ४:१३-२०; लूका ८:११-१५
18“धूर वाइन्या आहानल अर्थ थएचिते। 19जब रुयाङै स्वर्ग राज्यला बचन थएर, तब दुस्टआत्मा रा:स्यु रायिङल वाइसिन्या धूर न्हानस्यु लाङवा ओटन नकाङ माबुजिरदी। यमदेए परिन्या धूरयाङ नकाङ ज्या। 20चम लेन्या येङल वाइसिन्या धूर नाइ ज्या, जोले बचन आथटौ चोएटै हेसाङस्यु ओबजाक्कै आयिङले सुइकार ढोवा। 21तर नकाले आरिंन आमालाहौकाले ना तचिइठक्क याएज तन्वा, ओटन बचनल कारनले दुख अथाबा सटावट आरांऔ चोएटै ना छिनदेए हाएसिया। 22ज़ुयाङ खार्ल वाइसिन्या धूर नकाई ज्या, जोयाङै रांजिबनल बचन थएरा, तर ईका सङ्सारलं आतिइ सनर धन-सम्पतल छलले बचनजन बाढा योंवा, ओटन नकाङ माशईरदी। 23तर चान्या येङल वाइसिन्या धूर नकाई ज्या, जोले बचन थएस्यु बुजिवा, ओटन मछ्युजै शई शशैवा। नकाले आवाइन्या धूरतन सय गुना, साठी गुना, तिस गुना शशैवा।”
साम्बाअल आहान
24येशुले फरि नकाङजन छुट्टै आहान आसथएवाङ, “स्वर्गल राज्य तोलोअ रुमन ताइन्या हो, जोले चान्या खेएल धूर आवाहौ।” 25तर सोगल रुयाङ रारुउज्याऔक ओलं आशत्तुर रांऔ, ओटन पलीमाल आखार-खार्ल साम्बाअल धूर वाइस्यु हिनौ। 26जब पलीमाल बिरवा परिइस्यु घिस्यु सहौ तअसिऊ, तब साम्बाअल टुङ बै रंनौ तअसिऊ। 27“नका साहूल आनोक्करयाङ रा:स्यु ओलजन ऐराढोव, ‘औ सायब, नैति नङ नखेएल चान्या धूर नवाइनु माङडी का?’ नल साम्बाअ काङन रांऔ?” 28नका झिमला साहूले नकाङजन ऐआढोवाङ, “काङ्का शत्तुरले नैआजाटौ। नोक्करयाङै ओलजन ऐराढोव, ‘गे हिनस्यु नका साम्बाअयाङ’ भोअया?” 29“तर नकाले आढोवाङ, ‘नै तालेच्यो, मानकन्ता जे साम्बाअ जेभोकौक पलीमा समेत ऐभोअच्यो।’ 30अन दुकौ बेला समन नेंलोअझन्जै तचोएकै घिऊ योंचिते। अन दुकौ बेला खानन्याङजन ङा ऐलेस्यु थाकङरा, ‘हादेए साम्बाअ भोअस्यु मील हिपौ नाल्ट मुठा पोअचिते, तर पलीमाजन ङा धन्सारल नाएचिते’।”
काथ्याल धूरल आहान
मर्कुस ४:३०-३४; लूका १३:१८-२१
31येशुले नकाङजन छुट्टै आहानङन आपानस्योवाङ, “स्वर्गला राज्य काथ्याल जाए मनताइन्या हो, जो तोलोअ रुले लाङस्यु आयेङल आवाहौ। 32ना सोगल धूरयाङतन इङन्या ताहा, तर जब नका बदिना, तब नका सोगलै ङनयाङतन घिन्या टुङ ताहा। ओटन नमत भुरन्या बायाङ रा:स्यु नकाल हाङ्गात रा:सिप जाएरा।” 33येशुले रुयाङ हुलजन आहानङन आपानस्योवाङ, “स्वर्गल राज्य सोडा मनताइन्या हो, तोलोअ काङ्का मेएमाले तिस किलोग्राम मढमल भामवा, ओटन ना सोगल सोडाले फुल्लिस्यु ठिक्कै आमाटाहौ समन नाजन तपोईल आनाटौ।” 34येशुले ईका सोगल छेन रुयाङजन आहानङन आपानस्योवाङ। बिना आहान ओले नकाङजन नैज बै मापानस्योदुऊरा। 35अगमबक्ताङ्ङन पान्सिन्या बचन ऐलेस्यु पुरा ताहौ “ङा ङायाह्ले आहानङन छ्योङ्ङा, सङ्सारला उत्पटीतन मोअस्यु नाएसिन्या छेन ङा पानन्या लेङा।”#भजनसङ्ग्रह ७८:२
येशुले साम्बाअल आहानल अर्थ आपानन्या
36तब येशुले रुयाङ हुलजन बनाएस्यु झिम भितरलं हिनौ, ओटन सिइयाङ आल्योङ रा:स्यु ऐराढोव, “खेएला साम्बाअल बारेल नपानन्या आहानल अर्थ गेजन पानस्यासिन्ते।”
37येशुले नकाङजन जबाक आयोवाङ, “चान्या धूर वाइन्या रुल ज़ा हो। 38खेए सङ्सार हो। चान्यावाला धूर राज्यल सन्तान हो, ओटन साम्बाअ दुस्टआत्मालं ज़ा हो।” 39ओटन साम्बाअ लाइन्या शत्तुर दियाबलस हो। अनल समायकने जुगल अन्त हो। अन दुउन्याङ स्वर्गदुतयाङ हो। 40“जोमनलेस्यु साम्बाअ भोअस्यु मीले भसम जाएसि, जुगल आसापट नैज ताइन्या लेया। 41नकाछिम्क रुल ज़ाले आस्वर्गदुतयाङ परिङन्या लेया, ओटन पाप ढाऔ परिङन्या रु सनर दुस्ट काम ढान्या ईका राज्यभरिला सोगलै रुयाङजन दुउन्या लेरा, 42ओटन ओयाङजन मील भुबराल क्याइन्यालेरा। नल रुयाङ व्रन्यालेरा ओटन रांह्वाजिङ कैन्यालेरा। 43तब धर्मि रुयाङ रांबौल राज्यला नमिउमन चम्किन्यालेरा, जोल नां ले, ओले ग्याथटौत्या।
री:नसिन्या धनल आहान
44“स्वर्गला राज्य तोलोअ खेएल मोअसिन्या धनमन ताइन्या हो, जो तोलोअ रुले ओलसं लेन्या सोगलै यएस्यु, तपाला नका खेए लङवा ओटन आनन्दै ताइस्यु हिना।
मोटील आहान
45“फरि स्वर्गला राज्य चान्या मोटीयाङ रोअन्या तोलोअ बैपारीमन ताइन्या ज्या। 46नकाले तोलोअ बअकरन्या मोटी डोएवापाइना हिनस्यु आल्योङ लिज्यान्या सोगल जन्तु यएस्यु नका मोटी आलङौ।
जालल आहान
47“स्वर्गला राज्य तोलोअ जाल मनताइन्या हो, जो रुयाङै रहल होर्रा ओटन तबर खाल्ला ङा:स्याङ परिरा।#यहुन्ना ४:४४ 48ओटन जालल ङा:स्याङ फाङ ताहापाइनाई रुयाङै नकाजन आवङल सेलस्यु हाएरा, ओटन चुङस्यु चान्या चान्याभरिजन जायाङल छेल्स्यु दुउरा, ओटन माचान्याङजन बाहेर देए क्याइरा। 49जुगल आसापट नैज ताइन्यालेया, स्वर्गदुतयाङै रा:स्यु घुर्बीयाङजन धर्मियाङ खार्लन छेल्स्यु क्याइन्यालेरा, 50ओटन नकाङजन मील भुबराल क्याइन्यालेरा। ओलं रुयाङ व्रन्यालेरा ओटन रांह्वाजिङ कैन्यालेरा।”
छार सनर पुरानो सत्य
51येशुले सिइयाङजन आगिन्वाङ, “नैति जे ईका सोगलै छेन जेबुजिदुचिऊ?” नकाङै ओलजन जबाक रांयोव, “बुजिदुया।” 52तब येशुले नकाङजन ऐआढोवाङ, “नैताइस्यु स्वर्गला राज्यल सिक्छ्या डोएन्या सोगलै शास्त्री तोलोअ झिमला खसममन ताइन्या हो, जोले आमि धन्सारलन छार सनर पुरानो बअकरन्या समानयाङ पाखाल पलिइवा।”
नासरतलं येशुजन रामाकोनन्या
मर्कुस ६:१-६; लूका ४:१६-३०
53ईका आहानयाङ ह्युउस्यु खेम्वापाइना येशु नलन हिनौ। 54ओटन येशु आमिई सहरल रा:स्यु नकाङल आराधना झिमल नकाङजन ऐटाइन्या सिक्छ्या आयोवाङ, कि नकाङ अचम्म ताइस्यु नकाङै ऐलेवाङ, “इकाजन ऐटाइन्या बुद्दि सनर अचम्मला काम ढान्या सक्तियाङ काङन आडोटौ? 55नैति ईका सिकर्मील ज़ा माङडी का? नैति आकाल आअमाल मिन मरियम, ओटन आभाईयाङ याकूब, योसेफ, सिमोन सनर यहूदा माङडीका? 56नैति इकाल दिदीबैनाङ सोगल गेसकाएज मालज्यावाङ का? फरि आकाले ईका सोगल काङन आडोटौ ऐलेस्यु?” 57येशुसं नकाङ रारिऊ उठिऊ। ओटन ओले नकाङजन ऐआढोवाङ, “अगमबक्ताजन आमिईज देसलं सनर आझिमल बाहेक अपुर सोगलै पोल आदर ढोरा।” 58ओटन नकाङल अबिस्वासले गर्दा येशुले नल सक्तिला कामयाङ तबर माढोदा।
Àwon tá yàn lọ́wọ́lọ́wọ́ báyìí:
मत्ती 13: NTSKm25
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
The New Testament Books in Sheshi Kham Language ©The Word for the World International and Sheshi Kham Translation Project, Nepal, 2025
मत्ती 13
13
धूर वाइन्याल आहान
मर्कुस ४:१-१२; लूका ८:४-१०
1येशु ओछिम्कै झिमलन पलिईस्यु दहल वङल सिक्छ्या यांऔ तअसिऊ। 2ओटन आवाए घिन्या रुयाङ हुल येशुल नेरा रांवाङ, कि ओल डोङ्गाल वूमस्यु चुङौ, ओटन भ्याई रुयाङ दहल वङल च्याङवाङ।#लूका ५:१-३ 3ओले नकाङजन तबर आहानङन आपानस्योवाङ। ओले ऐआढोवाङ, “तयोअ धूर वाइन्या रु धूर वाइङा लेस्यु हिनौ। 4ओटन धूर आवाहौक काङ्का यमदेए परिवाङ, ओटन बायाङ रा:स्यु रांज्योव। 5काङ्का धूर चम लेन्या पोल परिवाङ, जोल व्मल ज़िङ भ्या मालस्यु छिटै परिइवाङ। 6तर जब घाम रा:स्यु चर्किऊ तब नकाङ वोईलिवाङ, ओटन रारिंन आमाफैलिउकाले राङवाङ। 7काङ्का धूरयाङ ज़ुयाङ खार्ल परिवाङ, ओटन ज़ुयाङ बदिस्यु ओटन नकाङजन राछ्याप्वाङ। 8काङ्का धूर चान्या येङल परिवाङ, ओटन काङ्काङ सय, काङ्काङ साठी, काङ्काङ तिस गुना शई रांयोव।”
9ओटन येशुले ऐलेऊ, “जोलं ना: ले, नकाले ग्याठटौत्या।”
आहानले पानौ आरोअन्या
मर्कुस ४:१०-१२; लूका ८:९-१०
10ओटन सिइयाङ रा:स्यु येशुजन ऐरादोव “नङ दानाङ नकाङसं आहानङन छ्योङन?”
11येशुले नकाङजन जबाक आयोवाङ, “जेजनता स्वर्गल राज्यला रहस्यल ग्यान यांस्यु नाएसिया, तर नकाङजन यांस्यु माल्सिदी।” 12दानाङभन्या जोश ले, नकाजन अझै यांसिया, अझै खाटखाट ताइन्यालेया। तर जोश माले, नकाल लेन्या बै नाल्योङन न्हानन्यालेसिया। 13नैताइस्यु नकाङसं ङा आहानङन छ्योङ्ङा, “दानाङभन्या नकाङ ब्याएन्या ता ऐब्याएरा, तर मारङरदी, थएन्या ता ऐथएरा, तर थएस्यु माबुझिरदी।” 14यशैयाल अगमबानी नकाङल्योङन पुरा ताइस्यु लेया, “थएन्या ता जे ऐथएच्या, तर खकै माबुजिचिदी, ब्याएन्या ता ऐब्याएच्या, तर खकै मारङचिदी।#यशैया ६:९-१० 15दानाङभन्या ईका रुयाङै यिङ अल्सि ताइस्यु लेया, ओटन नकाङल ना भैरा ताइस्यु लेया, ओटन नकाङ म्युउ बन्द ताइस्यु लेया, मानकन्ता नकाङै रङदुरा होला, नाले ठएदुरा होला, रायिङले बुझिदुरा होला, सनर वल्दुराहोला, ओटन ङा नकाङजन सबेल्दुङरा होला। 16तर बअचान्या जे म्युउ हो, दानाङभन्या नकाने रङन्या। ओटन जे नानेले थएन्या।#लूका १०:२३ 17ङा जेजन मछ्यु ऐढाच्या, जे जेरङन्या छेन भ्याई अगमबक्ताङै सनर धर्मिजनयाङै खिमन्या भ्याई यिङ रांढोव, तर मारङदुरा, ओटन जे थएन्या छेन भ्याई थएन्या यिङ रांढोव, तर माथएदुरा।
धूर वाइन्या आहानल अर्थ आपानस्यान्या
मर्कुस ४:१३-२०; लूका ८:११-१५
18“धूर वाइन्या आहानल अर्थ थएचिते। 19जब रुयाङै स्वर्ग राज्यला बचन थएर, तब दुस्टआत्मा रा:स्यु रायिङल वाइसिन्या धूर न्हानस्यु लाङवा ओटन नकाङ माबुजिरदी। यमदेए परिन्या धूरयाङ नकाङ ज्या। 20चम लेन्या येङल वाइसिन्या धूर नाइ ज्या, जोले बचन आथटौ चोएटै हेसाङस्यु ओबजाक्कै आयिङले सुइकार ढोवा। 21तर नकाले आरिंन आमालाहौकाले ना तचिइठक्क याएज तन्वा, ओटन बचनल कारनले दुख अथाबा सटावट आरांऔ चोएटै ना छिनदेए हाएसिया। 22ज़ुयाङ खार्ल वाइसिन्या धूर नकाई ज्या, जोयाङै रांजिबनल बचन थएरा, तर ईका सङ्सारलं आतिइ सनर धन-सम्पतल छलले बचनजन बाढा योंवा, ओटन नकाङ माशईरदी। 23तर चान्या येङल वाइसिन्या धूर नकाई ज्या, जोले बचन थएस्यु बुजिवा, ओटन मछ्युजै शई शशैवा। नकाले आवाइन्या धूरतन सय गुना, साठी गुना, तिस गुना शशैवा।”
साम्बाअल आहान
24येशुले फरि नकाङजन छुट्टै आहान आसथएवाङ, “स्वर्गल राज्य तोलोअ रुमन ताइन्या हो, जोले चान्या खेएल धूर आवाहौ।” 25तर सोगल रुयाङ रारुउज्याऔक ओलं आशत्तुर रांऔ, ओटन पलीमाल आखार-खार्ल साम्बाअल धूर वाइस्यु हिनौ। 26जब पलीमाल बिरवा परिइस्यु घिस्यु सहौ तअसिऊ, तब साम्बाअल टुङ बै रंनौ तअसिऊ। 27“नका साहूल आनोक्करयाङ रा:स्यु ओलजन ऐराढोव, ‘औ सायब, नैति नङ नखेएल चान्या धूर नवाइनु माङडी का?’ नल साम्बाअ काङन रांऔ?” 28नका झिमला साहूले नकाङजन ऐआढोवाङ, “काङ्का शत्तुरले नैआजाटौ। नोक्करयाङै ओलजन ऐराढोव, ‘गे हिनस्यु नका साम्बाअयाङ’ भोअया?” 29“तर नकाले आढोवाङ, ‘नै तालेच्यो, मानकन्ता जे साम्बाअ जेभोकौक पलीमा समेत ऐभोअच्यो।’ 30अन दुकौ बेला समन नेंलोअझन्जै तचोएकै घिऊ योंचिते। अन दुकौ बेला खानन्याङजन ङा ऐलेस्यु थाकङरा, ‘हादेए साम्बाअ भोअस्यु मील हिपौ नाल्ट मुठा पोअचिते, तर पलीमाजन ङा धन्सारल नाएचिते’।”
काथ्याल धूरल आहान
मर्कुस ४:३०-३४; लूका १३:१८-२१
31येशुले नकाङजन छुट्टै आहानङन आपानस्योवाङ, “स्वर्गला राज्य काथ्याल जाए मनताइन्या हो, जो तोलोअ रुले लाङस्यु आयेङल आवाहौ। 32ना सोगल धूरयाङतन इङन्या ताहा, तर जब नका बदिना, तब नका सोगलै ङनयाङतन घिन्या टुङ ताहा। ओटन नमत भुरन्या बायाङ रा:स्यु नकाल हाङ्गात रा:सिप जाएरा।” 33येशुले रुयाङ हुलजन आहानङन आपानस्योवाङ, “स्वर्गल राज्य सोडा मनताइन्या हो, तोलोअ काङ्का मेएमाले तिस किलोग्राम मढमल भामवा, ओटन ना सोगल सोडाले फुल्लिस्यु ठिक्कै आमाटाहौ समन नाजन तपोईल आनाटौ।” 34येशुले ईका सोगल छेन रुयाङजन आहानङन आपानस्योवाङ। बिना आहान ओले नकाङजन नैज बै मापानस्योदुऊरा। 35अगमबक्ताङ्ङन पान्सिन्या बचन ऐलेस्यु पुरा ताहौ “ङा ङायाह्ले आहानङन छ्योङ्ङा, सङ्सारला उत्पटीतन मोअस्यु नाएसिन्या छेन ङा पानन्या लेङा।”#भजनसङ्ग्रह ७८:२
येशुले साम्बाअल आहानल अर्थ आपानन्या
36तब येशुले रुयाङ हुलजन बनाएस्यु झिम भितरलं हिनौ, ओटन सिइयाङ आल्योङ रा:स्यु ऐराढोव, “खेएला साम्बाअल बारेल नपानन्या आहानल अर्थ गेजन पानस्यासिन्ते।”
37येशुले नकाङजन जबाक आयोवाङ, “चान्या धूर वाइन्या रुल ज़ा हो। 38खेए सङ्सार हो। चान्यावाला धूर राज्यल सन्तान हो, ओटन साम्बाअ दुस्टआत्मालं ज़ा हो।” 39ओटन साम्बाअ लाइन्या शत्तुर दियाबलस हो। अनल समायकने जुगल अन्त हो। अन दुउन्याङ स्वर्गदुतयाङ हो। 40“जोमनलेस्यु साम्बाअ भोअस्यु मीले भसम जाएसि, जुगल आसापट नैज ताइन्या लेया। 41नकाछिम्क रुल ज़ाले आस्वर्गदुतयाङ परिङन्या लेया, ओटन पाप ढाऔ परिङन्या रु सनर दुस्ट काम ढान्या ईका राज्यभरिला सोगलै रुयाङजन दुउन्या लेरा, 42ओटन ओयाङजन मील भुबराल क्याइन्यालेरा। नल रुयाङ व्रन्यालेरा ओटन रांह्वाजिङ कैन्यालेरा। 43तब धर्मि रुयाङ रांबौल राज्यला नमिउमन चम्किन्यालेरा, जोल नां ले, ओले ग्याथटौत्या।
री:नसिन्या धनल आहान
44“स्वर्गला राज्य तोलोअ खेएल मोअसिन्या धनमन ताइन्या हो, जो तोलोअ रुले ओलसं लेन्या सोगलै यएस्यु, तपाला नका खेए लङवा ओटन आनन्दै ताइस्यु हिना।
मोटील आहान
45“फरि स्वर्गला राज्य चान्या मोटीयाङ रोअन्या तोलोअ बैपारीमन ताइन्या ज्या। 46नकाले तोलोअ बअकरन्या मोटी डोएवापाइना हिनस्यु आल्योङ लिज्यान्या सोगल जन्तु यएस्यु नका मोटी आलङौ।
जालल आहान
47“स्वर्गला राज्य तोलोअ जाल मनताइन्या हो, जो रुयाङै रहल होर्रा ओटन तबर खाल्ला ङा:स्याङ परिरा।#यहुन्ना ४:४४ 48ओटन जालल ङा:स्याङ फाङ ताहापाइनाई रुयाङै नकाजन आवङल सेलस्यु हाएरा, ओटन चुङस्यु चान्या चान्याभरिजन जायाङल छेल्स्यु दुउरा, ओटन माचान्याङजन बाहेर देए क्याइरा। 49जुगल आसापट नैज ताइन्यालेया, स्वर्गदुतयाङै रा:स्यु घुर्बीयाङजन धर्मियाङ खार्लन छेल्स्यु क्याइन्यालेरा, 50ओटन नकाङजन मील भुबराल क्याइन्यालेरा। ओलं रुयाङ व्रन्यालेरा ओटन रांह्वाजिङ कैन्यालेरा।”
छार सनर पुरानो सत्य
51येशुले सिइयाङजन आगिन्वाङ, “नैति जे ईका सोगलै छेन जेबुजिदुचिऊ?” नकाङै ओलजन जबाक रांयोव, “बुजिदुया।” 52तब येशुले नकाङजन ऐआढोवाङ, “नैताइस्यु स्वर्गला राज्यल सिक्छ्या डोएन्या सोगलै शास्त्री तोलोअ झिमला खसममन ताइन्या हो, जोले आमि धन्सारलन छार सनर पुरानो बअकरन्या समानयाङ पाखाल पलिइवा।”
नासरतलं येशुजन रामाकोनन्या
मर्कुस ६:१-६; लूका ४:१६-३०
53ईका आहानयाङ ह्युउस्यु खेम्वापाइना येशु नलन हिनौ। 54ओटन येशु आमिई सहरल रा:स्यु नकाङल आराधना झिमल नकाङजन ऐटाइन्या सिक्छ्या आयोवाङ, कि नकाङ अचम्म ताइस्यु नकाङै ऐलेवाङ, “इकाजन ऐटाइन्या बुद्दि सनर अचम्मला काम ढान्या सक्तियाङ काङन आडोटौ? 55नैति ईका सिकर्मील ज़ा माङडी का? नैति आकाल आअमाल मिन मरियम, ओटन आभाईयाङ याकूब, योसेफ, सिमोन सनर यहूदा माङडीका? 56नैति इकाल दिदीबैनाङ सोगल गेसकाएज मालज्यावाङ का? फरि आकाले ईका सोगल काङन आडोटौ ऐलेस्यु?” 57येशुसं नकाङ रारिऊ उठिऊ। ओटन ओले नकाङजन ऐआढोवाङ, “अगमबक्ताजन आमिईज देसलं सनर आझिमल बाहेक अपुर सोगलै पोल आदर ढोरा।” 58ओटन नकाङल अबिस्वासले गर्दा येशुले नल सक्तिला कामयाङ तबर माढोदा।
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
The New Testament Books in Sheshi Kham Language ©The Word for the World International and Sheshi Kham Translation Project, Nepal, 2025