Nlb 33
33
Mulu a bitaba'a ataté Ejipte a kui minje'ese ya Môab
(Nk 12:37-19; Dt 2; 3; Eza 63:11-14)
1Mana me ne mewo'on me bone b'Israél, ataté Ejipte akui minje'ese ya Môab, aval'ane *minsamba mewosan miap mi mbe, Môze a Aron be too beliti *zen. 2Môze a nga tili mevôm mese be nga tebe amu njôane Nti, mevôm mete ma: 3e ngon ôsu ya mbu é too melu awôm a metan, tyé kpwaa ya Pak ôsu, bone b'Israél be nga kôlô e Ramzés; be nga kôlô, bôte ya Ejipte be lôô, bebé ane nge be ntoo fili. 4Eyoñe te bôte ya Ejipte be jeñek mintôle mi bone miap Nti a nga mane wôé: a *zen éte fe Nti a nga liti ntyi'ane mejô wé e be bezambe bap. 5Akôlô ya Ramzés, bone b'Israél be nga vule minkan e Sukôt. 6Akôlô ya Sukôt be nga vule minkan Etam, mfa'a ya susu'a aku'u ya *nkôte si. 7Akôlô ya Etam be nga beta bulane mvus a kui Pi-Ahirôt, zôsôôô a Baal-Séfôn, a vule minkan ôsu Migdôl. 8Akôlô ya Pi-Ahirôt, be nga lôt ézezañe mañ, a ke mfa'a ya nkôte si; be nga wulu melu mela e *nkôte si y'Etam a vule minkan e Mara. 9Akôlô ya Mara, be nga kui Elim; menjeñe mendim awôm a mebaé a melen mewôme zamgbwa me mbe Elime valé: nde be nga vule minkan e vôm ate. 10Akôlô ya Elim be nga vule minkan bebé évele mañ. 11Akôlô ya évele mañ, be nga vule minkan e *nkôte si ya Sin. 12Akôlô ya e *nkôte si ya Sin, be nga vule minkan e Dôfka. 13Akôlô ya Dôfka, be nga vulu minkan Alus. 14Akôlô ya Alus be nga vule minkan e Refidim, vôme bôt be nga jemban mendime ya nyu. 15Akôlô ya Refidim, be nga vule minkan e *nkôte si ya sinayi.
16Akôlô ya *nkôte si ya Sinayi, be nga vule minkan e Kibrôt-Atava. 17Akôlô ya Kibrôt-Atava, be nga vule minkan Asérôt. 18Akôlô ya Asérôt be nga vule minkan e Ritma. 19Akôlô ya Ritma, be nga vule minkan e Rimôn-Pérés. 20Akôlô ya Rimôn-Pérés, be nga vule minkan e Libna. 21Akôlô ya Libna, be nga vule minkan e Risa; 22Akôlô ya Risa, be nga vule minkan e kéhélata. 23Akôlô ya Kéhélata, be nga vule minkan e Kafér. 24Akôlô ya Kafér, be nga vule minkan e Arada. 25Akôlô ya Arada, be nga vule minkan e Makhélôt. 26Akôlô ya Makhélôt, be nga vule minkan e Tahat. 27Akôlô ya Tahat, be nga vule minkan e Tara. 28Akôlô ya Tara, be nga vule minkan e Mitka. 29Akôlô ya Mitka, be nga vule minkan e Asmôna. 30Akôlô ya Asmôna, be nga vule minkan e Môsérôt.
31Akôlô ya Môsérôt, be nga vule minkan e Béné-Yakan. 32Akôlô ya Béné-Yakan, be nga vule minkan e Or-Gidgad; 33Akôlô ya Or-Gidgad, be nga vule minkan e Yôtbata. 34Akôlô ya Yôtbata, be nga vule minkan Abrôna. 35Akôlô ya Abrôna, be nga vule minkan Etsion-Géber. 36Akôlô ya Etsion-Géber, be ngu vule minkan e *nkôte si ya Tsin ñwô ô ne kadés. 37Akôlô ya Kadés, be nga vule minkan e nkôle Or, Aku'u sii Edom.
38Ane *ntuni Aron a nga bet e nkôle Or, avale Nti a nga jô; A nga wu valé, e ngone tane é too alu da ya mbu mewôme nyini ataté nkôlane bone b'Israél y'Ejipte. 39Aron a mbe mimbu ntet, mewôm mebaé a milaa éyoñ a nga wu e nkôle Or.
40Njôô bôte Bekananééñ y'Arôd a nga too Négéb, si ya Kanaan, a nga wô'ôtane na bone b'Israél be soya.
41Akôlô ya e nkôle Or, be nga vule minkan e Salmôna. 42Akôlô ya Salmôna, be nga vule minkan e Punôn. 43Akôlô ya Punôn be nga vule minkan Obôt. 44Akôlô ya Obôt, be nga vule minkan Iyé-Abarim, nnéa minje'ese ya Môab.
45Akôlô ya Iyé-Abarim, be nga vule minkan e Dibôn-Gad. 46Akôlô ya Dibôn-Gad, be nga vule minkan e Almôn-Diblatayim. 47Akôlô ya Diblatayim, be nga vule minkan minkôle ya Abarim ôsu Nébô. 48Akôlô ya minkôle ya Abarim, be nga vule minkan e minje'ese ya Môab, bebé a yordan, zôsôôô a Yérikô. 49Be nga vule minkan bebé a Yordan, ataté Bét-Oyésimôt a kui Abél-Sitim, e minje'ese ya Môab.
50Ane Nti a nga kobô Môze minje'ese ya Môab, bebé a yordan, zôsôôô a Yérikô. 51Nde a nga jô na: Jô'ô bone b'Israél na, éyoñe mia ye dañe Yordan a nyiin e si ya Kanaan, 52Mia ye mane titan bôte bese ya si ôsu vienan, a tyame bengunemelane bese ya be ne mboon a *mekok, mia ye mane tyame bive'ela bi biôme biap bi ne mboon a ékpwembé ba nyemé e nduan a tyame mevôme map me ne mbetane yôp. 53Mia ye nyoñe si a tabe été; amu me nga ve mia si na, é bo jôme jenan. 54Mia ye kaban éli'i ya si a mboon *asimba, aval'ane mebume menan me né. E bôte ba dañ abui ba ye nyoñe ngabe si ja dañ anen, ba ba dañe tyôtyoé, ba ye fe nyoñ e ngabe si ja dañe tyôtyoé. Môt ase a ye nyoñ e jôm *asimba da ye ve nye; mia ye nyoñe ngap aval'ane *meyoñ b'ésoo me né. 55Ve nge mia bo te titane bôt be too si ôsu vienan, e ba ya be be mia ye lik, ba ye bo ane biyo e mise menan été, a ane minsoñe bibaé e mevele mebume menan, ba ye bo besiñe benan e si vôm mia ye tabe. 56A da ye kui na, me bo mia avale me nga tyi'i na ma bo be.
Àwon tá yàn lọ́wọ́lọ́wọ́ báyìí:
Nlb 33: BDCB
Ìsàmì-sí
Daako
Ṣe Àfiwé
Pín
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Bible en langue Bulu © L'Alliance Biblique du Cameroun, 2007, 2015.