1 थिस्लोनी 1
1
शुभकामना
1पौलुस अने सिलवास अने तीमुथियुसो वोलरोत थिस्सलुनीकि मंडली नावे जी परमेश्वर बाह्हाआ अने प्रभु येशु ख्रिस्तमेहे होय अनुग्रह अने शांती तुमाहा जोडती रोय.
थिस्सल्निकियो हाजो उदाहरण
2आमू आमा प्रार्थनाम तुमाहा ओर कोअत्लू अने हर एक टायमे तुमु आखा विषयी परमेश्वरोओ धन्यवाद आपत्ले, 3अने आपाआ परमेश्वर अने बाह्हाआ आगाडी तुमाआ विश्वासाआ काम अने प्रेमाआ मेहनत अने आमू प्रभू येशु ख्रिस्तामेहे आशेने धीरजला हमेशा ओर कोईत रोतलू. 4ऐ पाही, परमेश्वरोओ प्रिय माहु, तुमामे मालुम होय का तुमु परमेश्वरोओ निवडाविले होय. 5काहाके आमाआ सुवार्ता तुमापोओ फक्त शब्दामे नाहा ताहा पवित्र आत्माम अने वोडो सामर्थ मेहे पुगीतगोयू होय जेहलो तुमु समजीलो का आमू तुमा कोअता तुमामे एहलो बोणीत गोये ओते. 6तुमु वोडो दुखो मेहे पवित्र आत्माम आनंदा आरी वचनाआ माणीत आमाईही प्रभु कोअता चाल चालीलो होय. 7इहिंजा तुमू मकिदुनिया अने अखयातील आखे विश्वास मिकीलापोओ तुमु नमुना बोन्यो. 8काहाके तुमाआ ईहिरोत फक्त मकिदुनिया अने अखया मध्येच प्रभूऊ वचन कोयु गोये एहलो नाहा ताहा तुमाआ विश्वास जो परमेश्वरोओ होय हर एक जाग्तली एह्ली चर्चा फैलावीत गोयी होय का आमाहा कोअला आवश्यकता नाहा. 9काहाके ते स्वतः आमू विषयी कोतला का तुमापोओ आमाहा आविला केहलो उवे अने तुमु मूर्ती परमेश्वराही केहलो वोलोलो म्हणजे जिवंत अने खोरो परमेश्वाराची सेवा कोईली, 10अने तियाआ पोऱ्याहा होर्गामरोत आविलाआ वाट जुवता रोवा ज्याहा तिये मोल्यामरोत जिवंत कोल्यु, काहाके येशुउ जो आमाहा आवनाराआ संकटा मेहे सोडवित्लो.
Àwon tá yàn lọ́wọ́lọ́wọ́ báyìí:
1 थिस्लोनी 1: NOINT
Ìsàmì-sí
Daako
Ṣe Àfiwé
Pín
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Noiri (नोयरी) Bible by The Love Fellowship is licensed under Creative Commons Attribution-ShareAlike 4.0 License.