Fuɗɗoode 3
3
No neɗɗo naatiri der hakke
1Der tewuji ladde ɗi Alla Joomiraawo tagi fu, boddi nun ɓurunoo ɗi ƴoyre. Ni yahi to debbo mo Alla tagi ɗon, ni wi'i: E gooŋa Alla wi'u nun to on nyaamee ɓikkon leɗɗe gonuɗe der gesa ɗon fu? 2Debbo on toontii: Men nyaaman ɓikkon leɗɗe gonuɗe der gesa ŋan. 3Amma leggal gonuŋal caka gesa ŋan nun Alla wi'i to men nyaamu, to men meemu ŋal du, gam to men maayu. 4Boddi nin wi'i debbo: Abada, on maayataa! 5Amma Alla annu nun, to on nyaamii ɓikkon leggal ŋal, gite mooɗon maɓɓitinto, on nandan e Alla, on annitan ko wooɗi e ko halli. 6Debbo on yi'i hande leggal ŋal e nandi beluŋal nyaamɗe ni, eŋal wooɗi jiiɗe bo, ŋal waawan bo hokkugo mo hakkillo. Debbo on ɓori ɓikkon leggal ŋal nyaami, hokki kon bo gorko mo o wondunoo e mum, kanko bo o nyaami. 7Ɗon nun ɓe fu ɗiɗo, gite maɓɓe maɓɓitii, ɓe paami no funtu nun ɓe gonii. Ɓe ɓori haako leggal bi'eteeŋal figiye ɓe nyo'i ɓe cuddi funtu maɓɓe.
8No gorko e debbo mum nanani daane Alla Joomiraawo, oo woosoo der gesa ŋan no kiikiiɗe waɗi, ɗon nun ɓe cuuɗii der leɗɗe gesa ŋan. 9Amma Alla Joomiraawo noddi gorko on wi'i: Toy gonuɗaa? 10Gorko on toontii wi'i: No nananmi daane maa der gesa, mi hulii, go cuuɗiimi, gam mi tawa nun funtu. 11Alla Joomiraawo ƴami mo: Moy nun annini maa no funtu nun gonuɗaa? Naa a nyaamu nun ɓikkon leggal ŋal bi'uno maa mi taa nyaamu? 12Gorko on wi'i: Debbo mo kokkuɗaa am e wondi e am nun hokkimmi ɓikkon leggal ŋal, go nyaamum. 13Ɗon nun Alla Joomiraawo ƴami debbo on wi'i: Gam ume nun gaɗuɗaa non nun? Debbo on toontii: Boddi nun jarbii am go nyaamumi. 14Alla Joomiraawo bati boddi wi'i:
Gam sabbu ko gaɗuɗaa ɗon,
a yaa'aama caka tewuji ladde e mareefuuji fu.
Jooni, e reedu maa nun daasortoɗaa,
sollaare nun nyaamataa der goonki maa fu.
15Mi wattan gayŋu hakkune maa e debbo,
hakkune lenyol maa e lenyol makko.
Goɗɗo diga lenyol makko pusan hoore maaɗa,
an bo a pusan teppere makko.
16O bati debbo bo o wi'i:
Mi ɓeydan naawella sawsawru maaɗa.
E gite boɗeeje nun dimirtaa,
yidde maa fu wonoto e gorko,
amma o laamante.
17O bati gorko bo o wi'i: Gam sabbu no jaɓuɗaa haala debbo maa,
go nyaamuɗaa ɓikkon leggal kon kaɗu maa mi nyaamugo,
leydi yaa'aama gam sabbu maa.
E bone mawne nun keɓirtaa ko nyaamuɗaa der goonki maa fu.
18Ni fuɗinante gi'e, e janjayɗe,
a nyaaman fuɗo ladde.
19Sey bulinaa go keɓaa nyaamdu,
faa nyanne maayuɗaa,
ɓe uwi maa e leydi ni diga e mum burtiɗaa,
gam diga e sollaare nun burtiɗaa,
sey bittaa e sollaare.
20Aadamu hokkii deekiiko inne Hawwa, gam kanko nun laatii inna himɓe fu. 21Alla Joomiraawo waɗani Aadamu e debbo mum kolte guri, o ɓorni ɓe ɗe.
22Alla Joomiraawo wi'i: Nani, neɗɗo laatake hande gooto men, o annitii ko wooɗi e ko halli. Jooni, en kaɗu mo, gam to o ɓoru ɓikkon leggal yonki o nyaama, gam o wuura faa e baadey. 23Ɗon nun Alla Joomiraawo riiwi mo diga e gesa Adinin, gam o yaha o rema leydi ni diga e mum o wurtii. 24Hande non non Aadamu riiwiraa, go malaykaaɓe reenooɓe waddaa e dammugal gesa Adinin gonuŋal far to lettugal, ɓee jogii laɓi nanduki e ɗenŋal yiite ɓee bifa gam ɓe deena dammugal leggal yonki.
Àwon tá yàn lọ́wọ́lọ́wọ́ báyìí:
Fuɗɗoode 3: BFB
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Bible Fulfulde Bénin © SIM International 2015, 2024.
Fuɗɗoode 3
3
No neɗɗo naatiri der hakke
1Der tewuji ladde ɗi Alla Joomiraawo tagi fu, boddi nun ɓurunoo ɗi ƴoyre. Ni yahi to debbo mo Alla tagi ɗon, ni wi'i: E gooŋa Alla wi'u nun to on nyaamee ɓikkon leɗɗe gonuɗe der gesa ɗon fu? 2Debbo on toontii: Men nyaaman ɓikkon leɗɗe gonuɗe der gesa ŋan. 3Amma leggal gonuŋal caka gesa ŋan nun Alla wi'i to men nyaamu, to men meemu ŋal du, gam to men maayu. 4Boddi nin wi'i debbo: Abada, on maayataa! 5Amma Alla annu nun, to on nyaamii ɓikkon leggal ŋal, gite mooɗon maɓɓitinto, on nandan e Alla, on annitan ko wooɗi e ko halli. 6Debbo on yi'i hande leggal ŋal e nandi beluŋal nyaamɗe ni, eŋal wooɗi jiiɗe bo, ŋal waawan bo hokkugo mo hakkillo. Debbo on ɓori ɓikkon leggal ŋal nyaami, hokki kon bo gorko mo o wondunoo e mum, kanko bo o nyaami. 7Ɗon nun ɓe fu ɗiɗo, gite maɓɓe maɓɓitii, ɓe paami no funtu nun ɓe gonii. Ɓe ɓori haako leggal bi'eteeŋal figiye ɓe nyo'i ɓe cuddi funtu maɓɓe.
8No gorko e debbo mum nanani daane Alla Joomiraawo, oo woosoo der gesa ŋan no kiikiiɗe waɗi, ɗon nun ɓe cuuɗii der leɗɗe gesa ŋan. 9Amma Alla Joomiraawo noddi gorko on wi'i: Toy gonuɗaa? 10Gorko on toontii wi'i: No nananmi daane maa der gesa, mi hulii, go cuuɗiimi, gam mi tawa nun funtu. 11Alla Joomiraawo ƴami mo: Moy nun annini maa no funtu nun gonuɗaa? Naa a nyaamu nun ɓikkon leggal ŋal bi'uno maa mi taa nyaamu? 12Gorko on wi'i: Debbo mo kokkuɗaa am e wondi e am nun hokkimmi ɓikkon leggal ŋal, go nyaamum. 13Ɗon nun Alla Joomiraawo ƴami debbo on wi'i: Gam ume nun gaɗuɗaa non nun? Debbo on toontii: Boddi nun jarbii am go nyaamumi. 14Alla Joomiraawo bati boddi wi'i:
Gam sabbu ko gaɗuɗaa ɗon,
a yaa'aama caka tewuji ladde e mareefuuji fu.
Jooni, e reedu maa nun daasortoɗaa,
sollaare nun nyaamataa der goonki maa fu.
15Mi wattan gayŋu hakkune maa e debbo,
hakkune lenyol maa e lenyol makko.
Goɗɗo diga lenyol makko pusan hoore maaɗa,
an bo a pusan teppere makko.
16O bati debbo bo o wi'i:
Mi ɓeydan naawella sawsawru maaɗa.
E gite boɗeeje nun dimirtaa,
yidde maa fu wonoto e gorko,
amma o laamante.
17O bati gorko bo o wi'i: Gam sabbu no jaɓuɗaa haala debbo maa,
go nyaamuɗaa ɓikkon leggal kon kaɗu maa mi nyaamugo,
leydi yaa'aama gam sabbu maa.
E bone mawne nun keɓirtaa ko nyaamuɗaa der goonki maa fu.
18Ni fuɗinante gi'e, e janjayɗe,
a nyaaman fuɗo ladde.
19Sey bulinaa go keɓaa nyaamdu,
faa nyanne maayuɗaa,
ɓe uwi maa e leydi ni diga e mum burtiɗaa,
gam diga e sollaare nun burtiɗaa,
sey bittaa e sollaare.
20Aadamu hokkii deekiiko inne Hawwa, gam kanko nun laatii inna himɓe fu. 21Alla Joomiraawo waɗani Aadamu e debbo mum kolte guri, o ɓorni ɓe ɗe.
22Alla Joomiraawo wi'i: Nani, neɗɗo laatake hande gooto men, o annitii ko wooɗi e ko halli. Jooni, en kaɗu mo, gam to o ɓoru ɓikkon leggal yonki o nyaama, gam o wuura faa e baadey. 23Ɗon nun Alla Joomiraawo riiwi mo diga e gesa Adinin, gam o yaha o rema leydi ni diga e mum o wurtii. 24Hande non non Aadamu riiwiraa, go malaykaaɓe reenooɓe waddaa e dammugal gesa Adinin gonuŋal far to lettugal, ɓee jogii laɓi nanduki e ɗenŋal yiite ɓee bifa gam ɓe deena dammugal leggal yonki.
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Bible Fulfulde Bénin © SIM International 2015, 2024.