OKHUCHIAKA 35
35
Nyasaye yahelesia Yakobo ikhabi mu Betseli
1Nyasaye yabool'la Yakobo mbu, “Tsia bwangu Betseli ma omenyeyo. Unyombokheleyo olusambwa. Nise Nyasaye owakhulolekhela olwa wali niwilukhanga omusiani wenywe Esau.”#Okhuch. 28:11-17
2Ma Yakobo nabool'la abeinyumbaye nende bosi abali n'naye mbu, “Muhiinie abanyasaye abamuli n'nabo, mwelombe abeene ma mwebiikhe tsingubo tsindafu. 3Khwitsa okhurula hano khutsie Betseli, ahanzia okhwombokha olusambwa khu Nyasaye owakhonya mutsinyinga tsiamanyakhano ma owabeyenje n'nase hosi handatsiyenje.” 4Ma nibahelesia Yakobo abanyasaye babwe abacheni bosi aba bali n'nabo, nende tsingaka etsiali m'marwi. Yakobo nabiyabila hasi womusaala omuriba okuli ahembi nende Shekemu.
5Olwa Yakobo nende abaanabe bachiaka oluchendo, oburi obwinji bwenjil'la abandu bomumataala akali ahembi, ma sibabalondel'la tawe. 6Yakobo yoola nende abandube bosi mu Lusi, elilangungwa khandi Betseli musibala sia Kanaani. 7Niyombokhayo olusambwa ma nakulikha habundu yaho Betseli, sichila niho aha Nyasaye yamwebul'la olwayali niyelukhanga omwana wabwe. 8Debora owali omuleli wa Rebeka yafwa ma nayabilwa hasi womuriba emwalo wa Betseli. Ma nikulangwa Aloni Bakutsi#35:8 Aloni Bakutsi Mbu omuriba kwokhwekhuula..
9Olwa Yakobo yakalukha okhurula Mesopotamia, Nyasaye yamulolekhela khandi ma namulaamila tsikhabi. 10Nyasaye namubool'la mbu, “Eliiralio ni Yakobo, nebutswa okhurula leelo nalibetsenje Isiraeli.” Kho Nyasaye namukulikha Isiraeli.#Okhuch. 32:28 11Nyasaye namubool'la, “Ise nise Nyasaye Wokhunyala Biosi. Onyoole abaana abenji. Tsimbia tsiakharule khuibe, ne wakhabe kukanyene abaami.#Okhuch. 17:4-8 12Khuhetsanga esibala esiandaheelesia Aburahamu nende Isaka, ma khuhetsanga ibe nende abolwibulo lwakhetse inyumawo.” 13Ma Nyasaye namulekha. 14Yaho, aha Nyasaye yali nal'lomeye n'naye, Yakobo yamala nasinjisiaho lichina liesitsusio ma nalitsienula khulwa okhulitsukhil'lakhwo amafura.#Okhuch. 28:18-19 15Nakulikha habundu tsana Betseli.
Okhufwa khwa Raheli
16Yakobo nende abeinyumbaye nibachaaka oluchendo okhurula Betseli, ne olwa bali nibasili ehale okhurula Efuratsa, tsinyinga tsia Raheli okhwibula tsioola, ne inumwaye neba indinyu okhusila. 17Olweinumwa yali niyakhaba indinyu, omulesi owali namwibusianga, namubool'la, “Oraria tawe, witsa okhunyoola omwana undi omusiani.” 18Nebutswa yali nafwitsanga, ne naheelana emiyachie echiokhumalilikha, nakulikha omusianiwe Benoni#35:18 Benoni Mu Luheburania mbu “Omusiani wesibeela sianje.”, nebutswa samwana naye yamukulikha Benjameni#35:18 Benjameni Mu Luheburania mbu “Omusiani owakhabe neikhabi.”.
19Olwa Raheli yafwa, yayabilwa khunjila etsitsanga Efuratsa, elilangungwa Betselehemu luno. 20Yakobo nasinjisiaho lichina liesiitsusio, ma lisimanyia esilindwa sia Raheli okhwola olwaleelo. 21Yakobo natsilil'la ma nalomba ekambi ahembi nende omunaara kwa Ederi.
Abaana ba Yakobo
(1 Aketsi. 2:1-2)
22Olwa Yakobo yali nasimenyele musibala yisio, Rubeni yakona nende Biliha, owali omukhasi omubiikha wa samwana. Yakobo yakahul'la ma nabihil'lwa okhusila.
Yakobo yali nabaana likhumi nende babili.#Okhuch. 49:4 23Abaana ba Lea bali Rubeni (omwana wa Yakobo wokhuranga), Simioni, Lawi, Yuda, Isakari, nende Sabuloni. 24Abaana ba Raheli nabo bali, Yosefu nende Benjameni. 25Abaana ba Biliha owali omukholi wa Raheli bali, Dani nende Nafutali. 26Abaana ba Silipa owali omukholi wa Lea bali Gadi nende Asheri. Abaana yaba bosi bebul'lwa Mesopotamia.
Okhufwa khwa Isaka
27Yakobo yatsia khu Isaka samwanawe mu Mamure, ahembi nende Heburoni aha Aburahamu nende Isaka bamenyanga.#Okhuch. 13:18 28Isaka yamala emihika emia ndala nende amakhumi munane 29ma nafwa nakhunguhile, ne abaanabe Esau nende Yakobo nibamuyabila.
Àwon tá yàn lọ́wọ́lọ́wọ́ báyìí:
OKHUCHIAKA 35: EBAIBO
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©Bible Society of Kenya, 2019
OKHUCHIAKA 35
35
Nyasaye yahelesia Yakobo ikhabi mu Betseli
1Nyasaye yabool'la Yakobo mbu, “Tsia bwangu Betseli ma omenyeyo. Unyombokheleyo olusambwa. Nise Nyasaye owakhulolekhela olwa wali niwilukhanga omusiani wenywe Esau.”#Okhuch. 28:11-17
2Ma Yakobo nabool'la abeinyumbaye nende bosi abali n'naye mbu, “Muhiinie abanyasaye abamuli n'nabo, mwelombe abeene ma mwebiikhe tsingubo tsindafu. 3Khwitsa okhurula hano khutsie Betseli, ahanzia okhwombokha olusambwa khu Nyasaye owakhonya mutsinyinga tsiamanyakhano ma owabeyenje n'nase hosi handatsiyenje.” 4Ma nibahelesia Yakobo abanyasaye babwe abacheni bosi aba bali n'nabo, nende tsingaka etsiali m'marwi. Yakobo nabiyabila hasi womusaala omuriba okuli ahembi nende Shekemu.
5Olwa Yakobo nende abaanabe bachiaka oluchendo, oburi obwinji bwenjil'la abandu bomumataala akali ahembi, ma sibabalondel'la tawe. 6Yakobo yoola nende abandube bosi mu Lusi, elilangungwa khandi Betseli musibala sia Kanaani. 7Niyombokhayo olusambwa ma nakulikha habundu yaho Betseli, sichila niho aha Nyasaye yamwebul'la olwayali niyelukhanga omwana wabwe. 8Debora owali omuleli wa Rebeka yafwa ma nayabilwa hasi womuriba emwalo wa Betseli. Ma nikulangwa Aloni Bakutsi#35:8 Aloni Bakutsi Mbu omuriba kwokhwekhuula..
9Olwa Yakobo yakalukha okhurula Mesopotamia, Nyasaye yamulolekhela khandi ma namulaamila tsikhabi. 10Nyasaye namubool'la mbu, “Eliiralio ni Yakobo, nebutswa okhurula leelo nalibetsenje Isiraeli.” Kho Nyasaye namukulikha Isiraeli.#Okhuch. 32:28 11Nyasaye namubool'la, “Ise nise Nyasaye Wokhunyala Biosi. Onyoole abaana abenji. Tsimbia tsiakharule khuibe, ne wakhabe kukanyene abaami.#Okhuch. 17:4-8 12Khuhetsanga esibala esiandaheelesia Aburahamu nende Isaka, ma khuhetsanga ibe nende abolwibulo lwakhetse inyumawo.” 13Ma Nyasaye namulekha. 14Yaho, aha Nyasaye yali nal'lomeye n'naye, Yakobo yamala nasinjisiaho lichina liesitsusio ma nalitsienula khulwa okhulitsukhil'lakhwo amafura.#Okhuch. 28:18-19 15Nakulikha habundu tsana Betseli.
Okhufwa khwa Raheli
16Yakobo nende abeinyumbaye nibachaaka oluchendo okhurula Betseli, ne olwa bali nibasili ehale okhurula Efuratsa, tsinyinga tsia Raheli okhwibula tsioola, ne inumwaye neba indinyu okhusila. 17Olweinumwa yali niyakhaba indinyu, omulesi owali namwibusianga, namubool'la, “Oraria tawe, witsa okhunyoola omwana undi omusiani.” 18Nebutswa yali nafwitsanga, ne naheelana emiyachie echiokhumalilikha, nakulikha omusianiwe Benoni#35:18 Benoni Mu Luheburania mbu “Omusiani wesibeela sianje.”, nebutswa samwana naye yamukulikha Benjameni#35:18 Benjameni Mu Luheburania mbu “Omusiani owakhabe neikhabi.”.
19Olwa Raheli yafwa, yayabilwa khunjila etsitsanga Efuratsa, elilangungwa Betselehemu luno. 20Yakobo nasinjisiaho lichina liesiitsusio, ma lisimanyia esilindwa sia Raheli okhwola olwaleelo. 21Yakobo natsilil'la ma nalomba ekambi ahembi nende omunaara kwa Ederi.
Abaana ba Yakobo
(1 Aketsi. 2:1-2)
22Olwa Yakobo yali nasimenyele musibala yisio, Rubeni yakona nende Biliha, owali omukhasi omubiikha wa samwana. Yakobo yakahul'la ma nabihil'lwa okhusila.
Yakobo yali nabaana likhumi nende babili.#Okhuch. 49:4 23Abaana ba Lea bali Rubeni (omwana wa Yakobo wokhuranga), Simioni, Lawi, Yuda, Isakari, nende Sabuloni. 24Abaana ba Raheli nabo bali, Yosefu nende Benjameni. 25Abaana ba Biliha owali omukholi wa Raheli bali, Dani nende Nafutali. 26Abaana ba Silipa owali omukholi wa Lea bali Gadi nende Asheri. Abaana yaba bosi bebul'lwa Mesopotamia.
Okhufwa khwa Isaka
27Yakobo yatsia khu Isaka samwanawe mu Mamure, ahembi nende Heburoni aha Aburahamu nende Isaka bamenyanga.#Okhuch. 13:18 28Isaka yamala emihika emia ndala nende amakhumi munane 29ma nafwa nakhunguhile, ne abaanabe Esau nende Yakobo nibamuyabila.
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©Bible Society of Kenya, 2019