OKHUCHIAKA 34
34
Okhwononibwa khwa Dina
1Litukhu elala Dina, omukhaana wa Yakobo nende Lea yatsia okhukonya abakhaana besibala sia Kanaani. 2Ne olwa Shekemu omwana wa Hamori Omuhiwi, owali omuruchi wesibala yisio, yamulola, yamubukula nakona n'naye khulwetsingufu ma namusimbia omurwe. 3Nebutswa yanyoola omukhaana uyo nali nelikondo lilahi ma namuyanza, namuselela naye amuyanze. 4Nabool'la samwana mbu, “Nyenyanga ukhwel'le omukhaana uno abe omukhasi wanje.”
5Yakobo yahul'la mbu omukhaanawe wononibwe, ne khulwa mbu abasianibe bali nibatsiye nende ebiayo musiayo, yabuna tsi nalinda okhwola olwa bali nibetsele. 6Ne Hamori samwana Shekemu natsia okhul'loma nende Yakobo, 7olwabaana ba Yakobo bali nibachelelanga okhurula musiayo. Olwa bakahulila bali okhuhuka ma nibasinyikha khuka Shekemu yali nakhol'le okhufwabia abandu ba Isiraeli olwa yakona nende omukhaana wa Yakobo netsingufu. 8Hamori nabool'la Yakobo mbu, “Omusiani wanje Shekemu uyanzile omukhaanawo, yanza olekhe amuteesie. 9Chenda khuhuchilisanie abandu befwe nabateesanenje nende abenywe. 10Ma mumenye musibala sino n'nefwe, mumenye hosi aha muba nimwenya, mube abalakhuule okhukhola obukhala nende okhubamwo nemiandu.”
11Ma Shekemu nabool'la samwana Dina nende abasiani babwe mbu, “Muhuchil'le yaka, ne esianamureebe siosi namuhelesie. 12Kata nimureeba ikhwe efwana mbwena, nende ebihetso bifwana mbwena, namuhelesie singa obwa namube nimureebele nikaba mbu mwakhahuchil'la ndeesie omukhaana wenywe.” 13Abasiani ba Yakobo bakalusia Shekemu nende Hamori munjila yobukaati sichila Shekemu yali niyoononisie omukhaana wabwe Dina. 14Nibababool'la mbu, “Sikhunyala okhuhuchiil'la omukhaana wefwe ateekhele omundu osili okhusebwa tawe, yako kakhaba akes'simbamurwe khu ifwe. 15Khunyala okhuhuchiil'la nikali mwakhakhusubisia mbu namube singa ifwe, ma namusebenje abasaatsa benywe bosi. 16Nimukhola mbwo ne nakhuhuchiil'le okhuteesania n'nenywe singa abandu balala. 17Nebutswa nimuba nimusuula okhuhuchiil'la ma namubule okhusebwa, nakhubukule omukhaana wefwe ma khutsie.”
18Amang'ana kabwe kalolekha okhuba amalahi khu Hamori nende omusianiwe Shekemu. 19Omubuukha siyamala nanyoola obutinyu okhukhola akene yako tawe, sichila yali niyayanza omukhaana. Khandi niye owali noluyali okhusila munyumba mwabwe.
20Hamori nende omusianiwe Shekemu batsia ma niboola habundu hokhwakan'na musilibwa sie litookho. Bal'loma nende abasaatsa bomwitookho nibaboola mbu. 21“Abandu bano bali nomulembe, mulekhe bamenye n'nefwe nobulakhuule. Esibala sino nesikali esiabanyala okhumenyakhwomwo nabo. Nakhutesanienje n'nabo. 22Nebutswa abasaatsa yaba nabahuchiil'le okhumenya n'nefwe khandi okhuba mulala n'nefwe nikali nakhuhuchiil'le okhuseba abasaatsa befwe singa bo bakholanga. 23Emiruko chiabwe nende emiandu chiabwe sinabibe ebiefwe?” 24Abandu bosi abomwitookho nibahuchilisania nende aka Hamori nende Shekemu baboola, ma abasaatsa bosi nibasebwa.
25Inyuma wamatukhu kataru, abasaatsa nibasitsunwa khulwokhusebwa, babili khubaana ba Yakobo, Simioni nende Lawi, abasiani banga Dina, babukula tsinganga tsiabwe, nibatsia mwitookho sila omundu okhumanya, ma nibeera abasaatsa bosi. 26Nibeer'ramwo Hamori nende omusianiwe Shekemu, ma nibabukula Dina okhurula munyumba ya Shekemu nibarula. 27Nibamal'le okhwira mbwo, abaana ba Yakobo bayaaka ebindu biosi mwitookho yimwo khulwokhurunga es'sialia sichila omukhaana wabwe yali niyonoonibwe. 28Babukula ebiayo, tsing'ombe, etsipunda, nende buli siesindu siosi mwitookho nende mubwayilo. 29Babukula esindu siosi esiali nobukusi, nibatiila abakhasi nende abaana, ma nibachinga biosi ebiali mutsinyumba.
30Yakobo nabool'la Simioni nende Lawi mbu, “Mundereye omunyakhano; luno Abakanaani, Abaperisi nende abandu bandi bosi musibala sino nabaasuule. Sindi nende abasaatsa abenji tawe, olwabandu yabo nabebunjikhe halala ma nabanyinjil'le, inyumba yanje yosi nemalwe.”
31Nabo nibakalusia nibaboola mbu, “Sikhwakhahuchil'la omukhaana wefwe okhukhol'lwa singa omutamba tawe.”
Àwon tá yàn lọ́wọ́lọ́wọ́ báyìí:
OKHUCHIAKA 34: EBAIBO
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©Bible Society of Kenya, 2019
OKHUCHIAKA 34
34
Okhwononibwa khwa Dina
1Litukhu elala Dina, omukhaana wa Yakobo nende Lea yatsia okhukonya abakhaana besibala sia Kanaani. 2Ne olwa Shekemu omwana wa Hamori Omuhiwi, owali omuruchi wesibala yisio, yamulola, yamubukula nakona n'naye khulwetsingufu ma namusimbia omurwe. 3Nebutswa yanyoola omukhaana uyo nali nelikondo lilahi ma namuyanza, namuselela naye amuyanze. 4Nabool'la samwana mbu, “Nyenyanga ukhwel'le omukhaana uno abe omukhasi wanje.”
5Yakobo yahul'la mbu omukhaanawe wononibwe, ne khulwa mbu abasianibe bali nibatsiye nende ebiayo musiayo, yabuna tsi nalinda okhwola olwa bali nibetsele. 6Ne Hamori samwana Shekemu natsia okhul'loma nende Yakobo, 7olwabaana ba Yakobo bali nibachelelanga okhurula musiayo. Olwa bakahulila bali okhuhuka ma nibasinyikha khuka Shekemu yali nakhol'le okhufwabia abandu ba Isiraeli olwa yakona nende omukhaana wa Yakobo netsingufu. 8Hamori nabool'la Yakobo mbu, “Omusiani wanje Shekemu uyanzile omukhaanawo, yanza olekhe amuteesie. 9Chenda khuhuchilisanie abandu befwe nabateesanenje nende abenywe. 10Ma mumenye musibala sino n'nefwe, mumenye hosi aha muba nimwenya, mube abalakhuule okhukhola obukhala nende okhubamwo nemiandu.”
11Ma Shekemu nabool'la samwana Dina nende abasiani babwe mbu, “Muhuchil'le yaka, ne esianamureebe siosi namuhelesie. 12Kata nimureeba ikhwe efwana mbwena, nende ebihetso bifwana mbwena, namuhelesie singa obwa namube nimureebele nikaba mbu mwakhahuchil'la ndeesie omukhaana wenywe.” 13Abasiani ba Yakobo bakalusia Shekemu nende Hamori munjila yobukaati sichila Shekemu yali niyoononisie omukhaana wabwe Dina. 14Nibababool'la mbu, “Sikhunyala okhuhuchiil'la omukhaana wefwe ateekhele omundu osili okhusebwa tawe, yako kakhaba akes'simbamurwe khu ifwe. 15Khunyala okhuhuchiil'la nikali mwakhakhusubisia mbu namube singa ifwe, ma namusebenje abasaatsa benywe bosi. 16Nimukhola mbwo ne nakhuhuchiil'le okhuteesania n'nenywe singa abandu balala. 17Nebutswa nimuba nimusuula okhuhuchiil'la ma namubule okhusebwa, nakhubukule omukhaana wefwe ma khutsie.”
18Amang'ana kabwe kalolekha okhuba amalahi khu Hamori nende omusianiwe Shekemu. 19Omubuukha siyamala nanyoola obutinyu okhukhola akene yako tawe, sichila yali niyayanza omukhaana. Khandi niye owali noluyali okhusila munyumba mwabwe.
20Hamori nende omusianiwe Shekemu batsia ma niboola habundu hokhwakan'na musilibwa sie litookho. Bal'loma nende abasaatsa bomwitookho nibaboola mbu. 21“Abandu bano bali nomulembe, mulekhe bamenye n'nefwe nobulakhuule. Esibala sino nesikali esiabanyala okhumenyakhwomwo nabo. Nakhutesanienje n'nabo. 22Nebutswa abasaatsa yaba nabahuchiil'le okhumenya n'nefwe khandi okhuba mulala n'nefwe nikali nakhuhuchiil'le okhuseba abasaatsa befwe singa bo bakholanga. 23Emiruko chiabwe nende emiandu chiabwe sinabibe ebiefwe?” 24Abandu bosi abomwitookho nibahuchilisania nende aka Hamori nende Shekemu baboola, ma abasaatsa bosi nibasebwa.
25Inyuma wamatukhu kataru, abasaatsa nibasitsunwa khulwokhusebwa, babili khubaana ba Yakobo, Simioni nende Lawi, abasiani banga Dina, babukula tsinganga tsiabwe, nibatsia mwitookho sila omundu okhumanya, ma nibeera abasaatsa bosi. 26Nibeer'ramwo Hamori nende omusianiwe Shekemu, ma nibabukula Dina okhurula munyumba ya Shekemu nibarula. 27Nibamal'le okhwira mbwo, abaana ba Yakobo bayaaka ebindu biosi mwitookho yimwo khulwokhurunga es'sialia sichila omukhaana wabwe yali niyonoonibwe. 28Babukula ebiayo, tsing'ombe, etsipunda, nende buli siesindu siosi mwitookho nende mubwayilo. 29Babukula esindu siosi esiali nobukusi, nibatiila abakhasi nende abaana, ma nibachinga biosi ebiali mutsinyumba.
30Yakobo nabool'la Simioni nende Lawi mbu, “Mundereye omunyakhano; luno Abakanaani, Abaperisi nende abandu bandi bosi musibala sino nabaasuule. Sindi nende abasaatsa abenji tawe, olwabandu yabo nabebunjikhe halala ma nabanyinjil'le, inyumba yanje yosi nemalwe.”
31Nabo nibakalusia nibaboola mbu, “Sikhwakhahuchil'la omukhaana wefwe okhukhol'lwa singa omutamba tawe.”
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©Bible Society of Kenya, 2019