Yoannesi Phrinzangpo XII.
XII.
1Dekana Yeshu Pesaqi rgamo basang jaqma truk snanla khores shise songkhan shimiuniangna sone ltsangskhan Lazaros yodpi Bet anieang skyods. 2Dekana der, khongis khoa rgongzan skols. Yang Marthas jabsthoq bas, amma Iazaros kho nanyambo sangma donkhanuniangna chikchik inmin. 3Dekana Mariamis rinthos yodkhan rshkyang sumbuli trijimi marchik ser pheod sek khyongse Yeshui kangmaunika skus, yang rangi goe ryalpeka khoe kangmaun phyis. Ni, khangmao trijimi trîka gang. 4Dekana khoe lzadrulbakhanuniangna kho zunchukcha yodkhan Israriotpa Simonpi Yudasis zes : 5Di trijimpo jahujaphed sum-gyâ tsongsena nyalbachanla chia matangs ? 6Amma khos do nyalbachanuni qolṯo songse mazes, dobasang khorang rshkunma inen yang khuri der komaqs yoden yang doeang tangskhanpo khores khyeren yodpi phya zes. 7Dekana Yeshus mols: Dukchuk, bomos di trijimpo nga durkhangeang kabi jaqpoe phya jaqsed. 8Chia-zerbana nyalbachanun rshtane khyenti der yod, amma nga rshtane khyenti der med.
9Dekana Yudayaspauni chhô mibongshiga Yeshu der yodpao rshtaḵẖspa song; khong Yeshu tsâ lte phya men dobasang khos shimiuniangna sone ltsangskhan Lazaroslâng lta yongs. 10Ni, gowa kohenunis Lazarosang sadpi grabs bas. 11Chiazerbana khos base Yudayaspa mangmo songsena Yeshuika chhesluks bas.
12Ejaqa Rgamoa yongkhan chno mibongshiga Yeshu Yerusalemiang skyods zere thsorbana, 13ḵẖormai katik cnaqs yang khona suse song yang kustabse jus : Hosana, Ashipi mingika skyodkhan Israeli Rgyalpoa rgyalba songshik! 14Ni, Yeshua kuruik thobse deka chibs, zbrise yodkhanpo nazomse; 15La Sioni Bumo! Khyerang jiks majiks! Ltosang khyeri Rgyalpo mobongi kuruika chibse skyoded. 16Khoe lzadrulbakhanunla chisnâ diuni rshtaḵẖspa masong, amma Yeshu khuri chhezbrelika skyodena diun khoe rshmangeang zbrise yodsuk zere yang khongis diun khoa baspawang khonga itu yongs. 17Dekana khos Lazarla durkhangpeangna bingse yong mole shimiuniangna kho sone Itsangstsana Yeshu nanyambo yodkhan de mibongspos rshpangpo tangs. 18Di phya mibongspo kho na suse yongs chiazerbana khonga khos di rshtaḵẖsnao stansed zere thsor. 19Dekana Pharisiapaunis khontang chikchigas zes : Khyentanga chang mi phangmao thongeda ? Ltashigang miyulpo khoe lzâ chha mathsar.
20Ni, Rgamoa rchorba yongskhanuniangna Hellenpa khachik yodsuk. 21Dekana khong Galilaiasi Bethsaidapa Philipposi der yongs, yang khoa diu zeren jus : Kasa ju ngachâ Yeshu na thuksnyi yod. 22Philippos yongsena Andreasla zes; yang Andreas nang Philippos yongse Yeshus shads. 23Ni, Yeshus tamlaniang khonga mols : Adami Rshraspo chhezbroliang skyodpi tho hlebsed. 24Chhadkhika, chhadkhika ngas khyentanga zered : Kroe phulu se yoqa songse mashina khorang tsa lused, amma do shina doa phulu mangmo khured. 25Sus rangi stroqpo rchespa tsorna do khoa storuk, yang sus di miyulpeang rangi stroqpo rchespa matsorna khoa do rshtane luspi sonluksiang lusuk. 26Sus ngi jabsthoq bed na ngi lzâ yongchuk, yang nga yodseka ngi jabsthoq bakhan-poang dukcha in. Taqdir sus ngi jabsthoq basna Ataos khoa yasharin bok.
27Dare ngi stroqpoa doḵẖsed, yang ngas chi zeruk, Kasa Ata, di thoekana nga khomchuk ? Amma de phya nga di thoeka hlebsed. 28Kasa Ata, yori mingpo chhô songshik! Dekana rshnamiangna skadchik bing : Ngas nyiskao chhô chhachuks, yangang chho chhachuktuk. 29Ni, eka langse nyanen yodkhan mibongspos zes : Bruk chik bos; yang khachigis zes : skopa chikchigis kho na spera tangsed. 30Yeshus tamlan sale mols : Di skadpo ngi phya bingskhan men, dobasang khyenti phya bingskhan in. 31Dare di miyuli shaḵẖs in; dare di miyuli gowao skrade tangcha chhok. 32Yang taqdir nga sekana thyaqse khyerspin na ngas jung ngari der thenuk. 33Amma, khos diu khorang gatsuga shicha inmao rshtaḵẖspa chha chuks. 34Mibongspos khoa tamlaniang jus : Masihyu rshtane lused zere ngachâ thoratiangna gosed; yang yeres Mi-i Buthsao thyaqse khyershukpa rgosed zere gatsuga moled ? Di mi-i Buthsao su in ? 35Dekana Yeshus khonga mols ; Darang gyerchik odpo khyenti bariang yod; thubpo yongse khyentang mizunma odpo khyenti der yodyod thsaqpa drulshik. Yang thub-poeang drulkhanpoa khorang gar chhachao rshtaḵẖspa med. 36Khyentang odi buthsaun chnacha khyenti der odpo yodyod thsaqpa odika chhesluks bashik. Yeshus khonga diun mols, yang bingse skyodena khongi mik lama stor. 37Amma, Khos khongi dunla diatsek mangmo rshtaḵẖsna stans (nang) khongis khoeka chhes-luks mabas. 38Esaias khyenkhanis "Kasa Ashipa ngachi phrinpoa su chhesed ? Yang Ashipi phyaqpao sua ngonsed ?" zeskhan tampo chhe mingna (diu song). 39Di phya khonga chhesluks ba manyan, chiazerbana Esaiasis yang diu moled. 40"Khongi migunla mithong yang khongi snyinguniang rshtaḵẖspa michha, yang khontang miloq yang ngas khong noro chha michuk zere khos khongi migun jar chuks, yang khongi snyigun rdoa chhachuks". 41Esaiasla khoe chhezbrelpo thongmana khos diun mols yang khoe rshmangeang spera tangs. 42Gowauniangna mangmos khoeka chnesluks bas na bas, amma Pharisiamunis base Sharba duspi malsiangna khong phingse mitang zere khongis do ngone mazes. 43Ghiazerbana khongis Ashipi chhezbrelpo basang miuni chhô lukspo mangmo rchespa bas. 44Ni, Yeshus kustabsena mols : Ngika chhesluks bakhanpos ngika chnesluks base men dobasang khos nga tangkhanpoeka chnesluks base in. 45Yang nga thong-khanpoa nga tangkhanpo thongse in. 46Ngika chhesluks bakhan rere nang rere ṯhubiang miluspi phya nga miyulpeang od ldane yongskhan in. 47Yang taqdir su ngi tamun thsorna yang machhesna ngas khoe shaḵẖs bacha; men chiazerbana nga miyulpoe shaḵẖs ba yongskhan men, dobasang miyulpo khomchukpi phya nga yongs-khan in. 48Nga phangskhan yang ngi sperawa mirankhanpoa shaḵẖs phekhan chik yod : ngas zeskhan tampo khores chi jugi jaqa khoe shaḵẖs bacha in. 49Chiazerbana ngas ngariangna chang ma zes, dobasang nga tangslkhan Ataos ngas chi zorba rgoshao yang chi spera tangma rgosha nga kalskhan in. 50Yang khoe skalskhanpo rshtane luspi sonluks inmao ngâ rshtsḵẖspa yod. Dekana ngas zorkhanpo Ataos ngâ molskhanpo natsoḵẖs base ngas zered.
Àwon tá yàn lọ́wọ́lọ́wọ́ báyìí:
Yoannesi Phrinzangpo XII.: SOMA
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© Société Biblique de Genève