Yela 143
143
Chae wesoŋa
Kooro Devid yel
1N Naa Korowii, no n wesoŋa,
che toɡra haa toɡra ta,
dɛ́ na n sum.
Chaŋ mɛ he kasinteŋ
haa dɔa la ne.
2Bɛ men maa ɛ
he bonɔɔ daah na,
nomɛlbwa toole o waa
toɡre he sie.#Rom 3:23
3N dɔma ti mɛ,
dɛ lɔ mɛ bil harɛ,
dɛ ɡel n do biro ta,
kɛŋɔ nɛra baa serewa
kaa biɡri ken.
4Anomanta, n hwɛɡa bwa
tonɔ tonɛ,
n bambile bwa chɔɡɔ.
5N lii tɔpera aa baa kaa la,
dɛ lii toma haa ɛa bwa naa,
n dɛ na we-ɛɛla
haa ɛa bwa.
6N ɡɔɔ nɔɔra dɛ wi dɛɛ noe,
n bambile lawɛ kɛŋɔ
harɛ hole aa hiah nee ken.
7N Naa Korowii,
chaŋ mɛ warane,
dɛkalkɛ n hwɛɡa bwa tonɔ.
Bɛ sie laa kpɔ n nɛ,
ɡɛ laa aa, mɛɛ doo
kɛŋɔ nɛra baa serewa
kaa lalabwɛɛ ken.
8Dɛɛ lii mɛ he nyina
aa wola jaɡa dɔe la chɔɔ
bɛlbwa, dɛkalkɛ
he nɛɛ n kpɔ n te dawɛ.
Henee n wi dɛɛ no,
baɡ mɛ ŋwɛnɛ maa kpɔ o ta.
9N Naa Korowii,
lɛɛ mɛ le n dɔma nɔn ta,
dɛkalkɛ he bee
n chwa baa sɔh.
10Henee Korowii maa dɛ tomɛ.
Baɡ mɛ mɛɛ ɛ waa
haa dɛ nyin.
Nyiŋi n nɛɛ kɛrɛdɛ,
dɛ́ ɡel mɛɛ kpɔ
ŋwɛnɛdɛɛɡe ta.
11N Naa Korowii,
lɛɛ mɛ ɡɛ haa baɡ mɛ nyoa
la,
che he toɡra haa toɡra ta,
dɛ́ lɛɛ mɛ le n wenaale ta.
12Koh nyina haa dɛ nyin mɛ la
wa,
dɛ́ kpoo n dɔma,
dɛ́ chɔɡ nɛra baa dɛ fiɡ mɛ
bwa, dɛkalkɛ n ɛ he bonɔɔ.
Àwon tá yàn lọ́wọ́lọ́wọ́ báyìí:
Yela 143: mzw
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Yela 143
143
Chae wesoŋa
Kooro Devid yel
1N Naa Korowii, no n wesoŋa,
che toɡra haa toɡra ta,
dɛ́ na n sum.
Chaŋ mɛ he kasinteŋ
haa dɔa la ne.
2Bɛ men maa ɛ
he bonɔɔ daah na,
nomɛlbwa toole o waa
toɡre he sie.#Rom 3:23
3N dɔma ti mɛ,
dɛ lɔ mɛ bil harɛ,
dɛ ɡel n do biro ta,
kɛŋɔ nɛra baa serewa
kaa biɡri ken.
4Anomanta, n hwɛɡa bwa
tonɔ tonɛ,
n bambile bwa chɔɡɔ.
5N lii tɔpera aa baa kaa la,
dɛ lii toma haa ɛa bwa naa,
n dɛ na we-ɛɛla
haa ɛa bwa.
6N ɡɔɔ nɔɔra dɛ wi dɛɛ noe,
n bambile lawɛ kɛŋɔ
harɛ hole aa hiah nee ken.
7N Naa Korowii,
chaŋ mɛ warane,
dɛkalkɛ n hwɛɡa bwa tonɔ.
Bɛ sie laa kpɔ n nɛ,
ɡɛ laa aa, mɛɛ doo
kɛŋɔ nɛra baa serewa
kaa lalabwɛɛ ken.
8Dɛɛ lii mɛ he nyina
aa wola jaɡa dɔe la chɔɔ
bɛlbwa, dɛkalkɛ
he nɛɛ n kpɔ n te dawɛ.
Henee n wi dɛɛ no,
baɡ mɛ ŋwɛnɛ maa kpɔ o ta.
9N Naa Korowii,
lɛɛ mɛ le n dɔma nɔn ta,
dɛkalkɛ he bee
n chwa baa sɔh.
10Henee Korowii maa dɛ tomɛ.
Baɡ mɛ mɛɛ ɛ waa
haa dɛ nyin.
Nyiŋi n nɛɛ kɛrɛdɛ,
dɛ́ ɡel mɛɛ kpɔ
ŋwɛnɛdɛɛɡe ta.
11N Naa Korowii,
lɛɛ mɛ ɡɛ haa baɡ mɛ nyoa
la,
che he toɡra haa toɡra ta,
dɛ́ lɛɛ mɛ le n wenaale ta.
12Koh nyina haa dɛ nyin mɛ la
wa,
dɛ́ kpoo n dɔma,
dɛ́ chɔɡ nɛra baa dɛ fiɡ mɛ
bwa, dɛkalkɛ n ɛ he bonɔɔ.
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.