Lukasi Phrinzangpo XVIII.
XVIII.
1Ni, khos Ashipa-a laqpa zunen dukpi phya yang hemba mi chhaqpi phya di spekhawang khonga shaden, 2dyu mols : Rgyalsa chikchigiangnuk shaḵẖsphekhan chikchik yodpin; kho Ashipa-a jikspamedpin, yang mia kosa bamedpin. 3Ni, dyana rgyalsiang rangi-miu-shikhan-anek yodpin, yang de aneo khoe der yongen dyu juin yodpin. Ngi shaḵẖs phese nga ngana zgradkhanpoekana phude tangna zad. 4Yang, namzck rdzashik thsaqpa kho doa ma ran; amma, chi juga khos rangi koqpeang zes: Nga. Ashipa-a jikspanednâng, yang ngas niunla kosa bamednâng, 5Di mi-shiskhan aneo ngâ gyoshukspi phya ngas khoo shaḵẖspo pheok, medna dyu loqen loqen yongse nga mana doḵẖshuktuk. 6Ni, Ashipaos mols : Di spodshor shaḵẖsphekhanpos zerbaola nyanshik! 7Ni, Ashipas thsan nang nyimao rangi rgyazgoeang khs taben dukkhen rangi pheskhanuni shaḵẖs mi phea yang kho khongika thyaqkhan michhâ ? 8Ngas khyentanga zered : Khos rtsomse khongi shaḵẖs pheok; do in nang, Mi-i Buthsao skyodpana Khoa se-rdongika chhesluks thobtuga ?
9Ni, rangika rdyang jaqkhan nang rang salyaq nang eun chang men sheskhanunla, khos di spekhao mols : 10Mi nyis Rtsangma malseang Ashipa-a laqpa zunma song. Chikchik Pharisyapa echikchikpo babzdukhan inmin. 11Pharisyapaos langse rangi phya laqpa zunen yodpin : Kasa Asbipa ngas Yeranga ju bed, chia-zerbana nga emiun natsoḵẖs naḵẖs stankhan, khadrang med han, loli bakhan, yang di babzdukhanpo na tsoḵẖshik men. 12Nga jaqrduniang tser nyis khastonga duged yang ngari phel jungika po-rchui-pochikpo tanged. 13Amma, babzdukhanpoa thaqringa langse rshnami rolla migun thyaqse lta maphod, dobasang rangi brangpo rdungsena jus : Kasa Ashipa, nga nyespachan zdikpa thsorba zad. 14Ngas khyentanga zered : Di chikchikpo eo basang khadrang chhakhan songse rangi khangmâ song; chiazerbana sus rang chho rchosna, kho thsuntse rchocha chhok, yang sus rang thsuntse rchosna kho chho rchocha chhok.
15Ni, miunis rangi chaqtse phrûnang khos laqpa tukpi phya khoe der khyongs. Ni, lzadrulbakhanunis dyu thongse khonga zings. 16Amma, Yeshus khonga rangi der yong zere mols : Phrûnla ngi der yongchukshik, yang khonga mayong zere mazershik, chiazerbana Ashipi rgyastridpo dyu tsoḵẖsuni in. 17Chhadkhika, ngas khyentanga zered : Sus Ashipi rgyastridpoa phru natsoḵẖs base in mazesna kho deang jukspa mana minyan. 18Yang gowa chikchigis khoa diu zeren jus : Kasa noro ltsabkhan, Rshtane luspi sonluks thobkhan chhe phya ngas gatsuk ba ? 19Ni, Yeshus khoa mols : Khyeres ngâ noro chia zered ? Ashipa chikchik khorang mene yang su noro men. 20Khyeranga molskhanun na rshtaḵẖspa yod : Khyeres loli ba mirgos; khyeres mi sadpa mirgos; khyeres rshkua mirgos; khyerang rdzoni rshpangpoa chha mirgos; rangi ata nang ami yasharin ba rgos. 21Ni, khos jus : Nga phru tsana diun jungika snanga jaqsed. 22Ni, diun gosena Yeshus khoa mols : Dareang khyeriangnuk dyanda kaṯo med : Ranga yodkhanun jung tsong, yang nyalbachanunla zgose tong, yang khyeranga rshnamiang sera thobtuk, yang ngi lzâ yong. 23Amma, khoa diu goana mangmo ḵẖolṯochan song, chiazerbana kho ma nordaq yodpin. 24Yeshua kho mangmo ḵẖolṯochan songmao thongsena mols : Phyikpoun Ashipi rgyastridiang jukspao gatsuk rshkablashik in! 25Ohiazerbana, nordaqun Ashipi rgyastridiang jukchao basang rshgabong khabi mik-is bingse jukchao ltsamo in. 26Ni, gokhexunis jus : Dekana, khomluks sua thoba nyaned ? 27Amma, khos mols; Miunla ba minyankhanun Ashipa-a ba khyuded. 28Ni, Petro-sis jus : Ziksang, ngachas jung phangse yeri lzâ yongsed. 29Ni, khos khonga mols : Chhadkhika ngas khyentanga zered : Khangma hana ata-ama hana phonoun hana ane hana phrûn Ashipi rgyastridi phya phangse, 30yang di namzeang zde mangmo mithobkhan yang yongmi namzeang rshtane luspi sonluks mithobkhan ḏinḏek suang med.
31Ni, de chunyispo rang na nyambo khridena khonga mols : Ltosang, ngacha Yerusalema chhed, yang khyen khanunis Mi-i Buthsi rshmange-ang zbrise yodkhanun jung chhok. 32Chiazerbana kho janmi mithsiruni laqa tangcha chhok, yang khoeka ukhan tangcha chhok, yang khoa kha rtsicha chhok, yang (khoeka) thu tangcha chhok, 33Yang rshtalchaqs tangse khongis kho sade (phangcha) chhok; yang kho jaqsumi jaqa sone langsha chhok. 34Yang khonga diuniangna chang tami ha mago, yang di sperao khonga zbase lus, yang di molskhan speraun khonga rshtaḵẖspa ma song.
35Ni, kho Yerikho na nyemoa hlebtsana, ḏinḏek song : Jerba chikchik lami ljongspoa dukse ltsangen yodpin. 36Ni, mibongshik shitius drulen thsorbana khos tris : Diu chi chhed ? 37Ni, khongis khoa zes : Nazaretpa Yeshu skyoden yod. 38Yang khos kustabse jus : Kasa Yeshu, Dawidi Rshras, nga zdikpa thsorba zadang! 39Yang di sna snanla chhen yodkhanunis khoa kha zode zere zings, amma khos yangang khri base (jus): Kasa Dawidi Rshras nga zdikpa thsorba zadang! 40Ni, ḏang langse juksena Yeshus kho khoe shitia khyong mols. Ni, nyemoa yongsena khos khoa diu molen tris : 41Khyerang ngas khyeri phya chi ba thaded ? Ni, khoa jus : Kasa Ashipa nga thongkhan chha (thaded). 42Yang Yeshus khoa mols : thongkhan song, khyeri chhes-lukspos khyerang noro chhachuks. 43Yang dyanatsuga kho thongkhan song yang Ashipi chhezbrel songshik zeren khoe lzâ song. Yang mibongs jungis thongse Ashipi stodkha bas.
Àwon tá yàn lọ́wọ́lọ́wọ́ báyìí:
Lukasi Phrinzangpo XVIII.: SOMA
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© Société Biblique de Genève