1 Corinthiens 5
5
Tijɔkɔndi kɔ́ Kriisitoo nikitil kansikin
1M gbìl̄ bi sòoǹ tijɔkɔndi tin bí ni-kansikinee pu. An jɔkɔntee, bin kaa fōō Yeesu ki kííyee kaa kíikí kí ŋá míǹ gba. M gbìl̄ yii ni-kansikin ubɔ cáá u-baa nimpuaa! 2Ni ŋáań míǹ ní ki gíti cáá dilambil kaa bí kunimbaaun kí nyāntí un ŋá an tundee ni-kansikin. 3Maa bí ni-cee ni wāĺ-mi, ama m-landɔkɔŋu bí ni-cee. M pūtì kpáàa kūū un ŋá an tuŋkpitilee bɔti a lì kii m bí ni-kansikinee. 4Ní kpāfìmaan nì ti-Dindaan Yeesu yindi pu, m-landɔkɔŋu làá dāá nīn bí ni-kansikin. Nì ti-Dindaan Yeesu pɔŋŋu puee, 5ní dāá dū an niliuee kí tīī Sitaan#5.5 Ní dāá dū an niliuee kí tīī Sitaan: An dàkà yii bí nyāntí-u Kriisitoo nikitil kansikin.. U làá sàaǹ u-wunti ní u-naŋki ń dāá ŋmátí ti-Dindaan gítintam.
6Kun pu ní ni dàkafī ki cáá dilambilee kaa ŋān̄. Naa nyí yii ŋkpɔnɔnyɔkɔ fiiiyee ní bi dù kí ŋá bukpɔnɔsaa ní án jɔ̄m̀aaa#5.6 Dūú ŋmàntī nì Gala 5.9.? 7Nyāntímaan nnyɔɔkpiki gbanti ŋun sá ikpitee kí nīn sá circirdambi kii bukpɔnɔsaa bun kaa cáá nnyɔkɔee. Ni kpántì míǹ ki dóò, kun puee Kriisitoo un sá-ti Dilákatil jiŋaaliu pibilee dū u-ba ki ŋá saraa ipii yil pu ki tīī timbi. 8An puee, tí jīmaan ti-jiŋaaliu gbanti nì kpɔnɔb bin poon baa ŋá ŋkpɔnɔnyɔkɔ ŋun sá kii ikpiti nì tijɔkɔndee, ama án nīn sá kii kpɔnɔb bin kaa cáá nnyɔkɔee, ki sá circir nì ibaamɔnee#5.8 B. 7: dūú ŋmàntī nì Disa 12.3,5,21. - B. 8: dūú ŋmàntī nì Disa 13.7..
9M nìn ŋmàn̄-ni kugbɔŋu ki tùkū-ni yii ní taa yàntī ni nì bin tūǹ ajɔkɔntuunee ń nīn kpáfí. 10Maa nìn lì bin bí duulinyan ki tūǹ ajɔkɔntuunee nì nnimbitaataam dambi nì binaayub nì biwaatootiliibi. An yaa bàà sá bíǹ pu ní m lèe, m bàà lì yii ní nyā duulinya poon ní. 11M nín baasii là kí lì min kugbɔŋu gbanti poonee di sá: unil un lì yii u sá Kriisitoo yɔu, ama ní ki tūǹ ajɔkɔntuun àá ki cáá nnimbitaataam àá ki sá uwaatootil àá ki sìí binib àá ki sá udanyɔgbil àá unaayuuyee ní m lì. Ni nì an niliuee ń taa kpāfì kí jī tijin.
12Man di kaa làá sòoǹ bin kaa nóó Yeesuee bɔti. Bin sá Kriisitoo yabee bɔti ní an sá ní sòoǹ. 13Unimbɔti di làá sòoǹ bin kaa sá Kriisitoo yabee bɔti. Nyāntímaan unikpiti ni-kansikin#5.12-13 Ditee 17.7..
Àwon tá yàn lọ́wọ́lọ́wọ́ báyìí:
1 Corinthiens 5: BASSARDC
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
BIBLE EN N'TCHAM (Bassar) © Alliance Biblique du Togo, 2013.
1 Corinthiens 5
5
Tijɔkɔndi kɔ́ Kriisitoo nikitil kansikin
1M gbìl̄ bi sòoǹ tijɔkɔndi tin bí ni-kansikinee pu. An jɔkɔntee, bin kaa fōō Yeesu ki kííyee kaa kíikí kí ŋá míǹ gba. M gbìl̄ yii ni-kansikin ubɔ cáá u-baa nimpuaa! 2Ni ŋáań míǹ ní ki gíti cáá dilambil kaa bí kunimbaaun kí nyāntí un ŋá an tundee ni-kansikin. 3Maa bí ni-cee ni wāĺ-mi, ama m-landɔkɔŋu bí ni-cee. M pūtì kpáàa kūū un ŋá an tuŋkpitilee bɔti a lì kii m bí ni-kansikinee. 4Ní kpāfìmaan nì ti-Dindaan Yeesu yindi pu, m-landɔkɔŋu làá dāá nīn bí ni-kansikin. Nì ti-Dindaan Yeesu pɔŋŋu puee, 5ní dāá dū an niliuee kí tīī Sitaan#5.5 Ní dāá dū an niliuee kí tīī Sitaan: An dàkà yii bí nyāntí-u Kriisitoo nikitil kansikin.. U làá sàaǹ u-wunti ní u-naŋki ń dāá ŋmátí ti-Dindaan gítintam.
6Kun pu ní ni dàkafī ki cáá dilambilee kaa ŋān̄. Naa nyí yii ŋkpɔnɔnyɔkɔ fiiiyee ní bi dù kí ŋá bukpɔnɔsaa ní án jɔ̄m̀aaa#5.6 Dūú ŋmàntī nì Gala 5.9.? 7Nyāntímaan nnyɔɔkpiki gbanti ŋun sá ikpitee kí nīn sá circirdambi kii bukpɔnɔsaa bun kaa cáá nnyɔkɔee. Ni kpántì míǹ ki dóò, kun puee Kriisitoo un sá-ti Dilákatil jiŋaaliu pibilee dū u-ba ki ŋá saraa ipii yil pu ki tīī timbi. 8An puee, tí jīmaan ti-jiŋaaliu gbanti nì kpɔnɔb bin poon baa ŋá ŋkpɔnɔnyɔkɔ ŋun sá kii ikpiti nì tijɔkɔndee, ama án nīn sá kii kpɔnɔb bin kaa cáá nnyɔkɔee, ki sá circir nì ibaamɔnee#5.8 B. 7: dūú ŋmàntī nì Disa 12.3,5,21. - B. 8: dūú ŋmàntī nì Disa 13.7..
9M nìn ŋmàn̄-ni kugbɔŋu ki tùkū-ni yii ní taa yàntī ni nì bin tūǹ ajɔkɔntuunee ń nīn kpáfí. 10Maa nìn lì bin bí duulinyan ki tūǹ ajɔkɔntuunee nì nnimbitaataam dambi nì binaayub nì biwaatootiliibi. An yaa bàà sá bíǹ pu ní m lèe, m bàà lì yii ní nyā duulinya poon ní. 11M nín baasii là kí lì min kugbɔŋu gbanti poonee di sá: unil un lì yii u sá Kriisitoo yɔu, ama ní ki tūǹ ajɔkɔntuun àá ki cáá nnimbitaataam àá ki sá uwaatootil àá ki sìí binib àá ki sá udanyɔgbil àá unaayuuyee ní m lì. Ni nì an niliuee ń taa kpāfì kí jī tijin.
12Man di kaa làá sòoǹ bin kaa nóó Yeesuee bɔti. Bin sá Kriisitoo yabee bɔti ní an sá ní sòoǹ. 13Unimbɔti di làá sòoǹ bin kaa sá Kriisitoo yabee bɔti. Nyāntímaan unikpiti ni-kansikin#5.12-13 Ditee 17.7..
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
BIBLE EN N'TCHAM (Bassar) © Alliance Biblique du Togo, 2013.