Lukasi Phrinzangpo XIX.
XIX.
1Yang juksena kho Yerikhos bingse skyods. 2Yang, ltosang Zakhaios zerkhan nang babzdukhanuni gowa nang nordaq inkhan mi chikchik yodpin. 3Khos Yeshu gatsukchik yod zere lta phras, yang mibongsis base thongma rtianyan chiazerbana khoe rgo ṯukṯuk yodpin. 4Yang khoa lta dundunla bang tangse songse ose laqtsuks-shigika bings chiazerbana kho dyana lamis skyodcha yodpin. 5Yang Yeshu de malsika hlebana, gyenla zikspana khoa kho thong yang khoa mols : Wa Zakhaios! Rtsomse babse yong, chiazerbana diring nga khyeri khangmâ dukchao thsathsa in. 6Yang kho rtsomse babse thadon Kho ḏonpo bas. 7Yang diu thongmana, kho nyespachan mi chikchik nanyambo brangsâ juks zere jungis shuben-shuben zes. 8Ni, Zakhaiosis langse Ashipâ jus : Ziksang, kasa Ashipi, ngas rangi norzani phedpo nyalbachanunla tanged yang taqdir suikana chithongchi snyad base khyongsedna khoa jbjiloq lchared. 9Yang Yeshus khoa mols : Diring di khangmeang khomlukspo yongsed, chiazerbana dyuang Abrahami buthsa in. 10Chiazerbana Mi-i Buthsao storkhanun tsalba yang khomluks salba skyodsed. 11Ni, khongis diunla nyanen yodtsana khos spekha chigiang mols, chiazerbana Yerusalem na nyimoa yodpin, yang Ashipi rgyastridpo mana dare ngoned zere khonga samba chhedsuk. 12Dephya khos mols : Chhô zadchan michikchik rgyalchos laqa khyongma yang loqse yongnuk zere thaqringi yulchiga song. 13Yang kho rangi tsonuniangna mingga rchua yong zore khyongse minas (rshmul-qabchu) rchu tangs; yang khonga zes : Nga loqse yongyong thsaqpa thsong bashik! 14Amma, khoe yulpaunis kho na khon jaqedpin, yang khoe rgyabpona spera khyerkhanun : Dius ngachika rgyalchos bawa ngacha ranmamed zeren tangs. 15Kho rgyalchos base loqse yongmana ḏinḏek song : Khos khongis thsongika tsamtsek phel phingsed zere rshtaḵẖspa ba de rshmul tangkhan duksmiunla yong zere tangs. 16Snani dos yongse jus : Kasa Ashipa, yeri minas-poa minas rchu phel. 17Yang khos khoa mols : Wa rgyala tsonrgyala bas, khyerang mâ nyuntseang rdyang-chan bings, dephya dare khyerang yulsna rchuika rgyalchosbakhan songshik. 18Yang echikpo yongsena jus : Kasa Ashipa yeri minaspoa minas qa phel. 19Ni khos khoêang mols : Khyerang-ang yulsna qeka rgyalchos bakhan songshik. 20Yang echikchikpo yongse jus : Kasa Ashipa, Ziksang : Ngas laqphisiang chingse jaqskhan yeri minaspo dyu in. 21Chiazerbana yerang ṯaqṯaq mik in zere ngâ rshtaḵẖspa yodpin; nga yeranga jiksedpin, yeros majaqskhanpo yeros lene khye-red yang yeres matabskhanpo yeres rshnged. 22Ni, khos khoa mols : Ngas khyeri khâ ltase khyeri shaḵẖs pheok, wa rtsoqpo tson, khyoranga nga rshanṯe mi inmao yang ngas majaqkhanpo lenmao yang matabskhanpo rshngao khyeranga rshtaḵẖspa yodpin. 23Ni, khyeres ngi rshmulun rshmul zdebkhanuni der nga yongse phel nadrese lenmi phya chia majaqs ? 24Yang khos shitia langse yodkhanunla mols : De minas chikchikpo khoekana khyongshik yang minas rchu yodkhanpoa tangshik. 25Yang khongis khoa jus : Kasa Ashipa khoe der ninas rchu na yod… 26Ngas khyentanga zered : Sui der yodna khoa tangcha chhok, yang suider medna khoekana khuri der yodkhanpoang khyongcha chhnok. 27Do menma, ngas khontika rgyalchosbao mathadkhan de ngi mirgakhanun dir ngi dunla khyongse sadshik. 28Yang dyûn jung molena. Yeshu Yerusalemi rolla khongi dundunla skyods. 29Kho sarsing zerkhan rî ljongsla Bethphage nang Bethanye nyemoa hlebana ḏinḏek song : Khos lzadrulbakhanuniangna nyis diu molen tangs : 30Dia duni grongpeang songshigang, yang deang jukspana diring thsaqpa suang majonskhan khruik taḵẖse thobtuk, do krole khyongshik. 31Yang taqdir sus khyentanga chia kroled zere trisna, ni Ashipâ diu rgosed zore zershik. 32Ni tangskhanun songsena khos khonga khos molspao nazomse thop. 33Ni, kurû krolen yodtsana khoe ashipaunis khonga zes : khyentes di kurû chia kroled ? 34Ni, khongis zes : Ashipawa diu rgosed. 35Yang khongis do Yeshui der khyongs ; yang rangi gonchaun kuruika tangsena Yeshu skyon. 36Kho skyoden yodtsana miunis rangi gonchaun lamiang thingen chhedpin. 37Yang kho nyemoa skyodtsana do-basang phredpeang hlebana, ni lzadrulbakhanuni mithsounis khontanga thongskhan de khyudi: lasuni phya mangmo thadena kus tabse diu zeren Ashipi stodkha zerba ryaḵẖs: 38Ashipi mingika skyodkhan de rgyalpo rgyalba songshik! Rshnamuniang zomluks (songshik) yang saq basang thonmouniang chhezbrel (songshik.)! 39Yang mibongsiangna Pharisiapauniangna khachigis khoa jus : Kasa Ltsabkhan rangi lzadrulbakhanunla zingspa zadang. 40Yang khos tamlaniang khonga mols : Ngas khyentanga diu zered : Taqdir diun zode duksna ni rdoaunis kri base kustab-tuk. 41Yang kho nyemoa skyode rgyalsao thongmana kho de (yulpoe)ka nguse, 42dyu mols : Khyeranga rangi dyana jaqika, mana khyerangang khyeri zomluksi inkhanun rshtaḵẖspa songmin na! Amma dare doun khyeri miklana stored. 43Chiazerbana khyeri mirgakhanunis khyeri khridkhorla ḏong bruse khyerang rshkilla tangmi yang ljong saqna doḵẖshukpi jaqun khyerika hlebtuk. 44Khyerang yang khyeriang yodkhan phrûn sâ rgyabcha chhok yang khyeriang rdoeka rdoa lusmichuk chiazerbana khyeranga ltaluks baspi thô ngezin masong.
45Ni kho Rtsangma Malsiang skyodena thsongkhan nyo-khanun diu molen phingse tangma ryaḵẖs. 46Diu zbrise yod : Ngi khangmao laqpa zunchi khangma chhok; amma khyentes do rshkunmauni baho rchos. 47Yang khos jaq bingma Rtsangma Malsiang ltsabon dugedpin; amma gowa kohenun nang chnoszbrikhanun nang sharbi gowaunis kho sadpi gral ben yodpin. 48Yang diu gatsuga bok zerbi zostek mabings chiazerbana sharbas snying tangse khoa nyanen yodpin.
Àwon tá yàn lọ́wọ́lọ́wọ́ báyìí:
Lukasi Phrinzangpo XIX.: SOMA
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© Société Biblique de Genève