Levis Kevcai 22
22
Tej Khoom Fij Kws Dlawbhuv
1Tug TSWV has rua Mauxes 2kuas has rua Aloos hab nwg cov tub tas, “Mej yuavtsum ceev tej khoom fij dlawbhuv kws cov Yixalayees coj tuaj fij rua Kuv kuas zoo. Mej txhaj tsi ua rua Kuv lub npe kws dlawbhuv raug thuam; Kuv yog tug TSWV. 3Yog mej cov xeebntxwv leejtwg, thaus nwg lub cev tseem tsi tau huv, nwg cale moog ze rua ntawm tej khoom fij dlawbhuv kws cov Yixalayees coj tuaj fij rua Kuv, nwg yuav ua tsi tau tegnum fij khoom ntawm lub thaaj moog ntxiv le lawm. Mej yuavtsum coj le nuav ib tam rua ib tam moog le. Kuv yog tug TSWV.
4“Aloos caajceg yog muaj leejtwg mob ruas#22:4: mob ruas: Lug Henplais siv lulug nuav rua ntau yaam kaab mob kws yog mob phem-phem rua ntawm dlaim tawv nqaj, kuj yuav tsi yog kag mob ruas xwb. lossis mob ua kua paug, tes tsi xob pub nwg noj tej khoom fij dlawbhuv moog txug thaus nwg lub cev huv lawm. Tug povthawj hlub kws tsi huv, yog nwg moog kov ib tug tuabneeg tuag lub cev lossis ib tug kws muaj mob ua kua paug rua nwg qhov chaw xis, 5lossis nwg moog kov tej tsaj tsi huv lossis tej tuabneeg tsi huv. 6Tug povthawj hlub twg kws nwg lub cev tsi huv lawm, nwg yuav tsi huv moog txug thaus tsausntuj, hab nwg tsi xob noj tej khoom fij kws dlawbhuv moog txug thaus nwg dlaa dlej taag tsaiv. 7Tomqaab lub nub poobqho lawm, nwg txhajle huv, tes nwg maamle noj tau tej khoom fij dlawbhuv kws yog nwg tej zaub-mov. 8Nwg tsi xob noj tej tsaj kws cale tuag lossis tej kws raug tsaj qus tum tuag; cov nqaj ntawd yuav ua rua nwg tsi huv. Kuv yog tug TSWV.
9“Txhua tug povthawj hlub yuavtsum fwm tej kevcai kws Kuv tau muab rua puab lawm. Yog puab tsi fwm, puab yuav raug txim hab yuav tuag, ruaqhov puab tsi fwm tej kevcai kws tseemceeb. Kuv yog tug TSWV hab yog tug ua kuas puab dlawbhuv.
10“Tsuas yog tug povthawj hlub tsev tuabneeg nkaus xwb, txhaj noj tau tej khoom fij kws dlawbhuv; lwmtug noj tsi tau tej khoom ntawd, txawm yog tug tuabneeg kws nrug tug povthawj hlub nyob lossis tug tubzug kws raug ndlav ua num los yeej noj tsi tau le. 11Tabsis tug qhev kws tug povthawj hlub muab nyaj yuav lug lossis tug kws yug huv nwg tsev, txhaj noj tau tej khoom kws yog tug povthawj hlub tug. 12Tug povthawj hlub tug ntxhais kws moog yuav quasyawg lawm, yog nwg tug quasyawg tsi yog ib tug povthawj hlub, nwg yuavtsum tsi xob noj tej khoom fij kws dlawbhuv ntawd. 13Tabsis yog tug povthawj hlub tug ntxhais dlhau moog ua ib tug pujntsuag lossis ib tug pujnrauj kws tseem tsi tau muaj mivnyuas, es nwg rov lug nrug nwg txiv nyob huv nwg txiv tsev, nwg muaj cai noj tej khoom kws yog tug povthawj hlub tug.
14“Yog leejtwg tsi yog tug povthawj hlub tsev tuabneeg, tabsis cale yuamkev moog muab tau tej khoom fij dlawbhuv noj lawm, nwg yuavtsum them cov khoom ntawd puvntoob rovqaab hab ntxiv neegnkaum feem pua rua tug povthawj hlub. 15Cov povthawj hlub yuavtsum tsi xob saib tsi taug tej khoom dlawbhuv kws cov Yixalayees coj tuaj fij rua tug TSWV 16lug ntawm qhov kws ca cov tuabneeg tsi muaj cai lug noj tej khoom fij ntawd; qhov nuav yuav ua rua cov tuabneeg ntawd ua txhum hab raug txim. Kuv yog tug TSWV hab yog tug ua rua tej khoom fij ntawd dlawbhuv.”
17Tug TSWV has rua Mauxes 18kuas muab tej kevcai nuav qha rua Aloos, Aloos cov tub hab taagnrho cov tuabneeg Yixalayees has tas, “Thaus cov Yixalayees lossis cov tuabneeg txawv tebchaws kws nyob huv lub tebchaws Yixalayees, muab khoom tuaj hlawv fij, tsi has fij uatsaug rua kev coglug lossis fij ntawm lub sab dlawbpaug, tug tsaj ntawd yuavtsum yog tug kws tsi muaj ib qhov phem hlo le. 19Tug tsaj ntawd txawm yog nyuj, lossis tshis, lossis yaaj los tau, tabsis yuavtsum yog tug txiv hab tsi muaj ib qhov phem hlo le, mas tug TSWV txhaj kaam txais yuav. 20Yog mej muab tej tsaj phem tuaj fij, tug TSWV yuav tsi txais tug tsaj ntawd. #2Kev 17:1
21“Thaus mej leejtwg muab khoom fij ua kev sis raugzoo rua tug TSWV, txawm yog fij uatsaug rua kev coglug lossis fij ntawm lub sab dlawbpaug los xij, yuavtsum yog tug tsaj kws tsi muaj ib qhov phem le mas tug TSWV txhaj kaam txais yuav. 22Tsi xob muab tej tsaj dligmuag, lossis luv ceg, lossis tu ceg, lossis mob rwj, lossis mob txhaab qawj, lossis muaj caws plav, coj moog tua ua khoom fij lossis muab hlawv rua sau lub thaaj rua tug TSWV hlo le. 23Tej tsaj kws mej coj moog tua fij ntawm lub sab dlawbpaug, txawm yog cobpob mivntsiv hab zoo tsi heev pistsawg los tau, tabsis cov tsaj zoole ntawd yuav siv tsi tau rua kev uatsaug rua tej kev coglug. 24Tsi xob muab tug tsaj kws mob noobqais, lossis raug tsoo, lossis raug saam, lossis ndluag lawm, coj moog fij rua tug TSWV. Tsi pub mej ua le nuav nyob huv mej lub tebchaws.
25“Tsi xob muab tej tsaj kws mej yuav ntawm lwmtsaav tuabneeg lug tua ua khoom noj fij rua mej tug Vaajtswv. Tej tsaj ntawd yog tsaj tsi zoo hab tsi huv, tug TSWV yuav tsi kaam txais yuav tej tsaj ntawd.”
26-27Tug TSWV has rua Mauxes tas, “Thaus ib tug mivnyuas nyuj lossis mivnyuas yaaj lossis mivnyuas tshis nyavnyuas yug, yuavtsum ca nrug leejnam xyaa nub, tomqaab ntawd maamle muab fij los tug TSWV yeej txaussab txais yuav. 28Tsi xob muab tug maum nyuj nrug nwg tug mivnyuas lossis tug maum yaaj nrug nwg tug mivnyuas, lossis tug maum tshis nrug nwg tug mivnyuas tua ua khoom fij rua tuabnub. 29Thaus mej muab khoom moog fij ua tug TSWV tsaug, mej yuavtsum ua kuas lawvle kevcai sub tug TSWV txhaj kaam txais yuav; 30yuavtsum noj tej khoom fij kuas taag rua nub ntawd hab tsi pub kuas seem ib qho moog txug taagkig sawvntxuv.”
31Tug TSWV has tas, “Mej yuavtsum ua lawvle Kuv tej lug xaaj; Kuv yog tug TSWV. 32Mej tsi xob ua rua Kuv lub npe kws dlawbhuv raug txobthuam; taagnrho cov Yixalayees yuavtsum paub tas Kuv yog tug dlawbhuv hab yog tug kws ua kuas mej dlawbhuv; 33hab Kuv yog tug kws coj mej tawm huv tebchaws Iziv lug, kuas Kuv tau ua mej tug Vaajtswv. Kuv yog tug TSWV.”
Àwon tá yàn lọ́wọ́lọ́wọ́ báyìí:
Levis Kevcai 22: HNJ2022
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 2022 United Bible Societies. All rights reserved.
Levis Kevcai 22
22
Tej Khoom Fij Kws Dlawbhuv
1Tug TSWV has rua Mauxes 2kuas has rua Aloos hab nwg cov tub tas, “Mej yuavtsum ceev tej khoom fij dlawbhuv kws cov Yixalayees coj tuaj fij rua Kuv kuas zoo. Mej txhaj tsi ua rua Kuv lub npe kws dlawbhuv raug thuam; Kuv yog tug TSWV. 3Yog mej cov xeebntxwv leejtwg, thaus nwg lub cev tseem tsi tau huv, nwg cale moog ze rua ntawm tej khoom fij dlawbhuv kws cov Yixalayees coj tuaj fij rua Kuv, nwg yuav ua tsi tau tegnum fij khoom ntawm lub thaaj moog ntxiv le lawm. Mej yuavtsum coj le nuav ib tam rua ib tam moog le. Kuv yog tug TSWV.
4“Aloos caajceg yog muaj leejtwg mob ruas#22:4: mob ruas: Lug Henplais siv lulug nuav rua ntau yaam kaab mob kws yog mob phem-phem rua ntawm dlaim tawv nqaj, kuj yuav tsi yog kag mob ruas xwb. lossis mob ua kua paug, tes tsi xob pub nwg noj tej khoom fij dlawbhuv moog txug thaus nwg lub cev huv lawm. Tug povthawj hlub kws tsi huv, yog nwg moog kov ib tug tuabneeg tuag lub cev lossis ib tug kws muaj mob ua kua paug rua nwg qhov chaw xis, 5lossis nwg moog kov tej tsaj tsi huv lossis tej tuabneeg tsi huv. 6Tug povthawj hlub twg kws nwg lub cev tsi huv lawm, nwg yuav tsi huv moog txug thaus tsausntuj, hab nwg tsi xob noj tej khoom fij kws dlawbhuv moog txug thaus nwg dlaa dlej taag tsaiv. 7Tomqaab lub nub poobqho lawm, nwg txhajle huv, tes nwg maamle noj tau tej khoom fij dlawbhuv kws yog nwg tej zaub-mov. 8Nwg tsi xob noj tej tsaj kws cale tuag lossis tej kws raug tsaj qus tum tuag; cov nqaj ntawd yuav ua rua nwg tsi huv. Kuv yog tug TSWV.
9“Txhua tug povthawj hlub yuavtsum fwm tej kevcai kws Kuv tau muab rua puab lawm. Yog puab tsi fwm, puab yuav raug txim hab yuav tuag, ruaqhov puab tsi fwm tej kevcai kws tseemceeb. Kuv yog tug TSWV hab yog tug ua kuas puab dlawbhuv.
10“Tsuas yog tug povthawj hlub tsev tuabneeg nkaus xwb, txhaj noj tau tej khoom fij kws dlawbhuv; lwmtug noj tsi tau tej khoom ntawd, txawm yog tug tuabneeg kws nrug tug povthawj hlub nyob lossis tug tubzug kws raug ndlav ua num los yeej noj tsi tau le. 11Tabsis tug qhev kws tug povthawj hlub muab nyaj yuav lug lossis tug kws yug huv nwg tsev, txhaj noj tau tej khoom kws yog tug povthawj hlub tug. 12Tug povthawj hlub tug ntxhais kws moog yuav quasyawg lawm, yog nwg tug quasyawg tsi yog ib tug povthawj hlub, nwg yuavtsum tsi xob noj tej khoom fij kws dlawbhuv ntawd. 13Tabsis yog tug povthawj hlub tug ntxhais dlhau moog ua ib tug pujntsuag lossis ib tug pujnrauj kws tseem tsi tau muaj mivnyuas, es nwg rov lug nrug nwg txiv nyob huv nwg txiv tsev, nwg muaj cai noj tej khoom kws yog tug povthawj hlub tug.
14“Yog leejtwg tsi yog tug povthawj hlub tsev tuabneeg, tabsis cale yuamkev moog muab tau tej khoom fij dlawbhuv noj lawm, nwg yuavtsum them cov khoom ntawd puvntoob rovqaab hab ntxiv neegnkaum feem pua rua tug povthawj hlub. 15Cov povthawj hlub yuavtsum tsi xob saib tsi taug tej khoom dlawbhuv kws cov Yixalayees coj tuaj fij rua tug TSWV 16lug ntawm qhov kws ca cov tuabneeg tsi muaj cai lug noj tej khoom fij ntawd; qhov nuav yuav ua rua cov tuabneeg ntawd ua txhum hab raug txim. Kuv yog tug TSWV hab yog tug ua rua tej khoom fij ntawd dlawbhuv.”
17Tug TSWV has rua Mauxes 18kuas muab tej kevcai nuav qha rua Aloos, Aloos cov tub hab taagnrho cov tuabneeg Yixalayees has tas, “Thaus cov Yixalayees lossis cov tuabneeg txawv tebchaws kws nyob huv lub tebchaws Yixalayees, muab khoom tuaj hlawv fij, tsi has fij uatsaug rua kev coglug lossis fij ntawm lub sab dlawbpaug, tug tsaj ntawd yuavtsum yog tug kws tsi muaj ib qhov phem hlo le. 19Tug tsaj ntawd txawm yog nyuj, lossis tshis, lossis yaaj los tau, tabsis yuavtsum yog tug txiv hab tsi muaj ib qhov phem hlo le, mas tug TSWV txhaj kaam txais yuav. 20Yog mej muab tej tsaj phem tuaj fij, tug TSWV yuav tsi txais tug tsaj ntawd. #2Kev 17:1
21“Thaus mej leejtwg muab khoom fij ua kev sis raugzoo rua tug TSWV, txawm yog fij uatsaug rua kev coglug lossis fij ntawm lub sab dlawbpaug los xij, yuavtsum yog tug tsaj kws tsi muaj ib qhov phem le mas tug TSWV txhaj kaam txais yuav. 22Tsi xob muab tej tsaj dligmuag, lossis luv ceg, lossis tu ceg, lossis mob rwj, lossis mob txhaab qawj, lossis muaj caws plav, coj moog tua ua khoom fij lossis muab hlawv rua sau lub thaaj rua tug TSWV hlo le. 23Tej tsaj kws mej coj moog tua fij ntawm lub sab dlawbpaug, txawm yog cobpob mivntsiv hab zoo tsi heev pistsawg los tau, tabsis cov tsaj zoole ntawd yuav siv tsi tau rua kev uatsaug rua tej kev coglug. 24Tsi xob muab tug tsaj kws mob noobqais, lossis raug tsoo, lossis raug saam, lossis ndluag lawm, coj moog fij rua tug TSWV. Tsi pub mej ua le nuav nyob huv mej lub tebchaws.
25“Tsi xob muab tej tsaj kws mej yuav ntawm lwmtsaav tuabneeg lug tua ua khoom noj fij rua mej tug Vaajtswv. Tej tsaj ntawd yog tsaj tsi zoo hab tsi huv, tug TSWV yuav tsi kaam txais yuav tej tsaj ntawd.”
26-27Tug TSWV has rua Mauxes tas, “Thaus ib tug mivnyuas nyuj lossis mivnyuas yaaj lossis mivnyuas tshis nyavnyuas yug, yuavtsum ca nrug leejnam xyaa nub, tomqaab ntawd maamle muab fij los tug TSWV yeej txaussab txais yuav. 28Tsi xob muab tug maum nyuj nrug nwg tug mivnyuas lossis tug maum yaaj nrug nwg tug mivnyuas, lossis tug maum tshis nrug nwg tug mivnyuas tua ua khoom fij rua tuabnub. 29Thaus mej muab khoom moog fij ua tug TSWV tsaug, mej yuavtsum ua kuas lawvle kevcai sub tug TSWV txhaj kaam txais yuav; 30yuavtsum noj tej khoom fij kuas taag rua nub ntawd hab tsi pub kuas seem ib qho moog txug taagkig sawvntxuv.”
31Tug TSWV has tas, “Mej yuavtsum ua lawvle Kuv tej lug xaaj; Kuv yog tug TSWV. 32Mej tsi xob ua rua Kuv lub npe kws dlawbhuv raug txobthuam; taagnrho cov Yixalayees yuavtsum paub tas Kuv yog tug dlawbhuv hab yog tug kws ua kuas mej dlawbhuv; 33hab Kuv yog tug kws coj mej tawm huv tebchaws Iziv lug, kuas Kuv tau ua mej tug Vaajtswv. Kuv yog tug TSWV.”
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 2022 United Bible Societies. All rights reserved.