Markosi Phrinzangpo XIII.
XIII.
1Yang Kho rtsargma malsiangna phyista-a bingse skyoden yodtsana Khoe lzadrulbakhanuniangna chikchigis Khoa Jus : Kasa ltsabkhan, ziksang, dyu-un gatsuk rdoaun yang gatsuk rtsikzoun insuk! 2Yang Yeshus tamlaniang khoa mols : Khyeranga de ma chhopo rtsikzoun thongeda ? Mana rdoeka rdoa ldzoqse tangcha chikchigang milus. 3Yang sarsingi ri-ika rtsangmi malsi thannya-a Jukse yodtsana Potros nang Yaqobos nang Yoannes nang Andreasis sosoa khyongse Khoa tris. 4Ngacha-a molang Ju, dyu-un Jung nam chhok ? Yang dyu-un Jung gangrgya chhachi thoe rshtaḵẖsnaun chi in ? 5Ni, Yoshus tamlaniang khonga molba ryaḵẖs : Mana suga katos khyentang lamstorla matangma snanga Jaqshik! 6Chiazerbana mangmo ngi mingtaḵẖsika dyu zeren yoncha in : Ona Nga insuk! "Yang mangmo lamstorla tangnuk. 7Amma, khyentanga thamouni rshmangeang yang thamouni skadiang spora goana droqsmadroqshik chiazerbana dyu-un chhachao thsathsa in, dobasang darang thsar ang mithsar. 8Chiazer-bana mithsirika mithsir yang rgyastridika rgyastrid thamo ba langsuk, yang garangsa sanggul kaṯo yongnuk, yang zanrshkon yang domba chhok. Dyu-un naḵẖsi ryaḵẖsao in. 9Amma, khyentos snanga Jaqshik, chiazerbana khongis khyentang chhimiuni khorpo nang rshmaqdussaunpauni laqa tangcha in : khyentang rdungcha chhacha in, yang rgyalchhos bakhanun nang rgyalpouni dunla ngi phya khyentang khonga rshpangpoa khyercha chhacha in. 10Yang snanla mithsirun Jungiang phrinzangpo gochukchao thsathsa in. 11Yang khyontang mana tsamtsa-a khycre laqa tangna khyontes chi zoruk zerchawa ḵẖolṯo mabashik dobasang de thoeka khyentanga tangse yodkhanpo dyanao zer. Chiazorbana zerkhanpo khyentang men dobasang Rtsangma Semszangpo in. 12Ni, phonos phono ataos phru sadpa zunchuktuk; yang phru-un ata-anauni mirgakhan songse langsha in yang khong sado phangchuktuk. 13Yang ngi mingpoe phya Jungis khyentang na khon Jaqtuk, amma Juk thsaqpa thyaqkhanpoa khomluks thobtuk. 14Amma, khyentanga de thsetu inkhan shikchukkhanpo, [Daniel khyenkhanis rshnang baskhanpo] langspa miḏodcha yodkhan malsika langspao thongmana — silkhanpoa chhudsha songshik — ni, de thoa Yudayeang yodkhanun riunika shorchukshik! 15Ni, hyendaqi nyeka yodkhanpo khangrtsa-a mababchukshik hana khoe nangna dyandek khyerba nangngoltck machhachukshik. 16Yang Jingpeang yodkhanpo rangi gonchao khyerba rgyaba luse yodkhanunla loqse machhachukshik. 17Amma de Jaquniang skyecha yodkhanun yang pipi tanjon yodkhanunla domba. 18Yang dyu khyenti shorchao rgunla masonqshik zero laqpa zune rtsodshik! 19Chiazerbana de Jaqun ḏinda rshanṯe naḵẖsi dondek Ashipa ldanchukskhan ldanchukchi ryaḵẖsiangna dare thsaqpa hana song masongkhan hana dyu nang eltek chha michhakhan Jaq kaṯo chhok. 20Yang taqdir Ashipaos de Jaqun phri kaṯo maphrispin na ga migang mibudpatpa, dobasang khores sale pheskhan de rdamskhanuni phya khores do Jaqun phris. 21Yang de thoa taqdir suga katos : Ltos, Masih dir hana ltos der yod zere zesna khyentang chhes machheshik. 22Chiazerbana rdzoni Masih-un nang rdzoni khyenkhanun langsha in, yang rshtaḵẖsnaun nang stodpariks lasun taqdir nyanna de phospa salskhanunang lamstorla tangchi mingna stancha in. 23Amma khyentes snanga Jaqshik — ltosanq, ngas khyentanga Jung snanla shads. 24Dobasang de Jaquniang de naḵẖspe Jukna nyimao thupchan chhok, yang lzairsos rangi odpo mitang. 25Yang rshnami skarmaun budon chhok yang rshnamuniang yodkhan khyudun skulcha chhok. 26Yang dya thoa khongunla Adami Buthsao chhopo khyud nang chhopo chhezbrel nadrese sprinunika skyoden thongnuk. 27Ni, dya thoa khos khuri skopaun salo rangi phespa miun hlung JbJikoe ngoslana se Jugikana tangspao rshnami Juk thsaqpa zdamso khyongcha in. 28Amna, seyabi staqJikana spekhao lobshik; De katik-un hasa songse yang doa lomaun bingmana zbyarpo nyemor songspao khyentanga rshtaḵẖspa chhed. 29Dya tsoḵẖspo khyentanga-ang dyu-un Jung thongmana de nyomo hlebsed dobasang zgortseka hlebsed zore khyentanga sheshik! 30Chhadkhika ngas khyentanga zerod : diun Jung thsangsthsangspo di mithsirpo mana michhad. 31Rshnamun nang sao medcha chhok amma ngi speraun mana Jikcha mickha. 32Amma de Jaqpo hana de dusthsodpo Atawa tsa mene rshnamuniang yodkhan skopaunla hana Buthsawa-ang rshtaḵẖspa med. 33Snanga dukshik, nyid thsade dukshik yang laqpa zune rtsodshik, chiazerbana de namzao nam ngonuk zerbi sheshao khyentanga rshtaḵẖspa med. 34Do dyu natsoḵẖs in : michigis yulpoekana phyanla chhatsana khoe khangmao rangi yoqpauni laqa bashan tangse yang rerea rang sosoe las skals, yang zgo strungkhanpoa shangspo dukse strungma skals. 35Do phya snanga dukshik! Chiazerbana khanggo hana rgongspoa hana thsanphedla hana bya bostsana hana motuga skyodod yodpao khyentanga shespamed. 36Medna, kho hunmedika skyoded khyentang nyilloqkhan thongnukpa. 37Yang ngas khyontanga zeskhan-po khyentanga ngas zercha natspḵẖspo ngas Junga zered : Snanga dukshik!.
Àwon tá yàn lọ́wọ́lọ́wọ́ báyìí:
Markosi Phrinzangpo XIII.: SOMA
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© Société Biblique de Genève