1 थिस्लोनी 4
4
पवित्रता कोअता बुलाहट
1याआ कोअता ऐ पाही आमू तुमाहा विनती कोअताहा अने तुमाहा प्रभु येशुमेहे होमजाते का जेहे तुमु आमू पोओ रोत हाजी चाल सालीई लो अने परमेश्वरा प्रसन कोइला हिकल्यु होय अने जेहलो तुमु चोलतेह बी तेहलोज अने वोड़ते जावा. 2काहाके तुमामे मालुम होय का आमू प्रभू येशु त्यापोरोत तुमामे कोडाकोडा आज्ञा पुगाडिही. 3काहाके परमेश्वरोओ इच्छा ए होय का तुमु पवित्र बन्यो, म्हणजे व्याभिचारा रोत सेटा-सेटा, 4अने तुमामे हर एक जण पवित्रतेने अने मानिलोओ आपाआ लाडीह जोडयो कोईत मालुम जोवे, 5अने ओ काम वासनेने नाहा अने तियाअ अन्यजाति पण नाहा जे परमेश्वरोहो नि जाआत्ली, 6आव गोठीमे कोडु आपाआ पायहोहो ठोगीत कायना अने तियापो गैरफायदा लेऊ कायना काहाके प्रभू आव आखे गोठीई बदलू लेही होय जेहलो का आमू तुमामे पहिलुच कोयु अने सावध पण कोल्यु ओते. 7काहाके परमेश्वरोओ आमाहा अशुद्ध उविला कोअता नाहा ताहा पवित्र उविला कोअता हादिलो होय. 8त्यापोत जो याहा तुच्छ ने मान्तलू तो मांहाहा नाहा पण परमेश्वरोओ तुच्छ ने मान्तलू जो आपाआ पवित्र आत्माआ तुमामे आपोहो.
प्रेम अने कार्य
9पोन बंधु प्रेमाआ विषयाम आवश्यक नाहा का आय तुम्हीही कितेबी लिखेहू, काहाके आपसामेहे प्रेम कोअला तुमु स्वतः परमेश्वारापो रोत हिकल्ये होय, 10अने आखे तुमु मकिदुनिया पाविले आरी एहलो कोअता, पोन ऐ पाही, आमाहा तुमामे संमजाडीनारू का फासी वोदिते रो, 11अने जीही आमू तुमामे आज्ञा आप्यी होय तेहलूज ठावकू पणे रोंहु अने आप आपाआ काम कोअला अने आप आपाआ आताई कामाविलो प्रयत्न कोआ, 12काहाके बारथेए त्यापोरोत सन्मान मिळवा अने तुमामे कोडलाज वस्तूअ कमीपणा नाहा.
मसीहाआ पुनरागमन
13ऐ पाही, आमाआ एहली इच्छा नाहा का तुमु त्याविषयी जे हुवीत होय ओजान्यो रोअलो एहलो उवूंहू नाहा का तुमु दिहराकाजे दुख कोईओलो ज्याहा आशा नाहा. 14काहाके जर आमू विश्वास कोअत्लू का येशु मोल्यु अने फासी जिवंत उठ्यू, ताहा तेहलूज परमेश्वर तियाहा पण जे येशुमेहे मोअये होय ते त्याआरी लेतजाय. 15काहाके आमू प्रभूउ वोचाना प्रमाने तुमामे आ कोत्लू का आमू जे जिवंत होय अने प्रभू तियाआ आवेताहा वासित रोहू मोल्या केधीज आगाडी जानारू नाहा. 16काहाके प्रभू येशु स्वतः होर्गामरोत उतरे तियाअ टायमोमें आज्ञा आपही अने प्रमुख दूतांआ शब्द होमला आविलो अने परमेश्वरोओ तुतारी फुकल्यो जानारू अने जे ख्रिस्तात मोल्या होय ते पालील्यो जिवंत उठनारू. 17तेहलाम आमू जे जिवंत होय त्याआरी मेघाआरी उचलेले जाऊ का अंतरात प्रभूहु मिलुहु अने यावाही आपु हरेक टेमे प्रभू आरी रोहू. 18याकोईत आव वचनाने एक दिहराहा सात्वना आपित रो.
Àwon tá yàn lọ́wọ́lọ́wọ́ báyìí:
1 थिस्लोनी 4: NOINT
Ìsàmì-sí
Daako
Ṣe Àfiwé
Pín
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Noiri (नोयरी) Bible by The Love Fellowship is licensed under Creative Commons Attribution-ShareAlike 4.0 License.