OKHUCHIAKA 32
32
Yakobo yerechekha okhubukaana nende Esau
1Olwa Yakobo yali natsilil'langa nende oluchendo lulwe, abamalaika ba Nyasaye bamwakaan'na. 2Olwa yabalola, yaboola mbu, “Yino nekambi ya Nyasaye,” ma nakulikha habundu yaho Mahanaimu.
3Yakobo naruma abarumwa bamuranjil'le okhutsia khumusiani wabwe Esau musibala sia Edomu. 4Yabalaka baboole mbu, “Ise Yakobo, omurumikhiliwo, nzitsanga khu iwe omwami Esau nimboola mbu ndamenyelenje nende Labani ma ndacheleba okhukalukha. 5Ndi nende tsing'ombe, etsipunda, amakondi, tsimbusi nende abatiiyi. Khurumilanga ling'ana nende obunaayi bwokhuhuchil'lwa imbeliwo.”
6Olwa barumwa bakalukha khu Yakobo, bamubool'la mbu, “Khwol'le khumwana wenywe Esau, ma ali khunjila yeetsanga okhukhubukaan'na. Ali nende abandu etsimia tsine abayeetsanga n'nabo.” 7Yakobo yaria okhusila, naba nende esihenda mwoyo. Yamala nakabula abandu bayali n'nabo nende amakondi, tsimbusi, tsing'ombe ma nende etsipunda mumikanda chibili. 8Okhuba yapaala, “Nikakhaba Esau yakheetsa okhuseera omukanda yiku ne okundi yiku kuhona ma kwilukhe.”
9Ma Yakobo nasaaya mbu, “Nyasaye wa kuka Aburahamu, Nyasaye wa papa Isaka, mbulila. OMWAMI, wambool'la mbu ningalukha musibala siabeekho banje ne ebindu biosi nabibe ebilahi. 10Singwan'ne obuyanzibwo nende obusubilwa ebiawakhol'la ise omusumbawo tawe. Ndambukha Yorodani nindi nende indabusi yonyene, ne lunondi ngalukhile nindi nemikanda chibili chino. 11Umbabine khumukhono kwomwana wefwe Esau. Okhuba riiye mbu haundi yeetsanga okhukhuseera ma akhumale fwesi, kata abakhasi nende abaana. 12Witsul'le mbu waboola wakhakhol'le ebindu biosi ebilahi, ma wakhambelesie olwibulo olwomundu arakhabasiakhwo tawe, olwinji singa omuyekhe okuli khundulo khweinyanza.”#Okhuch. 22:17
13Yakobo yakonaho obutukhu yibwo bwosi, ma nabukula khubiayo bibie esihanwa siokhuhelesia omwana wabwe Esau. 14Yabukula tsimbusi tsikhasi etsimia tsibili nende etsikhole amakhumi kabili, amakondi makhasi etsimia tsibili ne amamiiku etsimia tsibili. 15Tsingamia amakhumi kataru etsiali nitsinuuninjia halala nende ebimoosi biatsio, tsing'ombe etsitwasi amakhumi kane, ne etsichulukhi likhumi, etsipunda tsikhasi amakhumi kabili ne tsisaatsa likhumi. 16Nabikaba mumikanda chiebiayo ma nara mulala khubatiiyi babe okhusinjil'la buli esiayo. Nababool'la mbu, “Muranje okhwambukha ne mulekhenje obweyangu hakari wesiayo silala nende esindi.” 17Nalaka omurumikhili wokhuranga mbu, “Olwa nobukane nende Esau omwana wefwe nakhureeba, ‘Oli omurumikhili wa wiina, ne otsitsanga hena? Niwina mwene biayo biawemesisie yibi?’ 18Ne okalusia mbu, ‘Nebiomurumwawo Yakobo. Ubirumile singa ebihanwa khu mwamiwe Esau. Ne ye omwene ali inyuma yetsanga.’ ” 19Yahaana lilako lifwana yilio khandi khumurumikhili wakhabili, nende owakhataru, nende khubandi bosi abali nibasinjiliye ebiayo. “Nimbwo namubool'le Esau olwa namwakane n'naye. 20Okhwola muboole, ‘Omurumwawo Yakobo ali inyuma yeetsanga!’ ” Yakobo yali napaalanga mbu, “Namulechel'le nebihanwa, ne olwa nakhwakane n'naye, nayambuchil'le.” 21Yarumania ebihanwa nibitsia ne naye omwene nasikala inyuma nakona mukambi obutukhu yibwo.
Yakobo yalwana nali Penieli
22Obutukhu yibwo Yakobo yabuukha, nabukula abakhasibe babili nende abatiiyi babwe babili, ma nende abaanabe likhumi namulala, nibambukha omuchela kwa Yaboku. 23Olwayali nabambusisie injelekha womuchela yamala niyambusia biosi ebiayali n'nabio, 24nebutswa ye omwene nasikala oluchelekha yenyene.
Ne omusaatsa undi yeetsa namulwaana okhwola m'mabwebwe.#Hosea 12:3-4 25Olwomundu uyo yalola mbu salekanga Yakobo tawe, yam'miina mwifwon'no lieikhukunyu ma nilibinzukha. 26Omundu uyo naboola mbu, “Ndakhuula nzie sichila buli ahembi okhusia.”
Yakobo namubool'la mbu, “Sikhulakhuula tawe, okhwola unaamile ikhabi mbelio.”
27Naye namureeba mbu, “Ibe niwe wiina?”
Nakalusia, “Nise Yakobo.”
28Omundu uyo namubool'la, “Eliira lilio sinalibe khandi Yakobo tawe. Olwan'nenje nende Nyasaye, ma nende abandu, ma ulechele kho, eliiralio nalibe Isiraeli.”#Okhuch. 35:10
29Yakobo namubool'la mbu, “Luno nawe mbool'la eliiralio.”
Nebutswa naye namureeba mbu, “Busina wenyanga okhumanya eliira lianje?” Ma nalaamila Yakobo tsikhabi.#Abakh. 13:17-18
30Yakobo naboola, “Nduutsi Nyasaye m'moni nom'moni, ma sili mwoyo.” Ma nakulikha habundu tsana Penieli. 31Eliuba liarula olwa Yakobo yali narulangaho, ne yali natiechelanga khulwe ikhukunyuye 32kata okhwola leelo abolwibulo lwa Isiraeli sibalitsanga inyama yokhukhukunyu tawe, sichila niyo eya Yakobo yafwoolwa.
Àwon tá yàn lọ́wọ́lọ́wọ́ báyìí:
OKHUCHIAKA 32: EBAIBO
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©Bible Society of Kenya, 2019
OKHUCHIAKA 32
32
Yakobo yerechekha okhubukaana nende Esau
1Olwa Yakobo yali natsilil'langa nende oluchendo lulwe, abamalaika ba Nyasaye bamwakaan'na. 2Olwa yabalola, yaboola mbu, “Yino nekambi ya Nyasaye,” ma nakulikha habundu yaho Mahanaimu.
3Yakobo naruma abarumwa bamuranjil'le okhutsia khumusiani wabwe Esau musibala sia Edomu. 4Yabalaka baboole mbu, “Ise Yakobo, omurumikhiliwo, nzitsanga khu iwe omwami Esau nimboola mbu ndamenyelenje nende Labani ma ndacheleba okhukalukha. 5Ndi nende tsing'ombe, etsipunda, amakondi, tsimbusi nende abatiiyi. Khurumilanga ling'ana nende obunaayi bwokhuhuchil'lwa imbeliwo.”
6Olwa barumwa bakalukha khu Yakobo, bamubool'la mbu, “Khwol'le khumwana wenywe Esau, ma ali khunjila yeetsanga okhukhubukaan'na. Ali nende abandu etsimia tsine abayeetsanga n'nabo.” 7Yakobo yaria okhusila, naba nende esihenda mwoyo. Yamala nakabula abandu bayali n'nabo nende amakondi, tsimbusi, tsing'ombe ma nende etsipunda mumikanda chibili. 8Okhuba yapaala, “Nikakhaba Esau yakheetsa okhuseera omukanda yiku ne okundi yiku kuhona ma kwilukhe.”
9Ma Yakobo nasaaya mbu, “Nyasaye wa kuka Aburahamu, Nyasaye wa papa Isaka, mbulila. OMWAMI, wambool'la mbu ningalukha musibala siabeekho banje ne ebindu biosi nabibe ebilahi. 10Singwan'ne obuyanzibwo nende obusubilwa ebiawakhol'la ise omusumbawo tawe. Ndambukha Yorodani nindi nende indabusi yonyene, ne lunondi ngalukhile nindi nemikanda chibili chino. 11Umbabine khumukhono kwomwana wefwe Esau. Okhuba riiye mbu haundi yeetsanga okhukhuseera ma akhumale fwesi, kata abakhasi nende abaana. 12Witsul'le mbu waboola wakhakhol'le ebindu biosi ebilahi, ma wakhambelesie olwibulo olwomundu arakhabasiakhwo tawe, olwinji singa omuyekhe okuli khundulo khweinyanza.”#Okhuch. 22:17
13Yakobo yakonaho obutukhu yibwo bwosi, ma nabukula khubiayo bibie esihanwa siokhuhelesia omwana wabwe Esau. 14Yabukula tsimbusi tsikhasi etsimia tsibili nende etsikhole amakhumi kabili, amakondi makhasi etsimia tsibili ne amamiiku etsimia tsibili. 15Tsingamia amakhumi kataru etsiali nitsinuuninjia halala nende ebimoosi biatsio, tsing'ombe etsitwasi amakhumi kane, ne etsichulukhi likhumi, etsipunda tsikhasi amakhumi kabili ne tsisaatsa likhumi. 16Nabikaba mumikanda chiebiayo ma nara mulala khubatiiyi babe okhusinjil'la buli esiayo. Nababool'la mbu, “Muranje okhwambukha ne mulekhenje obweyangu hakari wesiayo silala nende esindi.” 17Nalaka omurumikhili wokhuranga mbu, “Olwa nobukane nende Esau omwana wefwe nakhureeba, ‘Oli omurumikhili wa wiina, ne otsitsanga hena? Niwina mwene biayo biawemesisie yibi?’ 18Ne okalusia mbu, ‘Nebiomurumwawo Yakobo. Ubirumile singa ebihanwa khu mwamiwe Esau. Ne ye omwene ali inyuma yetsanga.’ ” 19Yahaana lilako lifwana yilio khandi khumurumikhili wakhabili, nende owakhataru, nende khubandi bosi abali nibasinjiliye ebiayo. “Nimbwo namubool'le Esau olwa namwakane n'naye. 20Okhwola muboole, ‘Omurumwawo Yakobo ali inyuma yeetsanga!’ ” Yakobo yali napaalanga mbu, “Namulechel'le nebihanwa, ne olwa nakhwakane n'naye, nayambuchil'le.” 21Yarumania ebihanwa nibitsia ne naye omwene nasikala inyuma nakona mukambi obutukhu yibwo.
Yakobo yalwana nali Penieli
22Obutukhu yibwo Yakobo yabuukha, nabukula abakhasibe babili nende abatiiyi babwe babili, ma nende abaanabe likhumi namulala, nibambukha omuchela kwa Yaboku. 23Olwayali nabambusisie injelekha womuchela yamala niyambusia biosi ebiayali n'nabio, 24nebutswa ye omwene nasikala oluchelekha yenyene.
Ne omusaatsa undi yeetsa namulwaana okhwola m'mabwebwe.#Hosea 12:3-4 25Olwomundu uyo yalola mbu salekanga Yakobo tawe, yam'miina mwifwon'no lieikhukunyu ma nilibinzukha. 26Omundu uyo naboola mbu, “Ndakhuula nzie sichila buli ahembi okhusia.”
Yakobo namubool'la mbu, “Sikhulakhuula tawe, okhwola unaamile ikhabi mbelio.”
27Naye namureeba mbu, “Ibe niwe wiina?”
Nakalusia, “Nise Yakobo.”
28Omundu uyo namubool'la, “Eliira lilio sinalibe khandi Yakobo tawe. Olwan'nenje nende Nyasaye, ma nende abandu, ma ulechele kho, eliiralio nalibe Isiraeli.”#Okhuch. 35:10
29Yakobo namubool'la mbu, “Luno nawe mbool'la eliiralio.”
Nebutswa naye namureeba mbu, “Busina wenyanga okhumanya eliira lianje?” Ma nalaamila Yakobo tsikhabi.#Abakh. 13:17-18
30Yakobo naboola, “Nduutsi Nyasaye m'moni nom'moni, ma sili mwoyo.” Ma nakulikha habundu tsana Penieli. 31Eliuba liarula olwa Yakobo yali narulangaho, ne yali natiechelanga khulwe ikhukunyuye 32kata okhwola leelo abolwibulo lwa Isiraeli sibalitsanga inyama yokhukhukunyu tawe, sichila niyo eya Yakobo yafwoolwa.
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©Bible Society of Kenya, 2019