OKHUCHIAKA 33
33
Yakobo yakaana nende Esau
1Yakobo yalola Esau niyeetsanga nende abandube etsimia tsine, ma nakabula abaana khu Lea, Raheli nende khubakhaana abatiyi, baabe babili. 2Niyemesia abakhaana batiyi nende abaana babwe, ma nalondiakhwo Lea nende abaanabe, ne Raheli nende Yusufu nibasikala inyuma. 3Yakobo niyemela imbeli wabwe ma niyenama esiakhane nakhataru olwayali niyesundanga ahembi khumwana wabwe. 4Nebutswa Esau niyelukha bwangu okhutsia okhumwakan'na, namukwaaka, ma namutsunzuuna. Bosi nibalakaya amasika. 5Olwa Esau yahenga nalola abakhasi nende abaana, yareeba mbu, “Nibeena abo oli n'nabo yaba?”
Yakobo namukalusia mbu, “Yaba nabaana ba Nyasaye yambelesia khulwesirendasie.” 6Ma abakhasi abali abatiiyi niboolaho nende abaana babwe, nibeenama. 7Lea niyoolaho nende abaanabe, nibeenama, ne olunyuma Yosefu nende Raheli niboolaho, khandi nabo nibeenama.
8Esau nareeba mbu, “Ne omukanda kwandali okhwakaana n'nakwo kula kuli nende amang'ana sina?”
Yakobo namukalusia mbu, “Kwali okwokhukhuhombelesia khe umbuchiil'le.”
9Esau nakalusia mbu, “Ebiandi n'nabio nebinji, mwana wefwe, ebioli n'nabio bibe butswa ebibio.”
10Yakobo naboola, “Tawe nimba nimbuchiliiywe imbeliwo, khe oyanze obukule ebihanwa bianje. Olwa ndolan'ne n'nawe fwananga singa ololan'ne nende Nyasaye m'moni, sichila obulina buliho hakari wefwe. 11Yanza obukule ebihanwa biakhuleereye yibi, Nyasaye waimbeela esirenda ma ndi nende siosi esiandakhenya.” Natsilil'la okhumunichilisia okhwola olwa yabihuchiil'la.
12Esau naboola mbu, “Chenda khuchiake oluchendo. Ise nise owitsa okhwemela.”
13Yakobo nakalusia, “Omanye abaana batohele, khandi okhwola nganakane amakondi kanje netsing'ombe nende ebimoosi biandi n'nabio. Nibitetekhanibwakhwo kata litukhu elala biosi biakhafwa. 14Nobulahi ibe wemele, ma nase khulonde kalaha, ninjendia ebiayo nende abaana kalaha okhwola olwa nakhunyool'le Edomu.”
15Esau naboola mbu, “Lekha khulekhele abandu banje balala.”
Nebutswa Yakobo nakalusia mbu, “Sindola esifune tawe sichila esianyenyelenje butswa nokhuhuchiil'lwa.” 16Khe litukhu yilio Esau nachaaka oluchendo lwokhukalukha Edomu. 17Ne Yakobo naye natsia Sukotsi, niyeyombokhelayo inyumba nende ebiko biemirukochie. Niko akachilanga habwene yaho nihalangwa Sukotsi.
18Olwa Yakobo yakalukha okhurula Mesopotamia, yoola nomulembe mwitookho lia Shekemu musibala sia Kanaani, ma niyombokha ekambiye ahembi nelitookho. 19Yakula esitonye siomukunda yisio khubaana ba Amori samwana Shekemu khulwe ebitonye emia ndala ebiefetsa.#Yosh. 24:32; Yoh. 4:5 20Nasinjisiaho olusambwa ma nakulikhaho Eli, Elohe Isiraeli#33:20 Eli, Elohe Isiraeli Mbu Nyasaye ni Nyasaye wa Isiraeli..
Àwon tá yàn lọ́wọ́lọ́wọ́ báyìí:
OKHUCHIAKA 33: EBAIBO
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©Bible Society of Kenya, 2019
OKHUCHIAKA 33
33
Yakobo yakaana nende Esau
1Yakobo yalola Esau niyeetsanga nende abandube etsimia tsine, ma nakabula abaana khu Lea, Raheli nende khubakhaana abatiyi, baabe babili. 2Niyemesia abakhaana batiyi nende abaana babwe, ma nalondiakhwo Lea nende abaanabe, ne Raheli nende Yusufu nibasikala inyuma. 3Yakobo niyemela imbeli wabwe ma niyenama esiakhane nakhataru olwayali niyesundanga ahembi khumwana wabwe. 4Nebutswa Esau niyelukha bwangu okhutsia okhumwakan'na, namukwaaka, ma namutsunzuuna. Bosi nibalakaya amasika. 5Olwa Esau yahenga nalola abakhasi nende abaana, yareeba mbu, “Nibeena abo oli n'nabo yaba?”
Yakobo namukalusia mbu, “Yaba nabaana ba Nyasaye yambelesia khulwesirendasie.” 6Ma abakhasi abali abatiiyi niboolaho nende abaana babwe, nibeenama. 7Lea niyoolaho nende abaanabe, nibeenama, ne olunyuma Yosefu nende Raheli niboolaho, khandi nabo nibeenama.
8Esau nareeba mbu, “Ne omukanda kwandali okhwakaana n'nakwo kula kuli nende amang'ana sina?”
Yakobo namukalusia mbu, “Kwali okwokhukhuhombelesia khe umbuchiil'le.”
9Esau nakalusia mbu, “Ebiandi n'nabio nebinji, mwana wefwe, ebioli n'nabio bibe butswa ebibio.”
10Yakobo naboola, “Tawe nimba nimbuchiliiywe imbeliwo, khe oyanze obukule ebihanwa bianje. Olwa ndolan'ne n'nawe fwananga singa ololan'ne nende Nyasaye m'moni, sichila obulina buliho hakari wefwe. 11Yanza obukule ebihanwa biakhuleereye yibi, Nyasaye waimbeela esirenda ma ndi nende siosi esiandakhenya.” Natsilil'la okhumunichilisia okhwola olwa yabihuchiil'la.
12Esau naboola mbu, “Chenda khuchiake oluchendo. Ise nise owitsa okhwemela.”
13Yakobo nakalusia, “Omanye abaana batohele, khandi okhwola nganakane amakondi kanje netsing'ombe nende ebimoosi biandi n'nabio. Nibitetekhanibwakhwo kata litukhu elala biosi biakhafwa. 14Nobulahi ibe wemele, ma nase khulonde kalaha, ninjendia ebiayo nende abaana kalaha okhwola olwa nakhunyool'le Edomu.”
15Esau naboola mbu, “Lekha khulekhele abandu banje balala.”
Nebutswa Yakobo nakalusia mbu, “Sindola esifune tawe sichila esianyenyelenje butswa nokhuhuchiil'lwa.” 16Khe litukhu yilio Esau nachaaka oluchendo lwokhukalukha Edomu. 17Ne Yakobo naye natsia Sukotsi, niyeyombokhelayo inyumba nende ebiko biemirukochie. Niko akachilanga habwene yaho nihalangwa Sukotsi.
18Olwa Yakobo yakalukha okhurula Mesopotamia, yoola nomulembe mwitookho lia Shekemu musibala sia Kanaani, ma niyombokha ekambiye ahembi nelitookho. 19Yakula esitonye siomukunda yisio khubaana ba Amori samwana Shekemu khulwe ebitonye emia ndala ebiefetsa.#Yosh. 24:32; Yoh. 4:5 20Nasinjisiaho olusambwa ma nakulikhaho Eli, Elohe Isiraeli#33:20 Eli, Elohe Isiraeli Mbu Nyasaye ni Nyasaye wa Isiraeli..
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©Bible Society of Kenya, 2019