कुलुस्सी 4
4
मसीह अनुग्रह
1ऐ स्वामि आपाआ-आपाआ दासाआ आरी न्याय अने ठीक-ठीक व्यावारो कोआ ओ सोमजित का होर्गामेहे तुमाआ बी एक स्वामी होय. 2प्रार्थनाम कायम लागित रो अने जाहा तुमु प्रार्थना मुडोपो तेहलाम कायम परमेश्वरोओ धन्यवाद कोईत रो, 3तियाआ आरी आरीज आमा कोअता बी प्रार्थना कोईत रो याकोअता का परमेश्वर आमाहा आपाआ संदेशाला प्रचारा कोअता द्वार खुले तेहलूज ख्रिस्ताआ ओल्खाती मेहे रहस्य पूर्ण खोरो प्रवचनाचा प्रचारा कोअता वेल मिळूहुजोवे काहाके ह्याकाजेज आय जेलूम होय, 4प्रार्थना को का आय तियाहा एहलो स्पष्ट शब्दाम गोगेहे आवे का जेहलो माहु गोगीला जोवे. 5बारथेए मांहाआरी बुद्धी पुरो व्यवहार को संधीआ पुरो वाप्रिलो का. 6तुमाआ गोगीला कायम अनुग्रह होय अने तुमाआ ज्ञान वादिलोहो याकोअता तुमु जाईत लेदलेए का कोडाआ केहलो उत्तर आपलो होय.
आखरी नमस्कार
7आमाआ प्रिय पाही तुखिकुस जो एक विश्वासु सेवक अने प्रभू माय आरी सेवक होय तुमामे माविषयी आखे वर्तमान कोत आपही. 8आय तियाहा तुमा कोअता याकोअता मोकलित का तुमामे तीयावाही आमाहा सालसालुणूक मालुम उवे ते तुमाआ ह्रदयाआ प्रोत्साहन कोअनारू. 9आय आपामेहे विश्वास तेहलूज प्रिय पाही उनेमिउस ला तियाआ आरी मोकलित होय जो तुमा मेहेज एक होय ते इही जे थोडो उवनारा होय ते आखे तुमामे कोय. 10अरिस्तर्खुस जेली मेहे माआरी रोला होयातोच बरनबासआ पाही मार्क आ तुमामे नमस्कार (तियाआ विषयामे तुमु आज्ञा जुळाविते होय का जर तुमापोओ आव्ये तेहलाम तियाआ स्वागत को), 11युसतूस कोअहो जात्लुके येशुउ बी तुमामे नमस्कार यहुदी सुंता माहुमेहे फक्त ओच परमेश्वरोओ राज्याकोअता माआरी काम कोईत होय अने माकोअता आनंदाआ भाग होय. 12इपफ्रास आ पोन तुमामे नमस्कार तो तुमामेऱ्या एक होय अने ख्रिस्त येशुउ सेवक होय तो कायम तुमा कोअता त्रस लेत तुमाआ काजेज हमेशा प्रार्थना कोईत होय का तुमु आध्यात्मिक रुपोमे पुरो बोणीत विकास कोईत रो पुरु विश्वास पुर्वोज परमेश्वरोओ इच्छेनुसार कोईत रो. 13आय तिया साक्षी होय का तो तुमा कोअता अने लौदिकीय तेहलूज हिस्रापुलीस आ रोलाकोते परिश्रम कोईत होय. 14प्रिय चिकित्सक लुक तेहलूज देमास बी ताहु नमस्कार कोयु होय. 15लौदिकीया माय रोनारा पायहो तेहलूज नमुफ्रास अने तिया मंडली जे तियाआ कोओहो जोडीत जात होय नमस्कार कोजि. 16अने पाला, पत्र जाहा तुमा आगाडी वाचले जाइअलो तेहलाम याआ गोठीकोता निश्चिय कोईत ल्या का याआ लौदिकीयाआ मंडलीम पोन वाचले जालो अने लौदिकिया त्यापोरोत तुमामे पत्र मिलुजोवे याहा तुमु पण वासित लेदलेए. 17अरखिप्पुस पण कोआ का तो याआ गोठीकोता लक्ष्य आप का प्रभू मेहे जी सेवा तियाहा आप्यी गोयी होय ती सेवा निश्चयाने तिये पुरो कोईली. 18आय पौलुस स्वतः आपाआ लेखणी काहाके नमस्कार कोयु होय, ओर मेका का आय जेलूम होय अनुग्रह तुमाआरी राहो.
Àwon tá yàn lọ́wọ́lọ́wọ́ báyìí:
कुलुस्सी 4: NOINT
Ìsàmì-sí
Daako
Ṣe Àfiwé
Pín
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Noiri (नोयरी) Bible by The Love Fellowship is licensed under Creative Commons Attribution-ShareAlike 4.0 License.