Yoannesi Phrinzangpo XI.
XI.
1Ni, Mariam nang khoe achne Mathasi Bethanias zerkhan grongeang Lazaros zerkhan nadpek yodpin. 2De, Mariampo Ashipâ trijimi mar blukse skuse rangi goe ryalpona khoe kangmaun trudskhan diana Mariampo inmin; Khoe phono Lazaros mardea yodpinsuk. 3Dekana, Khoc achheunis Yeshua mi tangse jus : Kasa Ashipa, ziksang, yeri rchespawa mardea yod. 4Ni, Yeshus thsorena mols : Diu shînad men, dobasang Ashipi Rshrasi chnezbrelpo ngonmi mingna Ashipi chhezbrelpoe phya diu (songskhan) in. 5Ni, Yeshus Marthas nang khoo nomo nang Lazaros rgedpin. 6Dekana, Khoa, Lazarosla mardea yodsuk zere thsorbana khorang yodpi seka yang jaqma nyis duks. 7Di jukna khos lzadrulbakhanunla mols : Dongshik ngantang yang Yudayasla chhen. 8Lzadrulbakhanunis khoa jus : Rabbi, dare chhoq Yudayaspaunla yerang rdoarub basnyi yodena yerang der yang skyodeda ? 9Yeshus tamlaniang mols : Nyimiang dusthsod chunyis meda ? Su nyimâ drulsnarek kho ḵẖate mirgyab, chiazerbana khoa di miyuli odpo thonged. 10Amma taqdir su thsanla drulsna kho ḵẖate rgyabed, chiazerbana khoeang od med. 11Diun mols. Yang di jukha khos khonga mols : Ngachi rgakhan Lazarosla nyid yongse yod, amma nga khoa nyid thsad chukpa chhed. 12Dekana khoe lzadrulbakhanunis khoa jus : Kasa Ashina, taqdir khoa nyid yongse yod narek kho noro chhok. 13Amma, Yeshus kho shî rshmangeang molspin, amma khonga khos nyid tangse dalbi rshmangeang mole sams. 14Dophya Yeshus khonga salbasal mols : Lazaros nongs. 15Yang khyentes chhesluks bok zere, nga deka medpaws khyenti phya nga thaded, amma dongshik, ngantang khoe der chhen. 16Dekana Didimos zerkhan Thomasis khorang nanyambo yodkhan lzadrulbakhanunla zes : Ngantangang kho nanyambo shia dongshik!
17Dekana Yeshu skyodpana Lazaros durkhangeang jaqse jaqma jbji songspao khoa rshtaḵẖspa song. 18Ni, Bethania stadia choqa (dak phed tsek) Yerusalem na nyemoa yodpin. 19Yudayaspaun msngmo Marthas nang Mariam nanyambo yodkhanunla khongi phono nongspi phya mathser zerba yongspin. 20Dekana Marthâ Yeshu skyoded zere thsorbana kho na suse song. Amma Mariam khangmâ dukse yodpin.
21Dekana Marthasis Yeshua jus : Kasa Ashipa, taqdir yerang dir yodpin na ngi phono mishipa. 22Amma dareang Yeres Ashipa-a juskhanpo jung Ashipas Yeranga saluk zere ngâ rshtaḵẖsna yod. 23Yeshus anewa mols : Khyeri phono yang sone langsuk. 24Marthasis khoa jus : Chi juga sone langspi jaqa Kho sone langsuk zere ngâ rshtaḵẖspa yod. 25Yeshus de anewa mols: Sonelangspi jaqpo nang sonlukspo Nga in ngika chhesluksbakhanpo shina-ang sonuk. 26Yang ngi chhesluks base thse rgalchukhhan rere nang rere mana rshtane phya mishi. Khyerang diua chheseda ? 27Di aneos khoa jus : Kasa ashipa, miyuliang skyodkhan Masih Ashipi Rshras, Yerang khorang inmao nga chhese yod. 28Diun zerena de aneo songse rangi nomo Mariama sangso yong zere khyongse zes : Ltsabkhanpo skyodsed, yang yeranga yong moled. 29De nomoa thsorbana kho rtsomse kuaq langs yang khoe der song. 30Ni, Yeshu darang gronduspeang hleba medpin, dobasang khorang na Martha thukkhan malseka yodpin. 31Ni, nangngosltek Mariama mathser zeren yodkhan Yudayapaunla kho kuaq langse phyistâ chnao thongmana de aneo rong-khangpeka ngua chhed samse nomoe lzâ song. 32Dekana Mariamis Yeshu yod-seka hlebse kho thongmana khoe kangmoka zgusena khoa jus : Kasa Ashipa, taqdir yerang dika yodpin na ngi phono mishipa. 33Dekana Yeshua de aneo nguin (thongmana), yang kho nanyambo yodkhan Yudayaspaunang nguin thongmana khoe thukspo qoltochan songse khos doḵẖsuk; 34Yang moled : Khyentes kho gar jaq-sed ? Khongis khoa jus : Kasa ashipa skyode ziksang. 35Yeshus ngus. 36Dekana Yudayaspaunis zes : Ltashigang khoa kho gatsuk rchespa yodsuk. 37Amma khongimgna khachigis zes : Diu jarbi migun phekhanpoa diu-ang mishi chukpi mingna diatsek ba manyana ? 38Dekana Yeshua yang thukspo qolṯochan songse durkhangi der skyoded. Ni do bahoek inmin, yang deka hyamangshik kale yodsuk. 39Yeshus diu moled : De hyamangspo thenshik; de shiskhan mî achhe Marthas khoa juid : Kasa Ashipa daro khoa tri yonged, chiazerbana jaqma jbji songsed. 40Yeshus de anewa moled : Taqdir khyeres chhesluks bas na khyeranga Ashipi chhezbrelpo thongnukpa zere ngas khyeranga mazesa ? 41Ni, Yeshus rshnami rolla go thyaqse mols : Kasa Ata ngas yeranga ju bed chiazerbana ngi juwa yeres nyanma zaded. 42Yang yeres ngi juawa rshtane nyanma zaded zere ngâ rshtaḵẖspa yod; amma yeres nga tangskhan in zere khridkhorla langse yodkhan mibongspos chhesluks be mingna ngas (diu) khongi phya zes. 43Yang diun molena, khos kustabse mols : Wa Lazaros! Bingso yong! 44Kangma nang laqpa shirasiang tumse rdongpoa laqphyishik skrise shise yodkhanpo phyistâ bingse yongs. Yeshus khonga moled : Kho krole chhachukshik.
45Dekana Mariama (mathser zere) yongskhan Yudayaspauniangna mangmos Yeshus baskhan laspo thongmana khoeka chhesluks bas. 46Amma khongiangna kha-chigis Pharisiapauni der songse baskhanun khonga spera tangs. 47Dekana gowa kohenun nang Pharisiapaunis grabs ba zdams yang zes : Ngantes chi bed ? Chiazerbana di mius rshtaḵẖsna mangmo staned. 48Taqdir ngantes kho diat-sega jaqsna tsoqis khoeka chhesluks bok yang nganti yulpo nang miun nyiskao Romapaunis laqyoqa khyongnuk. 49Amna khontiangna chikchik de loa chho koheni gowa inkhan Kaiaphas zerkhanpos zes : Khyentanga chang shespamed. 50Hana yulmiun jung basang mithsiri skinla mi chikchik shichao ngantanga phan kye in, zerbawang khyenti sambiang med. 51Amma, khos diu khuriangna zes-khan men, dobasang dia loa khorang kohenuni gowa inmana Yeshu de mithsiri mingna shia chhe taq yodpin zere khos khyene zes. 52De yulmiun tse mingna men, dobasang Ashipi yane songkhan rshrasun malchik be mingna ang in. 53Dekana khontes de jaq na khp sadpi grabs bas. 54Do phya Yeshu Yudayaspauni bariang ngone makhor dobasang dekana langse chhô thangpo na nyemoa yodkhan yulpe Ephrahim zerkhan grongduspeang skyods, yang khuri lzadrulbakhanun na nyambo der juks. 55Ni, dare Yudaspauni Pesaqi Rgamoo jaqpo nyemoa yodpin, yang Pesaqi Rgamo basang snanla yuliangna rang soso rtsangma be phya mangmo Yerusalema song. 56Dekana khongis Yeshu tsalen yodpin, yang Rtsangma Malsiang langse khon-tang chikchiga diu zeren yodpin: Khyentes Kho Rgamoe jaqa mi-yong sameda ? 57Ni gowa kohenun nang pharisiapaun nyiskas taqdir sua Yeshu gar yod zore rshtaḵẖspa songna kho zunmi phya stanshik zere skalspin.
Àwon tá yàn lọ́wọ́lọ́wọ́ báyìí:
Yoannesi Phrinzangpo XI.: SOMA
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© Société Biblique de Genève