Fuɗɗoode 4
4
Kayiinu e Abeeli
1Ɓaawo mum, Aadamu naati to debbo mum Hawwa, ɓe kawti, go o saawi, o rimi Kayiinu. O wi'i: Alla hokkii am suka gorko. 2Kade bo o rimi Abeeli, miiraawo Kayiinu. Abeeli laatii duroowo baali, Kayiinu bo laatii demoowo. 3Ɓaawo balɗe seɗɗa, Kayiinu waddanii Alla Joomiraawo kokkoral mum, ŋal o heɓi diga e gesa makko. 4Abeeli bo waddanii Alla kokkoral makko, o waddii jawdiiji artaaɗi rimaa, gooduɗi nebbam. Alla Joomiraawo moƴƴanii mo, jaɓi kokkoral makko. 5Amma Kayiinu kan heɓay moƴƴere Alla, Alla bo jaɓay kokkoral makko. Mone waɗii Kayiinu faa yeeso mum jiiɓii. 6Alla Joomiraawo ƴami Kayiinu wi'i: Gam ume nun mone waɗi maa, gam ume nun bo yeeso maa jiiɓii? 7Gooŋa nun, to aa waɗa ko wooɗi, a ɓantan yeeso maa, hakkillo maa fukkoto, to aa waɗa ko halli bo, hakke e fukkii e dammugal maa hande jaggere e yiɗi ƴakkugo maa. Amma an, jaala ɗe. 8Nyalaane gom, Kayiinu wi'i miiraawo mum Abeeli, en jahu ladde, no ɓe jottii ladde, Kayiinu yanti miiraawo mum Abeeli, fiyi mo wari. 9Joomiraawo Alla yahi to Kayiinu, ƴami mo: Toy nun miiraawo maa Abeeli woni? O toontii: Mi annaa, min hinaa laatii kakkilanoowo miiraawo am? 10Alla Joomiraawo wi'i: Ume gaɗuɗaa ɗon? Bojji ƴiiƴam miiraawo maa reƴƴitiiɗam e leydi yottake faa to am. 11Jooni, yaa'oore maa ɓuran ne leydi, ni accuɗaa ni haaɓi hunnuko ni yari ƴiiƴam miiraawo maa. 12To a remii leydi, ni hokkataa maa kade nyaamdu hande no haaniri. A heɓataa siwtaare, a yiiloto der duuniyaaru. 13Kayiinu wi'i Alla Joomiraawo: kiita kiitotoɗaa am kan ɓurii semme am. 14Nani aa riiwammi diga der leydi ɗo, mi yahan mi suuɗoo der nokkuure woɗɗidinne maa, mi heɓataa siwtaare, mi yiiloto der duuniyaaru. Ji'uɗo am fu waran am. 15Amma Alla Joomiraawo wi'i Kayiinu: To goɗɗo warii maa, mi yoɓan joomum mone mum faa de jeeɗiɗi. Ɗon nun Alla Joomiraawo waɗani Kayiinu maane, gam to goɗɗo yi'ii mo to waru mo. 16Kayiinu dilli, woɗɗodii Alla Joomiraawo, o yahi o jooɗii der leydi Noodu#4:16 E iburaninkoore, Noodu yiɗu nun wi'ugo leydi yiilaago, lettugal Adinin.
Himɓe lenyol Kayiinu
17Kayiinu hawtii e debbo mum, o saawi, o rimi Enoku. Ɓaawo mum Kayiinu mahi wanŋarde, o noddi ne inne Enoku hande inne ɓiyiiko. 18Enoku rimi Iraadi, Iraadi bo rimi Mehuya'el, Mehuya'el bo rimi Metusayel, Metusayel bo rimi Lemeki. 19Lemeki ɓaŋi rewɓe ɗiɗo. Inne gooto woni Ada, inne ɗiɗaɓo bo Sila. 20Ada rimi Jabali, kanko woni baaba jooɗiiɓe der bukaaji, ɓee dura mareefuuji. 21Inne minnyiiko woni Jubali. Kanko woni baaba fiyooɓe moolooji e fuurooɓe. 22Sila kan rimi Tubalikayiinu, kanko woni tafoowo janni boɗeeri e janni geeri. Sakiike Tubalikayiinu woni Naama. 23Ɗon nun Lemeki wi'i rewɓe mum:
Ada e Sila, kettinaanee am!
Onon rewɓe am, kettinee boliiɗe am!
Mi warii neɗɗo gam mooɗon,
gam o nawnii am.
24To mone baruɗo Kayiinu yoɓaama faa hande de jeeɗiɗi,
den mum min Lemeki, mone am haanu nun yoɓee faa de lasoy tati e sappo e jeeɗiɗi (77).
25Aadamu kade hawtii e debbo mum Hawwa, o saawi, o rimi suka gorko, o hokkaa inne Setu. O wi'i: Gam Alla Joomiraawo hokkii am kade suka gorko, jayri Abeeli mo Kayiinu waruno. 26Setu bo rimii suka gorko, o hokki mo inne Enosu. Wakkati mum nun himɓe fuɗɗi noddugo inne Alla Joomiraawo.
Àwon tá yàn lọ́wọ́lọ́wọ́ báyìí:
Fuɗɗoode 4: BFB
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Bible Fulfulde Bénin © SIM International 2015, 2024.
Fuɗɗoode 4
4
Kayiinu e Abeeli
1Ɓaawo mum, Aadamu naati to debbo mum Hawwa, ɓe kawti, go o saawi, o rimi Kayiinu. O wi'i: Alla hokkii am suka gorko. 2Kade bo o rimi Abeeli, miiraawo Kayiinu. Abeeli laatii duroowo baali, Kayiinu bo laatii demoowo. 3Ɓaawo balɗe seɗɗa, Kayiinu waddanii Alla Joomiraawo kokkoral mum, ŋal o heɓi diga e gesa makko. 4Abeeli bo waddanii Alla kokkoral makko, o waddii jawdiiji artaaɗi rimaa, gooduɗi nebbam. Alla Joomiraawo moƴƴanii mo, jaɓi kokkoral makko. 5Amma Kayiinu kan heɓay moƴƴere Alla, Alla bo jaɓay kokkoral makko. Mone waɗii Kayiinu faa yeeso mum jiiɓii. 6Alla Joomiraawo ƴami Kayiinu wi'i: Gam ume nun mone waɗi maa, gam ume nun bo yeeso maa jiiɓii? 7Gooŋa nun, to aa waɗa ko wooɗi, a ɓantan yeeso maa, hakkillo maa fukkoto, to aa waɗa ko halli bo, hakke e fukkii e dammugal maa hande jaggere e yiɗi ƴakkugo maa. Amma an, jaala ɗe. 8Nyalaane gom, Kayiinu wi'i miiraawo mum Abeeli, en jahu ladde, no ɓe jottii ladde, Kayiinu yanti miiraawo mum Abeeli, fiyi mo wari. 9Joomiraawo Alla yahi to Kayiinu, ƴami mo: Toy nun miiraawo maa Abeeli woni? O toontii: Mi annaa, min hinaa laatii kakkilanoowo miiraawo am? 10Alla Joomiraawo wi'i: Ume gaɗuɗaa ɗon? Bojji ƴiiƴam miiraawo maa reƴƴitiiɗam e leydi yottake faa to am. 11Jooni, yaa'oore maa ɓuran ne leydi, ni accuɗaa ni haaɓi hunnuko ni yari ƴiiƴam miiraawo maa. 12To a remii leydi, ni hokkataa maa kade nyaamdu hande no haaniri. A heɓataa siwtaare, a yiiloto der duuniyaaru. 13Kayiinu wi'i Alla Joomiraawo: kiita kiitotoɗaa am kan ɓurii semme am. 14Nani aa riiwammi diga der leydi ɗo, mi yahan mi suuɗoo der nokkuure woɗɗidinne maa, mi heɓataa siwtaare, mi yiiloto der duuniyaaru. Ji'uɗo am fu waran am. 15Amma Alla Joomiraawo wi'i Kayiinu: To goɗɗo warii maa, mi yoɓan joomum mone mum faa de jeeɗiɗi. Ɗon nun Alla Joomiraawo waɗani Kayiinu maane, gam to goɗɗo yi'ii mo to waru mo. 16Kayiinu dilli, woɗɗodii Alla Joomiraawo, o yahi o jooɗii der leydi Noodu#4:16 E iburaninkoore, Noodu yiɗu nun wi'ugo leydi yiilaago, lettugal Adinin.
Himɓe lenyol Kayiinu
17Kayiinu hawtii e debbo mum, o saawi, o rimi Enoku. Ɓaawo mum Kayiinu mahi wanŋarde, o noddi ne inne Enoku hande inne ɓiyiiko. 18Enoku rimi Iraadi, Iraadi bo rimi Mehuya'el, Mehuya'el bo rimi Metusayel, Metusayel bo rimi Lemeki. 19Lemeki ɓaŋi rewɓe ɗiɗo. Inne gooto woni Ada, inne ɗiɗaɓo bo Sila. 20Ada rimi Jabali, kanko woni baaba jooɗiiɓe der bukaaji, ɓee dura mareefuuji. 21Inne minnyiiko woni Jubali. Kanko woni baaba fiyooɓe moolooji e fuurooɓe. 22Sila kan rimi Tubalikayiinu, kanko woni tafoowo janni boɗeeri e janni geeri. Sakiike Tubalikayiinu woni Naama. 23Ɗon nun Lemeki wi'i rewɓe mum:
Ada e Sila, kettinaanee am!
Onon rewɓe am, kettinee boliiɗe am!
Mi warii neɗɗo gam mooɗon,
gam o nawnii am.
24To mone baruɗo Kayiinu yoɓaama faa hande de jeeɗiɗi,
den mum min Lemeki, mone am haanu nun yoɓee faa de lasoy tati e sappo e jeeɗiɗi (77).
25Aadamu kade hawtii e debbo mum Hawwa, o saawi, o rimi suka gorko, o hokkaa inne Setu. O wi'i: Gam Alla Joomiraawo hokkii am kade suka gorko, jayri Abeeli mo Kayiinu waruno. 26Setu bo rimii suka gorko, o hokki mo inne Enosu. Wakkati mum nun himɓe fuɗɗi noddugo inne Alla Joomiraawo.
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Bible Fulfulde Bénin © SIM International 2015, 2024.