1 Corinthiens 4
4
Kriisitoo kpambaliŋ
1Míǹ puee ní nīn nyí yii ti sá Kriisitoo tɔntɔnliibi bin bin ní Unimbɔti dū u-bɔbalkaati ki ŋá ti-ŋaan tí sòoǹee ní. 2Bi yaa dū ditundi ki ŋá a-ŋaanee, tin bi kíǹ ki kpèé a-ceeyee di sá á tɔ̄ ditundee bí béé a-baamɔŋyi. 3Mamee, nimbi di yaa bíi sòoǹ m-bɔtaaa, an yaa tí sá bibɔsoonliibaaa, tíǹ kaa ká-mi. Man m-ba kaa tí bíi sòoǹ m-ba bɔti. 4Ibaamɔn, m-pɔbil poonee maa gbìl̄ yii m ŋá tiba, ama míǹ di kaa dàkà yii maa ŋá tiba. Ti-Dindaan di sá un sòoǹ man bɔtee. 5An puee ní taa sòoǹ ubɔ bɔti kí nīn cí ŋyunti ń bàń. Ní taa sòoǹ ubɔ bɔti kí nīn cí ŋyunti ŋun ti-Dindaan làá bàńee. U yaa láa bāańee, u làá yàntī ŋwalifi ń ŋmíntí tin bál̀ dibɔmbɔndinee kí nyāntí binib landɔkɔi mpaampiin pu. Niin ní báà ŋma dāa fòol̄ kupampakau kun u máaǹee Unimbɔti cee.
6Nnabiyaamu, m dū man nì Apooloosi bɔti tin m sòon̄ee ki dàkā kí cántí-ni tibɔti ní. Ní bīfì man nì Apooloosi cee min ni máaǹ kí nīn bée kí taa lákatí tin bi ŋmàn̄ Unimbɔti gbɔŋku poonee pu. Ní taa ŋá dilambil kí lēē ti-kansikin ubɔ, kí bí yii úǹ di sá tiba kí kpèè un kíǹee fám. 7Ŋma di yōoǹ-si yilpu ní a jítiǹ a-juti ní? Tin a cááyee Unimbɔti di kaa tīī-saaa? Kin Unimbɔti di yaa tīī-si ní, ba pu ní a cáá dilambil kii ubɔ di kaa tīī-see?
8Ni pūtì kpáàa ká tin kɔkɔ ni lèe! Ki pūtì kpáàa kpántì bigaajab ki kpántì bibɔtiibi timbi boon! Ni yaa bàà lafun kpántì bibɔtiibi ti mun ń bàà dāá kūtì ni-pu, an bàà ŋān̄! 9An bí-mi kii Unimbɔti gíiǹ timbi akpambal boon binib kansikinee ní. Ti bí kii binib bin bi làá kpɔ̀ kunipaau nimbiinee, kun puee ti kpántì tinimbikɔntiwan ní duulinya nì ituun nì binib kpèé. 10Kriisitoo puee, timbi kpántì biwaatiibi ní, ní nimbi nín fōō-u ki kíí puee, ni kpántì biciŋfitiibi. Míǹ ní timbi sá ŋwɔsɔfimu ní nimbi sá bipɔɔbi. Binib kpèé timbi fám ní ki tìì nimbi jilma. 11Áli ki dāa sāā ŋyunti ŋun poon ti bí nee ti gbíntì ki bí ki jīǹ ŋkùm nì nnyinnyoo falaau. Taa cáá tiwampeeŋkaal, ní bi gbáà-ti ní ti tú ki yìiǹ ajan kɔkɔ pu. 12Míǹ boonee ti tūǹ atuun ki gì kí ŋmā kí ká tiba kí jī#4.12 Kpèè Atuun 18.3, 20.34.. Bi yaa sìí-tee, timbi mèé Unimbɔti ń bìin̄ bi-pu. Míǹ ní bi yaa sàantí-tee ní timbi jīǹ bi-pu kimɔtii. 13Bi kúŋfí ti-boon ní timbi sòoǹ-bi tin mɔ̄ee, áli nìn díǹee, bi kpèé-ti kii duulinya tampummootee ní, a lì kii tiwaŋkpitil tin kaa bí tibanee.
14Maa ŋmàn̄ tibɔti nee kí kɔ́ǹ-ni icoo, ama kí kpāafì-ni kii ni nín sá m-biyaamu m néeń-ni puee ní. 15Báà binib kutukub saalaa di yaa làá kpòotī-ni nnimbɔtisan poon, ni-baa làá nīn pée sá ubambaanti ní. Ní nīn nyí yii man di sá ni-baa, kun puee man di cáań Tibɔmɔntiil ki sòon̄ nì ni, ní ni fōō ki kíí. 16An puee, m bàlifī-ni yii ní fōō man bimbim kí nīn ŋáań man nín ŋáań puee. 17An pu ní m dū m-jipɔɔn Tiimootee#4.17 Tiimootee : kpèè Atuun 16.1. un sá m-bineeŋkaaki ki yú deedee ti-Dindaan saŋŋunee ki túnní ni-cee. U làá téetí-ni man nín dī Kriisitoo saŋŋu miŋyee, kii m nín dàkà Kriisitoo nikitiŋ kɔkɔ kansikin puee.
18Ni-kansikin biba nín dākafì yii maa ti làá gítiń ni-ceeyee puee, bi bí ki yòontí bi-ba yilpu. 19Ama ti-Dindaan yaa là, an kaa làá ti yúntí, m làá dāan̄ ni-cee. M yaa láa bāańee, an kaa dāa sá bilambidambi gbanti nyɔɔbuŋŋi ní m làá pīlifì, ama tin bi ŋūǹ kí ŋée ní m làá kpèè. 20Di sá yii Unimbɔti Beel kaa sá nì anyɔɔbun ŋmaniŋma, an sá Circir Fam nín tìì unil mpɔn ú ŋá kuŋkuŋyee. 21Ni là ḿ dāan̄ ni-cee nì mbambaanaaa, ḿ dāan̄ nì dineendi nì nsɔŋfi ní?
Àwon tá yàn lọ́wọ́lọ́wọ́ báyìí:
1 Corinthiens 4: BASSARDC
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
BIBLE EN N'TCHAM (Bassar) © Alliance Biblique du Togo, 2013.
1 Corinthiens 4
4
Kriisitoo kpambaliŋ
1Míǹ puee ní nīn nyí yii ti sá Kriisitoo tɔntɔnliibi bin bin ní Unimbɔti dū u-bɔbalkaati ki ŋá ti-ŋaan tí sòoǹee ní. 2Bi yaa dū ditundi ki ŋá a-ŋaanee, tin bi kíǹ ki kpèé a-ceeyee di sá á tɔ̄ ditundee bí béé a-baamɔŋyi. 3Mamee, nimbi di yaa bíi sòoǹ m-bɔtaaa, an yaa tí sá bibɔsoonliibaaa, tíǹ kaa ká-mi. Man m-ba kaa tí bíi sòoǹ m-ba bɔti. 4Ibaamɔn, m-pɔbil poonee maa gbìl̄ yii m ŋá tiba, ama míǹ di kaa dàkà yii maa ŋá tiba. Ti-Dindaan di sá un sòoǹ man bɔtee. 5An puee ní taa sòoǹ ubɔ bɔti kí nīn cí ŋyunti ń bàń. Ní taa sòoǹ ubɔ bɔti kí nīn cí ŋyunti ŋun ti-Dindaan làá bàńee. U yaa láa bāańee, u làá yàntī ŋwalifi ń ŋmíntí tin bál̀ dibɔmbɔndinee kí nyāntí binib landɔkɔi mpaampiin pu. Niin ní báà ŋma dāa fòol̄ kupampakau kun u máaǹee Unimbɔti cee.
6Nnabiyaamu, m dū man nì Apooloosi bɔti tin m sòon̄ee ki dàkā kí cántí-ni tibɔti ní. Ní bīfì man nì Apooloosi cee min ni máaǹ kí nīn bée kí taa lákatí tin bi ŋmàn̄ Unimbɔti gbɔŋku poonee pu. Ní taa ŋá dilambil kí lēē ti-kansikin ubɔ, kí bí yii úǹ di sá tiba kí kpèè un kíǹee fám. 7Ŋma di yōoǹ-si yilpu ní a jítiǹ a-juti ní? Tin a cááyee Unimbɔti di kaa tīī-saaa? Kin Unimbɔti di yaa tīī-si ní, ba pu ní a cáá dilambil kii ubɔ di kaa tīī-see?
8Ni pūtì kpáàa ká tin kɔkɔ ni lèe! Ki pūtì kpáàa kpántì bigaajab ki kpántì bibɔtiibi timbi boon! Ni yaa bàà lafun kpántì bibɔtiibi ti mun ń bàà dāá kūtì ni-pu, an bàà ŋān̄! 9An bí-mi kii Unimbɔti gíiǹ timbi akpambal boon binib kansikinee ní. Ti bí kii binib bin bi làá kpɔ̀ kunipaau nimbiinee, kun puee ti kpántì tinimbikɔntiwan ní duulinya nì ituun nì binib kpèé. 10Kriisitoo puee, timbi kpántì biwaatiibi ní, ní nimbi nín fōō-u ki kíí puee, ni kpántì biciŋfitiibi. Míǹ ní timbi sá ŋwɔsɔfimu ní nimbi sá bipɔɔbi. Binib kpèé timbi fám ní ki tìì nimbi jilma. 11Áli ki dāa sāā ŋyunti ŋun poon ti bí nee ti gbíntì ki bí ki jīǹ ŋkùm nì nnyinnyoo falaau. Taa cáá tiwampeeŋkaal, ní bi gbáà-ti ní ti tú ki yìiǹ ajan kɔkɔ pu. 12Míǹ boonee ti tūǹ atuun ki gì kí ŋmā kí ká tiba kí jī#4.12 Kpèè Atuun 18.3, 20.34.. Bi yaa sìí-tee, timbi mèé Unimbɔti ń bìin̄ bi-pu. Míǹ ní bi yaa sàantí-tee ní timbi jīǹ bi-pu kimɔtii. 13Bi kúŋfí ti-boon ní timbi sòoǹ-bi tin mɔ̄ee, áli nìn díǹee, bi kpèé-ti kii duulinya tampummootee ní, a lì kii tiwaŋkpitil tin kaa bí tibanee.
14Maa ŋmàn̄ tibɔti nee kí kɔ́ǹ-ni icoo, ama kí kpāafì-ni kii ni nín sá m-biyaamu m néeń-ni puee ní. 15Báà binib kutukub saalaa di yaa làá kpòotī-ni nnimbɔtisan poon, ni-baa làá nīn pée sá ubambaanti ní. Ní nīn nyí yii man di sá ni-baa, kun puee man di cáań Tibɔmɔntiil ki sòon̄ nì ni, ní ni fōō ki kíí. 16An puee, m bàlifī-ni yii ní fōō man bimbim kí nīn ŋáań man nín ŋáań puee. 17An pu ní m dū m-jipɔɔn Tiimootee#4.17 Tiimootee : kpèè Atuun 16.1. un sá m-bineeŋkaaki ki yú deedee ti-Dindaan saŋŋunee ki túnní ni-cee. U làá téetí-ni man nín dī Kriisitoo saŋŋu miŋyee, kii m nín dàkà Kriisitoo nikitiŋ kɔkɔ kansikin puee.
18Ni-kansikin biba nín dākafì yii maa ti làá gítiń ni-ceeyee puee, bi bí ki yòontí bi-ba yilpu. 19Ama ti-Dindaan yaa là, an kaa làá ti yúntí, m làá dāan̄ ni-cee. M yaa láa bāańee, an kaa dāa sá bilambidambi gbanti nyɔɔbuŋŋi ní m làá pīlifì, ama tin bi ŋūǹ kí ŋée ní m làá kpèè. 20Di sá yii Unimbɔti Beel kaa sá nì anyɔɔbun ŋmaniŋma, an sá Circir Fam nín tìì unil mpɔn ú ŋá kuŋkuŋyee. 21Ni là ḿ dāan̄ ni-cee nì mbambaanaaa, ḿ dāan̄ nì dineendi nì nsɔŋfi ní?
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
BIBLE EN N'TCHAM (Bassar) © Alliance Biblique du Togo, 2013.