1 थिस्लोनी 3
3
विश्वासों कोअता चिंता
1याआ कोअता जाहा आमासी नाहा रोवायो ते आमू ओ थोरावल्यो का एथेंस मेहे एखले रोतजाय, 2अने आमू तीमुथियुस जो ख्रिस्त सुसमाचार तोयलो आमाआ पाही अने परमेश्वरोओ सेवक होय यामेहे मोकल्यीत का तो तुमामे मजबुते कोनारु ताहा तुमाआ विश्वासापो रोत तुमामे समजाडीलो काजे, 3का कोडु आव खोतालो घाबरील्यो जाऊ कायना काहाके तुमु स्वतः सम्जिल्यो का आमू त्याजकाजे नियुक्त कोयु होय. 4काहाके पहिलुच आमू तुमाआ ओते तेहलाम तुमामे कोयु ओतू का आमाहा दुख सोमजाला लागे, अने ऐहलेच उवे होय जेहलो तुमामे मालुम होय. 5याकोता मापोरोत फासी रोवायो नाहा ताहा तुमाआ विश्वासाआ संबंधावाही विचार जाअहू आय मोकल्यीत होय का एहलो उवूंहू नाहा का परीक्षा कोनारामे तुमाआ परीक्षा कोअयी होय अने आमाहा परिश्रम व्यर्थ गोये होय.
तिमुथियुसो द्वारा उत्साहित
6पोन ओमे तीमुथियुस तुमापोरोत जो आमाईही आवयू होय तुमाआ विश्वास अने प्रेमाची सुवार्ता होम्लाड्यू अने आव गोठी कोअता पण होमलावत्लू का तुमु कायम प्रेमोवाही आमाआ मुगे कोअता अने आमाहा पालीला इच्छा कोअता जेहलो आमू पोन तुमामे पालीला इच्छा कोअत्लू. 7त्यापोत ऐ पाही, आमू आपाआ आखे दुखो मेहे अने छळात तुमाआ विश्वासा तुमाआ विषयी शांती जोड़ी 8काहाके ओमे जर तुमु प्रभू माय स्थिर रोल्या ताहा आमाहा जिवंत होय. 9अने जेहलो आनंद आमाहा तुमामे आमाहा आपाआ परमेश्वारा आगाडी होय तियाआ बोदलाम तुमा बारामे आमू कोडला प्रकारे परमेश्वोरारी आभार मानेतू? 10आमू रातदीही जास्तीज प्रार्थना कोईत रोतलू का तुमाआ सोब पाहावे विश्वासाचे कोम पुरो कोईलो.
कलीसिया कोअता प्रार्थना
11ओमे आमाआ परमेश्वर अने बाह्हू आमुज अने आमाआ प्रभू येशु तुमाही हाजा मेहे आमाहा मार्गदर्शन कोईलो, 12अने प्रभू एहलो कोअला जोवे का जेहलो आमू तुमापो प्रेम कोअत्लू तेह्लुज तुमाआ प्रेम पोन आरीइ अने आखे माहुआरी वादिलोहो अने विपुल उवनारा रोअला आवे, 13म्हणजे तो तुमाआ मनांना एहेलू मजबुते कोईलो का जाहा आमाआ प्रभू येशु आखे पवित्र मांहाआरी आविलो ताहा ते आमाआ परमेश्वर आपाआ बाह्हू याआ आगाडी पवित्र तेत निर्दोष रोंहु जोवे.
Àwon tá yàn lọ́wọ́lọ́wọ́ báyìí:
1 थिस्लोनी 3: NOINT
Ìsàmì-sí
Daako
Ṣe Àfiwé
Pín
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Noiri (नोयरी) Bible by The Love Fellowship is licensed under Creative Commons Attribution-ShareAlike 4.0 License.