Mataio 1
1
Ko te Gafa o Iehu
(Luk 3.23-38)
1Ko te tuhi tēnei o te gafa o Iehu Keliho, na tupuga mai ia Tavita, ma ko Tavita na tupuga mai ia Apelaamo.
2Ko Apelaamo te tamana o Ihaako, ko Ihaako te tamana o Iakopo, ko Iakopo te tamana o Iuta ma ona uho, 3ko Iuta te tamana o Faleha ma Hela (ko to lā mātua ko Tamala), ko Faleha te tamana o Hehalona, ko Hehalona te tamana o Alama, 4ko Alama te tamana o Aminatapu, ko Aminatapu te tamana o Nahona, ko Nahona te tamana o Halamona, 5ko Halamona te tamana o Poaha (ko tona mātua ko Lahapa), ko Poaha te tamana o Opeta (ko tona mātua ko Luta), ko Opeta te tamana o Iehe, 6ko Iehe te tamana o Tavita te tupu. Ko Tavita te tamana o Holomona (ko tona mātua nae āvaga kia Ulia), 7ko Holomona te tamana o Lepoamo, ko Lepoamo te tamana o Apiaha, ko Apiaha te tamana o Ahafo,#1.7 Ahafo Ko iētahi tuhituhiga tuai e leamai Aha 8ko Ahafo#1.8 Ahafo Ko iētahi tuhituhiga tuai e leamai Aha te tamana o Iohefatu, ko Iohefatu te tamana o Iolama, ko Iolama te tamana o Uhia, 9ko Uhia te tamana o Iotama, ko Iotama te tamana o Ahaha, ko Ahaha te tamana o Ehekia, 10ko Ehekia te tamana o Manahe, ko Manahe te tamana o Amoha,#1.10 Ko iētahi tuhituhiga tuai e leamai Amona ko Amoha#1.10 Ko iētahi tuhituhiga tuai e leamai Amona te tamana o Iohia, 11#2 Tup 24.14-15; 2 NT 36.10; Iel 27.20ko Iohia te tamana o Iekonaia ma ona uho, i nā aho o te fakaaunukuga ki Papelona.
12Mai te taimi talu te kave kehega o tagata i te fakaaunukuga ki Papelona; ko Iekonaia te tamana o Halatielu, ko Halatielu te tamana o Helupapelu, 13ko Helupapelu te tamana o Apiuta, ko Apiuta te tamana o Eliakima, ko Eliakima te tamana o Ahole, 14ko Ahole te tamana o Hatoka, ko Hatoka te tamana o Akimi, ko Akimi te tamana o Eliuta, 15ko Eliuta te tamana o Eleahala, ko Eleahala te tamana o Matana, ko Matana te tamana o Iakopo, 16ko Iakopo te tamana o Iohefa te tāne a Malia te mātua o Iehu, tē kua fakaigoa ko te Mehia. 17Ko tona uiga, e hefulu fa ia tupulaga e kāmata mai ia Apelaamo ke pa kia Tavita, e hefulu fa ia tupulaga mai ia Tavita ki te fakaaunukuga ki Papelona, oi hefulu fa foki ia tupulaga mai te fakaaunukuga ki te fānau mai o te Mehia.
Ko te Fānau maiga o Iehu te Mehia
(Luk 2.1-7)
18Ko te tala tēnei ki te fānau maiga o Iehu Keliho. Ko tona mātua ko Malia, na fakamau ke nonofo ma Iohefa. Ka ko hēki nonofo kilāua, kae kua iloa e Malia ko ia kua to i te mana o te Agaga Paia. #Luk 1.27 19Ko Iohefa he tino e ia faia pea lava te mea e hako, kae e hēki fofou ke ia fakamāhiahia ia Malia i mata o tagata; na tonu ai i tona māfaufau ke fakauma munimuni te lā fakamau ke nahe iloa e he tino. 20Ka koi māfaufau vēnei ia Iohefa, kae kua fakaali ki ei he āgelu a te Aliki i he miti, e lea vē, “Iohefa te lāpuna o Tavita, ia koe nā mataku oi fai ia Malia ma au āvaga. Auā ko tana to e mai i te mana o te Agaga Paia. 21Ka fānau mai e ia he tama ma ka fakaigoa e koe kia Iehu, auā ka fakaola e ia ona tagata mai a lātou agahala.”#Luk 1.31
22Na tutupu nā mea uma iēnei ke taunuku ai te kupu a te Aliki na ala mai i te pelofeta, 23“Kikila, ka manavakīkī te tāupou ma fānau mai e ia he ataliki, ma ka fakaigoa e kilātou kia Emanuelu” (ko tona uiga “Ko te Atua e fakatahi ma kitātou”).#Iha 7.14 (LXX)
24Kua ala ia Iohefa, oi na fai ai e ia ia Malia ma ana āvaga, e vē ko te leaga ki ei o te āgelu a te Aliki. 25Kae ko hēki uhu ia Iohefa kia Malia, ka kua fānau e Malia he ataliki; oi na fakaigoa ai e Iohefa kia Iehu.#Luk 2.21
Àwon tá yàn lọ́wọ́lọ́wọ́ báyìí:
Mataio 1: TOKU
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Bible Society New Zealand Charitable Trust
