OKHUCHIAKA 31
31
Yakobo yeelukha okhurula khu Labani
1Yakobo yahul'la mbu abaana ba Labani baboolanga, “Yakobo wabukula ebindu biali bia papa biosi. Obuhinda bubwe bwosi bwarula khubindu bia papa yali n'nabio.” 2Ma khandi nalola mbu Labani siyali nobulina khuye singa mukhuchaaka tawe. 3Ma OMWAMI namubool'la mbu, “Kalukha musibala siabapapa baabo, mubekho baabo. Ne ise nambetsenje n'nawe.”
4Ma Yakobo naruma ling'ana khu Raheli nende Lea mbu bamwakaan'ne m'mukunda ahayali niyayanga ebiayo. 5Yababool'la mbu, “Nduutsi mbu senywe sasili nobulina khu ise singa yalinji tawe, nebutswa Nyasaye wa papa wanje asili n'nase halala. 6Inywe mumanyile singa ndatiiyila papa wenywe netsingufu tsianje tsiosi. 7Ne waingaata ma wakalukhania omurungo kwanje hali likhumi. Nebutswa Nyasaye siyamuhuchil'la yakhol'le obubi tawe. 8Buli lwosi olwa Labani yaboolanga mbu, ‘Ebiayo biamapalapala nabibe omurungo kukwo’ ne ebiayo biosi biibula ebimeme biamapalapala. Nolwa yaboolanga, ‘Ebiayo bietsikhoosi nabibe ebibio’ ne ebiayo biosi biibula ebimeme bietsikhoosi. 9Nyasaye yahiinia ebiayo khu papa wenywe ne niyambelesia.
10“Olwebiayo biaruumanga, ndaloora lilooro, ne nindola tsimbusi etsikhole etsiali nitsiruumanga nitsili netsikhoosi, khandi nende amapalapala nende amakondokondo. 11Om'malaika wa Nyasaye nal'loma n'nase mwilooro ma naboola, ‘Yakobo.’ Nase ningalusia mbu, ‘Ndi hano.’ 12Naboola, ‘Lola, etsikhole tsiruumanga tsiosi netsietsikhoosi, khandi netsiamapalapala nende etsiamakondokondo. Kholanga akene yaka sichila nduutsi kosi aka Labani akhukhol'langa. 13Nise Nyasaye owali okhukhulolekhela mu Betseli, ahawatsukhil'la amafura khwichina khulwa okhuba esitsusio ma nolomba esiesuho khu ise. Luno buukha, werechekhe okhukalukha musibala siawebul'lwamwo.’ ”#Okhuch. 28:18-22
14Raheli nende Lea nibakalusia Yakobo mbu, “Sibulaho esindu esiasikalakhwo esiobulaame bwefwe khu papa tawe. 15Akhubukulanga butswa singa abacheni. Yakhukusia, ma wamal'le amapesa kosi akayarungwa khulweifwe. 16Obuhinda yibu bwosi obwa Nyasaye yahiinisie khu papa nobwefwe nende abaana befwe. Okhole aka Nyasaye akhubooleye okhukhola.”
17Ma Yakobo niyerechekha khuluchendo, nabukula abaanabe nende abakhasibe nabara khutsingamia. 18Yabukula ebiayobie, nende ebindu biosi ebiayali niyanyoola musibala sia Mesopotamia ma nakalukha khusamwana, musibala sia kanaani. 19Labani yali natsiye okhukhalaka amakondike obwoya, ne Raheli niyeeba ebindu biemisambwa chiasamwana. 20Yakobo yebisa butswa narula Labani naramanyile arulanga tawe. 21Yabukula biosi ebiali ebibie ma narula malibiri. Yambukha omuchela kwa Efurate ma nachaaka oluchendo lwokhutsia musibala siebikulu esia Gileadi.
Labani yalondel'la Yakobo
22Amatukhu kataru nikahweye Labani yabool'lwa mbu Yakobo wailukha. 23Nabukula abandu babe abes'saatsa ma nalondel'la Yakobo khulwa amatukhu kane nakataru ma namunyool'la musibala siebikulu sia Gileadi. 24Butukhu yibwo Nyasaye yetsela Labani mwilooro ma namubool'la mbu, “Weyile kalaha, orakhatechesiakhwo Yakobo munjila yosi tawe.” 25Yakobo yali niyombokhele ekambiye khusikulu, ne Labani naye nende abandube nibalomba ekambi yabwe musibala siebikulu sia Gileadi.
26Labani nabool'la Yakobo, “Busina niwebisa norula niramanyilekhwo nohila abakhaana banje singa batiliywe mwihe? 27Busina niwebisa butswa sila okhumbool'lakhwo? Olaba owaimbooleyekhwo khane ndakhuseebuye nende obusangali ma nende tsinyembo tsiebikuti nende amatungu. 28Kata siumbeyekhwo obweyangu okhutsunzuuna abetsukhulu banje nende abakhaana banje nimbaseebula tawe. Akokhol'le yaka nakobusilu okhusila. 29Ndi nende obunyali bwokhukhusalisia, nebutswa olwabeeye butukhu Nyasaye wa papawo yaimbooleye ndehile kalaha ndekhe okhukhutechesiakhwo munjila yosi tawe. 30Manyile orul'le sichila oli namahoofu okhukalukha owenywe, nebutswa esichil'le niwiiba emisambwa chieinyumba yanje nisina?” 31Yakobo nakalusia mbu, “Ndaali okhuria, nimbaala mbu wakhaanuula abakhaanabo netsingufu. 32Nebutswa niwakhanyoola omundu wosi khu ifwe nali nemisambwachio, okhwola yerwe. Ne luno yahula siosi esili esisio imbeli wabandu yaba ma obukule siosi esili esisio.” Yakobo siyali namanyile mbu Raheli wibile emisambwa chia Labani tawe.
33Labani nakhaaba mwiheema lia Yakobo, ma natsia mwiheema lia Lea, ma khandi natsia muliabakhaana batiiyi babili, nebutswa siyanyoola emisambwachie tawe. Yamala natsia mwiheema lia Raheli. 34Raheli yali nareeye emisambwa mumito chieingamia ma niyekhayekhwo. Labani yakhaaba mwiheema mwosi ne siyanyoola tawe. 35Raheli nabool'la samwana mbu, “Orakhasinyikhila tawe sichila sindi onyala okhusinjila imbeliwo tawe, okhuba mengele ebukwe.” Labani yaruna emisambwachie nebutswa siyachinyoola tawe.
36Ma Yakobo nasinyikha, nabool'la Labani mbu, “Nibubi sina obwaakhol'le? Funachile lilako sina elichilanga niunonda nende okhukoola mubindu bianje? 37Olwokool'le mubindu bianje tsana, esisio sionyooyemwo nisina? Sire yaha imbeli wabandu banje nende abaabo basilole, ma khe balole niwina khu ifwe oli owatooto. 38Luno ndabeeye n'nawe emihika amakhumi kabili, amakondiko nende tsimbusitsio sitsiachweyanga okhwibulana tawe, nebutswa ise sili okhuliakhwo esimeeme okhurula mubiayobio. 39Lwosi olwe likondi lierwanga neisolo yom'bulimo, ise omwene ndetukhanga omusiko yikwo. Sindakhuleer'ranga okhukhumanyia nimboola sikali amabi kanje tawe? Wareebanga ngalusie siosi esibilwe m'mbasu nende butukhu. 40Tsinyinga tsinyinji ndanyakhananga om'basu nikusamba nohomba obusindu nibundia mubutukhu. Sindaali onyala okhukona tsindoolo tawe. 41Akene yako kekhola khulwemihika amakhumi kabili echiandamenya n'nawe. Emihika likhumi nende chine ndatiiya khulwokhunyoola abakhaanabo ne emihika chisasaba khulwebiayo bibio. Nebutswa ibe wasukhania omurungo kwanje hali likhumi. 42Kalaba Nyasaye wabapapa banje Aburahamu nende Isaka siyali n'nase tawe, khane waikhunga khale amakhono makhaya. Nebutswa Nyasaye yaluutsi omunyakhano kwanje nende emilimo chiandakhola, ma obutukhu bubir're alombele obukhalachibwe.”
Okhuhuchilisania khwa Yakobo nende Labani
43Labani yakalusia Yakobo naboola mbu, “Abakhaana yaba nabaana banje, abaana babwe nabanje, ne ebiayo yibi nebianje. Kata ebindu biosi ebiolola hano nebianje. Nebutswa sichila libulaho eliandakhakhola khulwa okhukalusia abakhaana banje nende abaana babwe, 44ndi omwerechekhu okhuhuchilisania n'nawe. Chenda khubunjikhe esifuumi siamachina okhukhwiitsusia okhuhuchilisania khwefwe.”
45Ma Yakobo nabukula lichina nalisinjisia singa esitsusio. 46Nabool'la abandube batoole amachina ma bakabunjikhe esifuumi. Ma nibaliila ebiakhulia ahembi nende amachina yako. 47Labani nakulikha habwene yaho Yegari Sahadutsa ne Yakobo naye nakulikha Galeedi. 48Labani nabool'la Yakobo mbu, “Esifuumi siamachina yisi nasibetsenje esiitsusio khu ifwe fwesi.” Niko akachilanga habundu tsana nihalangwa Galeedi. 49Labani khandi naboola mbu, “OMWAMI are tsimonitsie khu ifwe olwa khulekhananga.” Ma habundu yaho nihalangwa khandi Misipa. 50Labani natsilil'la okhuboola mbu, “Niwakhasandia abakhaana banje nohomba niwakhateesia abakhasi bandi, kata ise mbule okhumanya, witsul'le mbu Nyasaye akhulolanga fwesi. 51Yaka namachina akanguul'le hakari wefwe, ne lino nilio lichina liesiitsusio. 52Esifuumi yisi nende lichina yili nebitsusio. Sindakhabirekhwo esifuumi yisi okhwitsa okhukhuseera tawe, ne nawe orakhabirakhwo esiitsusio sino okhuuseera tawe. 53Nyasaye wa Aburahamu nende Nyasaye wa Nahori abe omukhalachi hakari wefwe.” Ma muliira lia Nyasaye wa papawe Isaka yasaayanga, Yakobo yesuha, okhulinda obuhuchilisanie bwabwe. 54Niyer'raho omuruko kwomusango ma nakuhaana okhuba omusango khu Nyasaye, ne nalanga abandube bosi nibalia ebiakhulia. Olwabali nibamal'le okhulia, bakona obutukhu yibwo khusikulu. 55M'mabwebwe omukamba okwalondakhwo, Labani natsunzuuna abetsukhulube nende abakhaanabe nabaseebula, ma narula okhukalukha ingo.
Àwon tá yàn lọ́wọ́lọ́wọ́ báyìí:
OKHUCHIAKA 31: EBAIBO
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©Bible Society of Kenya, 2019
OKHUCHIAKA 31
31
Yakobo yeelukha okhurula khu Labani
1Yakobo yahul'la mbu abaana ba Labani baboolanga, “Yakobo wabukula ebindu biali bia papa biosi. Obuhinda bubwe bwosi bwarula khubindu bia papa yali n'nabio.” 2Ma khandi nalola mbu Labani siyali nobulina khuye singa mukhuchaaka tawe. 3Ma OMWAMI namubool'la mbu, “Kalukha musibala siabapapa baabo, mubekho baabo. Ne ise nambetsenje n'nawe.”
4Ma Yakobo naruma ling'ana khu Raheli nende Lea mbu bamwakaan'ne m'mukunda ahayali niyayanga ebiayo. 5Yababool'la mbu, “Nduutsi mbu senywe sasili nobulina khu ise singa yalinji tawe, nebutswa Nyasaye wa papa wanje asili n'nase halala. 6Inywe mumanyile singa ndatiiyila papa wenywe netsingufu tsianje tsiosi. 7Ne waingaata ma wakalukhania omurungo kwanje hali likhumi. Nebutswa Nyasaye siyamuhuchil'la yakhol'le obubi tawe. 8Buli lwosi olwa Labani yaboolanga mbu, ‘Ebiayo biamapalapala nabibe omurungo kukwo’ ne ebiayo biosi biibula ebimeme biamapalapala. Nolwa yaboolanga, ‘Ebiayo bietsikhoosi nabibe ebibio’ ne ebiayo biosi biibula ebimeme bietsikhoosi. 9Nyasaye yahiinia ebiayo khu papa wenywe ne niyambelesia.
10“Olwebiayo biaruumanga, ndaloora lilooro, ne nindola tsimbusi etsikhole etsiali nitsiruumanga nitsili netsikhoosi, khandi nende amapalapala nende amakondokondo. 11Om'malaika wa Nyasaye nal'loma n'nase mwilooro ma naboola, ‘Yakobo.’ Nase ningalusia mbu, ‘Ndi hano.’ 12Naboola, ‘Lola, etsikhole tsiruumanga tsiosi netsietsikhoosi, khandi netsiamapalapala nende etsiamakondokondo. Kholanga akene yaka sichila nduutsi kosi aka Labani akhukhol'langa. 13Nise Nyasaye owali okhukhulolekhela mu Betseli, ahawatsukhil'la amafura khwichina khulwa okhuba esitsusio ma nolomba esiesuho khu ise. Luno buukha, werechekhe okhukalukha musibala siawebul'lwamwo.’ ”#Okhuch. 28:18-22
14Raheli nende Lea nibakalusia Yakobo mbu, “Sibulaho esindu esiasikalakhwo esiobulaame bwefwe khu papa tawe. 15Akhubukulanga butswa singa abacheni. Yakhukusia, ma wamal'le amapesa kosi akayarungwa khulweifwe. 16Obuhinda yibu bwosi obwa Nyasaye yahiinisie khu papa nobwefwe nende abaana befwe. Okhole aka Nyasaye akhubooleye okhukhola.”
17Ma Yakobo niyerechekha khuluchendo, nabukula abaanabe nende abakhasibe nabara khutsingamia. 18Yabukula ebiayobie, nende ebindu biosi ebiayali niyanyoola musibala sia Mesopotamia ma nakalukha khusamwana, musibala sia kanaani. 19Labani yali natsiye okhukhalaka amakondike obwoya, ne Raheli niyeeba ebindu biemisambwa chiasamwana. 20Yakobo yebisa butswa narula Labani naramanyile arulanga tawe. 21Yabukula biosi ebiali ebibie ma narula malibiri. Yambukha omuchela kwa Efurate ma nachaaka oluchendo lwokhutsia musibala siebikulu esia Gileadi.
Labani yalondel'la Yakobo
22Amatukhu kataru nikahweye Labani yabool'lwa mbu Yakobo wailukha. 23Nabukula abandu babe abes'saatsa ma nalondel'la Yakobo khulwa amatukhu kane nakataru ma namunyool'la musibala siebikulu sia Gileadi. 24Butukhu yibwo Nyasaye yetsela Labani mwilooro ma namubool'la mbu, “Weyile kalaha, orakhatechesiakhwo Yakobo munjila yosi tawe.” 25Yakobo yali niyombokhele ekambiye khusikulu, ne Labani naye nende abandube nibalomba ekambi yabwe musibala siebikulu sia Gileadi.
26Labani nabool'la Yakobo, “Busina niwebisa norula niramanyilekhwo nohila abakhaana banje singa batiliywe mwihe? 27Busina niwebisa butswa sila okhumbool'lakhwo? Olaba owaimbooleyekhwo khane ndakhuseebuye nende obusangali ma nende tsinyembo tsiebikuti nende amatungu. 28Kata siumbeyekhwo obweyangu okhutsunzuuna abetsukhulu banje nende abakhaana banje nimbaseebula tawe. Akokhol'le yaka nakobusilu okhusila. 29Ndi nende obunyali bwokhukhusalisia, nebutswa olwabeeye butukhu Nyasaye wa papawo yaimbooleye ndehile kalaha ndekhe okhukhutechesiakhwo munjila yosi tawe. 30Manyile orul'le sichila oli namahoofu okhukalukha owenywe, nebutswa esichil'le niwiiba emisambwa chieinyumba yanje nisina?” 31Yakobo nakalusia mbu, “Ndaali okhuria, nimbaala mbu wakhaanuula abakhaanabo netsingufu. 32Nebutswa niwakhanyoola omundu wosi khu ifwe nali nemisambwachio, okhwola yerwe. Ne luno yahula siosi esili esisio imbeli wabandu yaba ma obukule siosi esili esisio.” Yakobo siyali namanyile mbu Raheli wibile emisambwa chia Labani tawe.
33Labani nakhaaba mwiheema lia Yakobo, ma natsia mwiheema lia Lea, ma khandi natsia muliabakhaana batiiyi babili, nebutswa siyanyoola emisambwachie tawe. Yamala natsia mwiheema lia Raheli. 34Raheli yali nareeye emisambwa mumito chieingamia ma niyekhayekhwo. Labani yakhaaba mwiheema mwosi ne siyanyoola tawe. 35Raheli nabool'la samwana mbu, “Orakhasinyikhila tawe sichila sindi onyala okhusinjila imbeliwo tawe, okhuba mengele ebukwe.” Labani yaruna emisambwachie nebutswa siyachinyoola tawe.
36Ma Yakobo nasinyikha, nabool'la Labani mbu, “Nibubi sina obwaakhol'le? Funachile lilako sina elichilanga niunonda nende okhukoola mubindu bianje? 37Olwokool'le mubindu bianje tsana, esisio sionyooyemwo nisina? Sire yaha imbeli wabandu banje nende abaabo basilole, ma khe balole niwina khu ifwe oli owatooto. 38Luno ndabeeye n'nawe emihika amakhumi kabili, amakondiko nende tsimbusitsio sitsiachweyanga okhwibulana tawe, nebutswa ise sili okhuliakhwo esimeeme okhurula mubiayobio. 39Lwosi olwe likondi lierwanga neisolo yom'bulimo, ise omwene ndetukhanga omusiko yikwo. Sindakhuleer'ranga okhukhumanyia nimboola sikali amabi kanje tawe? Wareebanga ngalusie siosi esibilwe m'mbasu nende butukhu. 40Tsinyinga tsinyinji ndanyakhananga om'basu nikusamba nohomba obusindu nibundia mubutukhu. Sindaali onyala okhukona tsindoolo tawe. 41Akene yako kekhola khulwemihika amakhumi kabili echiandamenya n'nawe. Emihika likhumi nende chine ndatiiya khulwokhunyoola abakhaanabo ne emihika chisasaba khulwebiayo bibio. Nebutswa ibe wasukhania omurungo kwanje hali likhumi. 42Kalaba Nyasaye wabapapa banje Aburahamu nende Isaka siyali n'nase tawe, khane waikhunga khale amakhono makhaya. Nebutswa Nyasaye yaluutsi omunyakhano kwanje nende emilimo chiandakhola, ma obutukhu bubir're alombele obukhalachibwe.”
Okhuhuchilisania khwa Yakobo nende Labani
43Labani yakalusia Yakobo naboola mbu, “Abakhaana yaba nabaana banje, abaana babwe nabanje, ne ebiayo yibi nebianje. Kata ebindu biosi ebiolola hano nebianje. Nebutswa sichila libulaho eliandakhakhola khulwa okhukalusia abakhaana banje nende abaana babwe, 44ndi omwerechekhu okhuhuchilisania n'nawe. Chenda khubunjikhe esifuumi siamachina okhukhwiitsusia okhuhuchilisania khwefwe.”
45Ma Yakobo nabukula lichina nalisinjisia singa esitsusio. 46Nabool'la abandube batoole amachina ma bakabunjikhe esifuumi. Ma nibaliila ebiakhulia ahembi nende amachina yako. 47Labani nakulikha habwene yaho Yegari Sahadutsa ne Yakobo naye nakulikha Galeedi. 48Labani nabool'la Yakobo mbu, “Esifuumi siamachina yisi nasibetsenje esiitsusio khu ifwe fwesi.” Niko akachilanga habundu tsana nihalangwa Galeedi. 49Labani khandi naboola mbu, “OMWAMI are tsimonitsie khu ifwe olwa khulekhananga.” Ma habundu yaho nihalangwa khandi Misipa. 50Labani natsilil'la okhuboola mbu, “Niwakhasandia abakhaana banje nohomba niwakhateesia abakhasi bandi, kata ise mbule okhumanya, witsul'le mbu Nyasaye akhulolanga fwesi. 51Yaka namachina akanguul'le hakari wefwe, ne lino nilio lichina liesiitsusio. 52Esifuumi yisi nende lichina yili nebitsusio. Sindakhabirekhwo esifuumi yisi okhwitsa okhukhuseera tawe, ne nawe orakhabirakhwo esiitsusio sino okhuuseera tawe. 53Nyasaye wa Aburahamu nende Nyasaye wa Nahori abe omukhalachi hakari wefwe.” Ma muliira lia Nyasaye wa papawe Isaka yasaayanga, Yakobo yesuha, okhulinda obuhuchilisanie bwabwe. 54Niyer'raho omuruko kwomusango ma nakuhaana okhuba omusango khu Nyasaye, ne nalanga abandube bosi nibalia ebiakhulia. Olwabali nibamal'le okhulia, bakona obutukhu yibwo khusikulu. 55M'mabwebwe omukamba okwalondakhwo, Labani natsunzuuna abetsukhulube nende abakhaanabe nabaseebula, ma narula okhukalukha ingo.
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©Bible Society of Kenya, 2019