1 Corinthiens 3
3
Unimbɔti tɔntɔnliu tundi
1Nnabiyaamu, m nín dɔ́miń ni-ceeyee, maa ŋúń ki sòon̄ nì ni kii m nín sòoǹ bin cáá Unimbɔti Famee puee, ama m sòon̄ nì ni kii binib bin dī duulinyee ní, kii bin sá mbiyaapɔmu Kriisitoo saŋŋu poonee. 2An puee m tīī-ni nnaabiim, an kaa sá tijin tin pɔ̄ɔ̄ naa ŋūǹee#3.2 Dūú ŋmàntī nì Eebru 5.12-13.. Áli gba ki dāa sāā nìn díǹee, naa ŋūǹ tin pɔ̄ɔ̄yee, 3kun puee ni dáá bí kii duulinya nib nín bí puee ní. Di sá ŋyunti ŋun ní ipoompoon nì kunikpɔŋkpɔkɔu dáá bí ni-kansikinee, an dàkà yii ni sá duulinya yab dee ki ŋáań nniyaamin. 4Ni-kansikin biba lì yii bíǹ sá Pɔɔl yab ní, ní biba mun lì yii bíǹ sá Apooloosi yab. Ni yaa bíi ŋáań mimmee, naa bíi ŋáań nniyaamin deeee?
5Ŋma di sá Apooloosi? Ní ŋma di sá Pɔɔl ní? Ti sá Unimbɔti tɔntɔnliibi bin pu ni dī ki fōō Unimbɔti ki kííyee ní. Unimbɔti di yākatì min sá tí ŋée ki tīī-ti. 6Man búĺ ní Apooloosi yāaǹ nnyim, ní Unimbɔti yāntì an nyáń ki wíiǹ. 7An puee, an kaa sá un búĺee di sá tiba, kaa tí sá un yāaǹ nnyimee di tí sá tiba, ama Unimbɔti un yāntì an nyáń ki wíiǹee baba di sá tiba. 8Un búĺee nì un yāaǹ nnyimee ŋmà ní. Unimbɔti dāa pà-bi bi-tundi din bi túńee nín máaǹ puee ní. 9Kun puee ti nì Unimbɔti di pēē ki tūǹ ditundi.
Nimbi di sá u-saaku, ní ki sá u-diiku. 10Diyimɔɔl din Unimbɔti pú-mi ḿ nīn sá udimakpaan un cáá iciinee puee, m bíl̀ kudiiyee nyeel ní ubɔ ń dāá mā kí tɔ́kɔń, ama báà ŋma ń béé u nín māā ki tɔ̄kɔntí puee. 11Bi cóoǹ kudii ki bíl̀, kúǹ di sá Yeesu Kriisitoo. Báà ubɔ kaa ti ŋūǹ kí cóoń kupɔŋu. 12Biba làá dū sindaariya ní kí mā kí tɔ́kɔń, ní biba ń dū animbil kúti kí mā, ní biba ń dū ataŋkpanyaan kí mā. Ama biba mun làá dū idɔ, biba ń dū ikpaŋkpaan, biba ń dū timool kí mā kí tɔ́kɔń. 13Un yaa dū kun ní ki máń ki tɔ́kɔǹ kudiiyee puee, daliŋkin Unimbɔti làá dāá sòoǹ binib bɔtee, yaadal ní báà ŋma tuuŋŋi dāa nyēē mpaampiin pu. Di sá bi làá dāá dū báà ŋma tuuŋŋi ní kí ŋá ŋŋmin. Ŋŋmi ní bi làá dāá dūú cɔ̄ŋkì báà ŋma tundi kí béé di nín sá diŋyee. 14Sii un di yaa dū kun ní ki máń ki tɔ́kɔǹ kudiiyee pu ní ŋŋmi kaa wùn̄ee làá dāá fōō a-paati. 15Ama un cee ní ŋŋmi yaa wùn̄ee, asaluu gbáń udaan dee. U làá dāá ká difiil, ama an dāa sá kii unil diiku nín fòol̄ pu ú sāǹ kí nyā kaa báb́ tiba puee ní.
16Naa nyí yii ni sá Unimbɔti diiku ní u-Fam kóò ni-naaa? 17An puee, unil yaa kɔ́ǹ Unimbɔti diiku tijɔkɔndee, see Unimbɔti ń dāá dáaĺ udaan tafal, kun puee Unimbɔti diiku bí circir ní, ní nimbi di sá kudii gbanti.
18Ubɔ ń taa kīil̀ u-ba. Un yaa bí ni-kansikin ki dàkafī yii u cáá duulinya ciiŋyee, ú kpántí ugbaan kí ŋmā kí ká iciin in nyēeń Unimbɔti ceeyee. 19Kun puee duulinya ciiŋyi sá Unimbɔti cee digbaandi ní. Míǹ ní an ŋmàn̄ Unimbɔti gbɔŋkun yii: «Unimbɔti gīintí biciŋfitiibi ciiŋyi ní ki fàtīi cáa cútí-bi.» 20An gíti tí lī yii: «Ti-Dindaan nyí biciŋfitiibi landɔkɔi, ki nyí i nín sá fámee#3.20 B. 19: Yoob 5.13. - B. 20: Ilan 94.11..» 21An puee, an kaa sá ubɔ pu ní ni làá nīn gà ni-biŋŋi, kun puee nimbi di yì tikɔkɔ: 22an yaa sá Pɔɔlaaa, Apooloosaaa, Peetrooyaaa, an yaa tí sá duulinyaaa, dimaŋfalaaa, ŋkúmaaa, an yaa tí sá tiwan tin bí kɔŋkɔnneeyaaa, tin bí ki dòońeeyaaa, nimbi di yì tikɔkɔ, 23ní Kriisitoo yì nimbi, ní Unimbɔti yì Kriisitoo.
Àwon tá yàn lọ́wọ́lọ́wọ́ báyìí:
1 Corinthiens 3: BASSARDC
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
BIBLE EN N'TCHAM (Bassar) © Alliance Biblique du Togo, 2013.
1 Corinthiens 3
3
Unimbɔti tɔntɔnliu tundi
1Nnabiyaamu, m nín dɔ́miń ni-ceeyee, maa ŋúń ki sòon̄ nì ni kii m nín sòoǹ bin cáá Unimbɔti Famee puee, ama m sòon̄ nì ni kii binib bin dī duulinyee ní, kii bin sá mbiyaapɔmu Kriisitoo saŋŋu poonee. 2An puee m tīī-ni nnaabiim, an kaa sá tijin tin pɔ̄ɔ̄ naa ŋūǹee#3.2 Dūú ŋmàntī nì Eebru 5.12-13.. Áli gba ki dāa sāā nìn díǹee, naa ŋūǹ tin pɔ̄ɔ̄yee, 3kun puee ni dáá bí kii duulinya nib nín bí puee ní. Di sá ŋyunti ŋun ní ipoompoon nì kunikpɔŋkpɔkɔu dáá bí ni-kansikinee, an dàkà yii ni sá duulinya yab dee ki ŋáań nniyaamin. 4Ni-kansikin biba lì yii bíǹ sá Pɔɔl yab ní, ní biba mun lì yii bíǹ sá Apooloosi yab. Ni yaa bíi ŋáań mimmee, naa bíi ŋáań nniyaamin deeee?
5Ŋma di sá Apooloosi? Ní ŋma di sá Pɔɔl ní? Ti sá Unimbɔti tɔntɔnliibi bin pu ni dī ki fōō Unimbɔti ki kííyee ní. Unimbɔti di yākatì min sá tí ŋée ki tīī-ti. 6Man búĺ ní Apooloosi yāaǹ nnyim, ní Unimbɔti yāntì an nyáń ki wíiǹ. 7An puee, an kaa sá un búĺee di sá tiba, kaa tí sá un yāaǹ nnyimee di tí sá tiba, ama Unimbɔti un yāntì an nyáń ki wíiǹee baba di sá tiba. 8Un búĺee nì un yāaǹ nnyimee ŋmà ní. Unimbɔti dāa pà-bi bi-tundi din bi túńee nín máaǹ puee ní. 9Kun puee ti nì Unimbɔti di pēē ki tūǹ ditundi.
Nimbi di sá u-saaku, ní ki sá u-diiku. 10Diyimɔɔl din Unimbɔti pú-mi ḿ nīn sá udimakpaan un cáá iciinee puee, m bíl̀ kudiiyee nyeel ní ubɔ ń dāá mā kí tɔ́kɔń, ama báà ŋma ń béé u nín māā ki tɔ̄kɔntí puee. 11Bi cóoǹ kudii ki bíl̀, kúǹ di sá Yeesu Kriisitoo. Báà ubɔ kaa ti ŋūǹ kí cóoń kupɔŋu. 12Biba làá dū sindaariya ní kí mā kí tɔ́kɔń, ní biba ń dū animbil kúti kí mā, ní biba ń dū ataŋkpanyaan kí mā. Ama biba mun làá dū idɔ, biba ń dū ikpaŋkpaan, biba ń dū timool kí mā kí tɔ́kɔń. 13Un yaa dū kun ní ki máń ki tɔ́kɔǹ kudiiyee puee, daliŋkin Unimbɔti làá dāá sòoǹ binib bɔtee, yaadal ní báà ŋma tuuŋŋi dāa nyēē mpaampiin pu. Di sá bi làá dāá dū báà ŋma tuuŋŋi ní kí ŋá ŋŋmin. Ŋŋmi ní bi làá dāá dūú cɔ̄ŋkì báà ŋma tundi kí béé di nín sá diŋyee. 14Sii un di yaa dū kun ní ki máń ki tɔ́kɔǹ kudiiyee pu ní ŋŋmi kaa wùn̄ee làá dāá fōō a-paati. 15Ama un cee ní ŋŋmi yaa wùn̄ee, asaluu gbáń udaan dee. U làá dāá ká difiil, ama an dāa sá kii unil diiku nín fòol̄ pu ú sāǹ kí nyā kaa báb́ tiba puee ní.
16Naa nyí yii ni sá Unimbɔti diiku ní u-Fam kóò ni-naaa? 17An puee, unil yaa kɔ́ǹ Unimbɔti diiku tijɔkɔndee, see Unimbɔti ń dāá dáaĺ udaan tafal, kun puee Unimbɔti diiku bí circir ní, ní nimbi di sá kudii gbanti.
18Ubɔ ń taa kīil̀ u-ba. Un yaa bí ni-kansikin ki dàkafī yii u cáá duulinya ciiŋyee, ú kpántí ugbaan kí ŋmā kí ká iciin in nyēeń Unimbɔti ceeyee. 19Kun puee duulinya ciiŋyi sá Unimbɔti cee digbaandi ní. Míǹ ní an ŋmàn̄ Unimbɔti gbɔŋkun yii: «Unimbɔti gīintí biciŋfitiibi ciiŋyi ní ki fàtīi cáa cútí-bi.» 20An gíti tí lī yii: «Ti-Dindaan nyí biciŋfitiibi landɔkɔi, ki nyí i nín sá fámee#3.20 B. 19: Yoob 5.13. - B. 20: Ilan 94.11..» 21An puee, an kaa sá ubɔ pu ní ni làá nīn gà ni-biŋŋi, kun puee nimbi di yì tikɔkɔ: 22an yaa sá Pɔɔlaaa, Apooloosaaa, Peetrooyaaa, an yaa tí sá duulinyaaa, dimaŋfalaaa, ŋkúmaaa, an yaa tí sá tiwan tin bí kɔŋkɔnneeyaaa, tin bí ki dòońeeyaaa, nimbi di yì tikɔkɔ, 23ní Kriisitoo yì nimbi, ní Unimbɔti yì Kriisitoo.
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
BIBLE EN N'TCHAM (Bassar) © Alliance Biblique du Togo, 2013.