Markosi Phrinzangpo XII.
XII.
1Yang Khos khongunla spekhanaunika spora tangma ryaḵẖs: Michigis rguni thsashik tsuks, yang de khridkhorla dyangskor skore tangs, yang rdzingbu brus yang tongtong khar rtsiks. Ni, chhunpaunla shasma-a tangs yang phyane song. 2Yang (khazas sminmi) thoa chnunpaunikana thsasi khazasuni po khyerba khos chhunpauni deka tsonchikkhyongma tangs. 3Yang khongunis kho zuno rdungs yang laqstonga ldzoqse tangs. 4Yang khos yang tsonchik khongunla tangs, yang khongis khoa rdoaspur base goeka rdungse khoo theral base ldzoqse tangs. 5Yang khos yang chikchik tangs, yang khongunis kho sads; yang yangang mangmo tangs; khongunis khachigika rdungs yang khachigika rdungs yang khachik sads. 6Darena khoa rangi bu chikchik mana rinchan chik yodpana khos khongunis ngi buthsi rdonga ltok zere chiJuga khonguni shitia kho tangs. 7Amma, de chhunpaunis khontang chikchiga zes : Dyuru thobthsir thobkhanpo in, dong-shik kho sadshik yang thobthsirpo ngantanga thobtuk. 8Yang kho zune sads yang rgunthsasi phyista-a kho phangse tangs. 9Ni, dare rgunthsasi ashipaos chi bacha in ? Kho yongcha in yang chhunpaun menma bacha in yang rgunthsaspo yang katoa tangcha in. 10Khyentes di zbriskhanpoang masilsa ? Rtsiks-rshponunis phangse tangskhan rdoao khorang krumigi rdoa song. 11Do ashipi ngoslana songskhan in yang nganti migi thongJoqsiang stodpariks in. 12Yang khongunis Kho zunchi stabs bas, yang mibongspoa Jiks ; chiazorbana khongunla di spekhao khongunika zered zerchao rshtaḵẖspa songmin. Ni, khongun Kho skyurena detsuga Jaqse bingse song.
13Yang khongunis Kho tami snyaḵẖsiang zunchukpa Pharisyapa kaṯo nang Horodespa kaṯo Khoe shitia tangs. 14Yang khong yongse Khoa Jus : Kasa ltsabkhan Ju : Yerang mantaḵẖspa in zere ngacha-a rshtaḵẖspa yod yang sui ḵẖolṯo bao yeranga minduk, chiazerbana yeros sui rdongltas bamed, dobasang mantaḵẖsika Ashipi lampo ltsabse staned, do phya, kasa ngacha-a molang : Qesar la ḵẖal lcharbao dodeda med ? 15Ngachas thal lchara ma lchara ? Amma Khoa khonti hyaq-hyaqpo rshtaḵẖspa songsena mangmo rgyalo khonga mols : Khyentos nga-a thiklta chia bed ? Jahu-japhod chik lta nga-a khyongshik! 16Ni, khongis Khoa khyongs, yang Khos khonga mols : Di rdongrshpe nang yige-e rimo sui in ? Ni, khongis khoa Jus : Qesari in! 17Yang Yeshus tam-laniang khonga mols : Qesari in na, Qesar la lcharshik, yang Ashipi in na Ashipa-a lcharshik. Yang khongun khoa ltase mangmo rgyal.
18Yang shisena yang sone langshi Jaq khorang mana med zerkhan Saddukyapaun Khoo shitia yongse yang Khoe dyu Juin triso bas. 19Kasa ltsabkhan Ju, ngachi phya "Taqdir gasui phonoek shina yang aneo phru modkhan lusna, ni khoo phonos rangi phonoe phya mirabs phingma khoe anoo Joq zere Moshos skale zbris. 20Ni, phono rdun y dpin, yang snaniyus anok khyongs yang longba dukse shi. 21Yang nyisi resiyus dc aneo khyongs, yang khoang phruik maskyea shi, yang sumi rosiwa dya zostao-ang song. 22Yang rdunkas aneo khyongs yang khonga chang phruik maskyes. Yang saq basang chiJuga anewang shi. 23Ni, langsena sone langshi Jaqa di aneo khong rdunkoeangna sui aneo chhok ? Ghiazerbana kho de rdunkoe anoo inmin. 24Yang Yoshus tamlaniang khongunla mols : Khyentang hana zbriskhanun hana Ashipi khyudpo mashespana lamstor mena ? 25Chiazerbana khong shiskhanuniangna sone langspana khonga hana baqston bamed hana baqmoa tangma med dobasang rshnamuniang yodkhan Ashipi khamskad tangkhanun natsoḵẖs in. 26Amma shimiuni rshmangeang khong sone langsed zero khyentanga Moshe-e shôqbueang, thsermi rshmangeang Ashipas khoa gatsuk molspin zere dyu zbriso yodpao : Nga Abrahami Ashipa, Isaqi Ashipa nang Yaqubi Ashipa in zere khyentos ma silsa ? 27Kho na shimiuni Ashipa men dobasang sonmiuni Ashipa in. Ni, khycntang chhopo lamstor songkhanun insuk. 28Yang nyemoa yongse chhos zbrikhan-uniangna chikchiga khonti thabchaspo gose Khos khonga rgyala tamlan tangsed zere sheso Khoa triso bas : Kasa, molchasun tsoqiangna saq basang snapa gao insuk ? 29Ni, Yeshus tamlaniang khoa mols : Molchasuniangna saq basang snapao : "Wa Israel nyonang! Ashipa nganti Ashipi Ashipa, Ashipa khorang chikchik tsa in!" 30Yang khyeres ashipa rangi Ashipi Ashipa na khyeri snying gangmeka nang khyeri stroq gangmeka nang khyeri shangs gangmoka nang khyori ngad gangmeka rgaluks Joq. Dyu snapa mole chao in. 31Yang nyisi resiyu do na tsoḵẖs in : "Khyeres rangi khyimtsespika rang na tsoḵẖs base rgasnyi Joq. Dyu-un basang chhopo yang molchashik med. 32Yang chnos zbrikhanpos Khoa Jus : Kasa ltsabkhan, ma noro, yeres Ashipa chikchik yod yang Ashipa khorang meno suang med zere mantaḵẖs na zomse mols. 33Yang Kho na snying gangmeka nang hagochas gangmeka nang stroq gangmeka nang ngad gangmeka rgasnyi Jaqchao straqskalun nang khraqskalun tangchao basang rgyalba in. 34Yang Khos shangsika tamlan tangspao thongmana Yeshus khoa mols : Khyerang Ashipi rgyastridpo na thaqrings na med, yang sua Khoa chigang kaṯo yang trichi khyud ma yongs.
35Yang Yeshus rtsangma malsiangnuk ltsaben dyu tamlaniang mols : Chhos zbrikhanunis Khristos-po Dawidi Rshras in Zere gatsukshik zerod ? 36Chiazcrbana Dawid khores Rtsangma Sembas molspao na zomse molspin Ashipaos ngi Ashipaos ngi Ashipawa mols : Ngas khyeri mirgakhanun khyeri kangmi yoqi thempa rchorcho thsaqpa khyerang ngi trangngospoa duk! 37Dekana Dawid khores Khoa Ashipa zered yang Kho khoe Rshraspo gatsuga chhod ? Yang chhopo mibongspo Khoa thadkhika nyanspin.
38Yang Khos rangi ltsabzoeka khongunla mols : Khyentes ringmo ringmo gonchaun gone khorchawa yang stranguniang khonga Ju bachukpa thadkhan chhos zbrikhanun snanga Jaqshik. 39Yang rhsmaqdus-sauniang dunsaun yang gronuniang gralla dukpa thadkhanun. 40Yang daqpo shikhan aneuni khangmaun hoti base tangkhan yang rang stanma laqpa zunchao ngonkhan chhos zbrikhanun snanga Jaqshik! Khongunika spro thep phoqtuk.
41Yang Yeshu rtsangma malsi sera yodsi dunpoa Jukse mibongspos seriang pene gatsuga phanged zere zikspin yang phyikpo kachigis mangmo phangedpin. 42Yang nyalbachan daqpo shikhan ane chikchik yongso "lepta" (Zerkhan penephed) nyis chizesna "kodrantes" (serkhan pene) chikchik phangs. 43Yang Khos rangi lzadrulbakhanunla shitia yong zere khyongse khonga mols : chhadkhika ngas khyentanga zered, Rtsangma malsi seriang pene phangskhanun Jung basang di nyalbachan daqpo shiskhan aneos mangmo phangs. 44Chiazorba-na Jungis rang rangi nor mangmo yodchi thiksika phangs, amma de aneos rangi nyalbachani jorkhanpo Jung, rangi stroqtonpo Jung deang tangs.
Àwon tá yàn lọ́wọ́lọ́wọ́ báyìí:
Markosi Phrinzangpo XII.: SOMA
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© Société Biblique de Genève