Fuɗɗoode 2
2
1Hande non non Alla heennyitiri tagugo dow e leydi e ko tawaa der mayri fu. 2Der nyalaane jeego'awre nun o heennyi waɗugo golle makko fu, den o siwtii der nyalaane jeeɗiɗawre. 3Alla barkiɗini nyalaane jeeɗiɗawre nen, o laaɓini ne, gam der mayre nun o siwtii golle tagugo huune fu.
Gesa Adinin
4Ɗo nun laatii habaru no Alla tagiri dow e leydi wakkati ɗum tagaa. 5Wakkati Alla tagi dow e leydi, leggal gom fuɗayno dow leydi taw, kuɗol gom bo fuɗayno taw. Gam wakkati mum, Alla taw toɓinayno yoone. Neɗɗo bo walaano taw gam o rema leydi nin. 6Amma cammam gom e wurtoo diga e leydi gam soofingo ni ni fu. 7Alla Joomiraawo waɗi neɗɗo e sollaare leydi, o fuufi hennu yonkitewol der kine makko, go neɗɗo heɓi yonki. 8Alla Joomiraawo waɗi gesa faa Adinin far to lettugal, ɗon nun o watti neɗɗo mo o tagunoo ɗon. 9Alla Joomiraawo fuɗini leɗɗe feere feereeje dow leydi, leɗɗe ɗen e wooɗi jiiɗe, ɗee beli bo nyaamɗe, o tiggi bo leggal ŋal ɓikkon mum hokkata neɗɗo yonki caka gesa ŋan, non bo e leggal ŋal ɓikkon mum anninta neɗɗo ko wooɗi e ko halli. 10Maayo gom wurtii diga Adinin gam misango gesa ŋan, diga ɗon nun ŋo seennii ŋo waɗi cele naay. 11Inne maayo arandewo nun wi'etee Pison. Kanŋo nun filfitii leydi noddeteeni Hawila, leydi wooduni kanŋeeri. 12Kanŋeeri geeri nun tawaa der leydi nin. Wardi luuttoojum, e kaaƴe ɗe ceede bo e tawaa der leydi nin. 13Inne maayo ɗiɗaɓo nun wi'etee Gihoni, kanŋo nun filfitii leydi Kusi. 14Inne maayo tataɓo nun wi'etee Tigiri, kanŋo nun ilata far to lettugal leydi Asiriya. Maayo nayaɓo nun noddetee Efurata.
15Alla Joomiraawo hoccii neɗɗo watti mo der gesa Adinin ŋan gam o rema ŋa, e gam o reena ŋa. 16Alla Joomiraawo bati neɗɗo wi'i: A waawan nyaamugo ɓikkon leɗɗe gesa ŋan fu. 17Amma ɓikkon leggal anninoowal neɗɗo ko wooɗi e ko halli, taa nyaamu kon, gam nyanne nyaamuɗaa kon, a maayan nun. 18Ɗon nun Alla Joomiraawo wi'i, haanay neɗɗo e woni kanko tan, gam mum, mi waɗanan mo goɗɗo, balloowo mo, nanduɗo e makko. 19Alla Joomiraawo hocci leydi o tagiri tewuji ladde e colli fu, o waddi ɗi yeeso neɗɗo, gam o yi'a no neɗɗo noddirta ɗi, inne ne neɗɗo noddi mareefuuji ɗin fu nun laatotoo inne majji. 20Ɗon nun neɗɗo hokki mareefuuji e colli e tewuji ladde ɗin fu inɗe. Amma der majji fu, neɗɗo heɓay balloowo nanduɗo e mum. 21Go Alla Joomiraawo ɗaanini gorko ɗoyŋol lugguŋol. Go o sutti ƴi'al beccal makko, go o sukki ɗum e taƴe ɓannu. 22E ƴi'al ŋal Alla Joomiraawo suttunoo diga e beccal gorko ŋal nun o tagiri debbo, o yaari mo yeeso gorko. 23Ɗon nun gorko on wi'i:
Jooni kan, a yi'ii ɗo burtiiɗo diga e ɓannu am,
nanduɗo am mam mam,
o noddete nun debbo,
gam diga e gorko nun o wurtii.
24Gam mum gorko accan baaba mum e inna mum, takkontira e debbo mum, ɓe fu ɗiɗo, ɓe laatoo ɓannu gootol.
25E wakkati mum, gorko e debbo mum fu, funtu nun ɓe jahannoo. Amma senteene waɗataa ɓe.
Àwon tá yàn lọ́wọ́lọ́wọ́ báyìí:
Fuɗɗoode 2: BFB
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Bible Fulfulde Bénin © SIM International 2015, 2024.
Fuɗɗoode 2
2
1Hande non non Alla heennyitiri tagugo dow e leydi e ko tawaa der mayri fu. 2Der nyalaane jeego'awre nun o heennyi waɗugo golle makko fu, den o siwtii der nyalaane jeeɗiɗawre. 3Alla barkiɗini nyalaane jeeɗiɗawre nen, o laaɓini ne, gam der mayre nun o siwtii golle tagugo huune fu.
Gesa Adinin
4Ɗo nun laatii habaru no Alla tagiri dow e leydi wakkati ɗum tagaa. 5Wakkati Alla tagi dow e leydi, leggal gom fuɗayno dow leydi taw, kuɗol gom bo fuɗayno taw. Gam wakkati mum, Alla taw toɓinayno yoone. Neɗɗo bo walaano taw gam o rema leydi nin. 6Amma cammam gom e wurtoo diga e leydi gam soofingo ni ni fu. 7Alla Joomiraawo waɗi neɗɗo e sollaare leydi, o fuufi hennu yonkitewol der kine makko, go neɗɗo heɓi yonki. 8Alla Joomiraawo waɗi gesa faa Adinin far to lettugal, ɗon nun o watti neɗɗo mo o tagunoo ɗon. 9Alla Joomiraawo fuɗini leɗɗe feere feereeje dow leydi, leɗɗe ɗen e wooɗi jiiɗe, ɗee beli bo nyaamɗe, o tiggi bo leggal ŋal ɓikkon mum hokkata neɗɗo yonki caka gesa ŋan, non bo e leggal ŋal ɓikkon mum anninta neɗɗo ko wooɗi e ko halli. 10Maayo gom wurtii diga Adinin gam misango gesa ŋan, diga ɗon nun ŋo seennii ŋo waɗi cele naay. 11Inne maayo arandewo nun wi'etee Pison. Kanŋo nun filfitii leydi noddeteeni Hawila, leydi wooduni kanŋeeri. 12Kanŋeeri geeri nun tawaa der leydi nin. Wardi luuttoojum, e kaaƴe ɗe ceede bo e tawaa der leydi nin. 13Inne maayo ɗiɗaɓo nun wi'etee Gihoni, kanŋo nun filfitii leydi Kusi. 14Inne maayo tataɓo nun wi'etee Tigiri, kanŋo nun ilata far to lettugal leydi Asiriya. Maayo nayaɓo nun noddetee Efurata.
15Alla Joomiraawo hoccii neɗɗo watti mo der gesa Adinin ŋan gam o rema ŋa, e gam o reena ŋa. 16Alla Joomiraawo bati neɗɗo wi'i: A waawan nyaamugo ɓikkon leɗɗe gesa ŋan fu. 17Amma ɓikkon leggal anninoowal neɗɗo ko wooɗi e ko halli, taa nyaamu kon, gam nyanne nyaamuɗaa kon, a maayan nun. 18Ɗon nun Alla Joomiraawo wi'i, haanay neɗɗo e woni kanko tan, gam mum, mi waɗanan mo goɗɗo, balloowo mo, nanduɗo e makko. 19Alla Joomiraawo hocci leydi o tagiri tewuji ladde e colli fu, o waddi ɗi yeeso neɗɗo, gam o yi'a no neɗɗo noddirta ɗi, inne ne neɗɗo noddi mareefuuji ɗin fu nun laatotoo inne majji. 20Ɗon nun neɗɗo hokki mareefuuji e colli e tewuji ladde ɗin fu inɗe. Amma der majji fu, neɗɗo heɓay balloowo nanduɗo e mum. 21Go Alla Joomiraawo ɗaanini gorko ɗoyŋol lugguŋol. Go o sutti ƴi'al beccal makko, go o sukki ɗum e taƴe ɓannu. 22E ƴi'al ŋal Alla Joomiraawo suttunoo diga e beccal gorko ŋal nun o tagiri debbo, o yaari mo yeeso gorko. 23Ɗon nun gorko on wi'i:
Jooni kan, a yi'ii ɗo burtiiɗo diga e ɓannu am,
nanduɗo am mam mam,
o noddete nun debbo,
gam diga e gorko nun o wurtii.
24Gam mum gorko accan baaba mum e inna mum, takkontira e debbo mum, ɓe fu ɗiɗo, ɓe laatoo ɓannu gootol.
25E wakkati mum, gorko e debbo mum fu, funtu nun ɓe jahannoo. Amma senteene waɗataa ɓe.
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Bible Fulfulde Bénin © SIM International 2015, 2024.