Levis Kevcai 23
23
Ua Kevcai Lawvle Caijnyoog
1Tug TSWV has rua Mauxes 2kuas qha rua cov Yixalayees paub txug tej kevcai ntawm rooj noj rooj haus kws tug TSWV teem tseg, thaus puab muaj kev sistxoos uake pehawm Vaajtswv. 3“Mej muaj rau nub lug ua mej tej dlejnum, tabsis ncuntsoov tas nub thib xyaa, kws yog nub Xanpataus, yog nub su. Nub ntawd mej tsi xob ua ib yaam num dlaabtsi le, tabsis mej yuavtsum tuaj sissau pehawm Vaajtswv. Txawm mej yuav nyob qhovtwg los xij, nub Xanpataus yog tug TSWV nub. #Tsiv 20:8-10; 23:12; 31:15; 34:21; 35:2; 2Kev 5:12-14 4Nuav yog tej rooj noj rooj haus dlawbhuv kws tug TSWV teem tseg.”
Kevcai Hlaa Dlhau Hab Noj Ncuav Tsi Xyaw Keeb
(Teev Npe 28:16-25)
5“Kevcai Hlaa Dlhau, kws yog ua lug qhuas tug TSWV, yog pib rua lub ib hlis ntuj, nub kaum-plaub, thaus lub nub taabtom yuav poobqho. #Tsiv 12:1-13; 2Kev 16:1-2 6Nub thib kaum-tsib yog nub kws pib ua Kevcai noj Ncuav Tsi Xyaw Keeb; xyaa nub ntawd, mej yuavtsum tsi xob noj tej ncuav kws xyaw keeb hlo le. 7Thawj-thawj nub ntawd mej yuavtsum tuaj sissau pehawm Vaajtswv hab tsi xob ua ib yaam dlejnum kws mej najnub ua hlo le. 8Coj mej tej khoom noj moog hlawv fij rua tug TSWV kuas txwm xyaa nub ntawd. Nub thib xyaa mej yuavtsum rov tuaj sissau pehawm Vaajtswv hab tsi xob ua ib yaam dlejnum kws mej najnub ua hlo le.” #Tsiv 12:14-20; 23:15; 24:18; Tsiv 16:3-8
9-10Tug TSWV has rua Mauxes kuas has rua cov Yixalayees has tas, “Thaus mej moog rua huv lub tebchaws kws Kuv yuav muab rua mej nyob, hab thaus mej sau tau mej tej qoobloo, mej cale coj thawj teg nplej moog rua tug povthawj hlub. 11Nwg yuav muab teg nplej ntawd yom fij rua tug TSWV, sub tug TSWV txhajle txaussab txais yuav lug ntawm mej. Nub tomqaab kws dlhau nub Xanpataus lawm, tug povthawj hlub maamle coj moog fij rua tug TSWV. 12Nub kws mej fij mej tej qoobloo, mej yuavtsum coj ib tug thaav yaaj noobnyoog ib xyoos kws tsi muaj ib qhov phem le moog tua hlawv fij rua tug TSWV hab. 13Mej yuavtsum muab 2 kilus moov nplej zuaj xyaw roj txivntoo coj moog hlawv fij. Tej paa khoom noj kws muab fij ntawd yuav tswqaab ntxag ua rua tug TSWV txaussab heev. Mej yuavtsum muab ib laamfwj cawv txivmaab kws yog 1 liv coj moog fij hab. 14Mej tsi xob rawm noj tej qoobloo tshab kws mej muab tau lug, tsi has noj nyoog, muab kib noj, lossis muab cub ua ncuav noj moog txug nub kws mej coj thawj teg nplej moog fij rua Vaajtswv tsaiv. Mej caajceg yuavtsum coj lawvle txuj kevcai nuav ib tam rua ib tam moog le.”
Ua Kevcai Sau Qoobloo
(Teev Npe 28:26-31)
15“Cale suav kuas txwm nkaus xyaa lub limtam, pib nub tomqaab nub Xanpataus kws mej coj mej thawj teg nplej tuaj fij rua tug TSWV. #Tsiv 23:16; 34:22; 2Kev 16:9-12 16Nub thib tsibcaug, kws yog nub tomqaab lub Xanpataus thib xyaa, mej yuavtsum coj mej tej qoob tshab tuaj fij rua tug TSWV. 17Ib yig twg yuavtsum nqaa ob lub ncuav moog yom fij rua tug TSWV. Ib lub ncuav twg yuavtsum yog muab 2 kilus moov nplej zuaj cub xyaw keeb hab coj moog fij rua tug TSWV thaus mej pib sau thawj phaum qoob. 18Cov pejxeem suavdlawg yuavtsum coj xyaa tug thaav yaaj kws noobnyoog ib xyoos, ib tug txiv nyuj, hab ob tug laug tshis, kws tsi muaj ib qhov phem le moog fij nrug cov ncuav ntawd. Puab yuavtsum muab cov tsaj ntawd hlawv fij rua tug TSWV, nrug cov ncuav hab cov cawv txivmaab uake. Tej paa khoom fij ntawd yuav tswqaab ntxag ua rua tug TSWV txaussab heev. 19Hab muab ib tug laug tshis coj moog fij dlaws txim, hab ob tug thaav yaaj kws noobnyoog ib xyoos moog fij ua kev sis raugzoo. 20Tug povthawj hlub yuavtsum muab cov ncuav nrug ob tug thaav yaaj kws yog muab ua cov povthawj hlub tug coj moog yom fij uake rua tug TSWV. Cov khoom fij nuav yog ib cov kws dlawbhuv. 21Nub ntawd mej tsi xob moog ua ib yaam dlejnum kws mej najnub ua le, tabsis mej yuavtsum tuaj sissau pehawm Vaajtswv. Mej caajceg, txawm yuav nyob qhovtwg los xij, yuavtsum coj txuj kevcai nuav ib tam rua ib tam moog le.
22“Thaus mej hlais mej tej nplej huv mej tej teb, mej tsi xob hlais cov nplej kws nyob tom ntug teb, hab tsi xob rovqaab moog hlais tej naab nplej kws seem; tseg tej ntawd rua cov tuabneeg txomnyem hab cov tuabneeg txawv tebchaws. Tug TSWV yog mej tug Vaajtswv.” #Levi 19:9-10; 2Kev 24:19-22
Ua Kevcai Xyoo Tshab
(Teev Npe 29:1-6)
23-24“Lub xyaa hli ntuj nub xab ib, mej yuavtsum siv nub ntawd ua nub su hab cale sissau tuaj pehawm Vaajtswv thaus mej nov suab raajxyu nrov. 25Coj tej khoom noj tuaj hlawv fij rua tug TSWV hab tsi xob moog ua ib yaam dlejnum kws mej najnub ua le.”
Nub Ua Kevcai Theej Txhoj
(Teev Npe 29:7-11)
26-27“Lub xyaa hli ntuj nub xab kaum, yog Nub ua Kevcai Theej Txhoj rua cov pejxeem suavdlawg. Nub ntawd mej yuavtsum yoo mov hab tuaj sissau pehawm Vaajtswv hab coj tej khoom noj tuaj hlawv fij rua tug TSWV. #Levi 16:29-34 28Nub ntawd mej tsi xob ua dlejnum, ruaqhov nub ntawd yog Nub ua Kevcai Theej Txhoj. 29Nub ntawd yog leejtwg noj ib yaam dlaabtsi, tug ntawd yuav raug muab rhu tawm ntawm Vaajtswv tsaav tuabneeg moog. 30Hab nub ntawd yog leejtwg tseem ua dlejnum, tug TSWV, yuav muab tug ntawd tua povtseg. 31Txawm yog mej nyob qhovtwg los xij, taagnrho mej caajceg yuavtsum coj txuj kevcai nuav ib tam rua ib tam moog le. 32Lub hlis ntawd nub xab cuaj, thaus nub poobqho moog txug nub xab kaum, thaus nub poobqho, mej muab ua nub su. Nub ntawd mej tsi xob noj ib yaam dlaabtsi hlo le.”
Ua Kevcai Nyob Tsev Pheebsuab
(Teev Npe 29:12-40)
33-34“Lub xyaa hli ntuj nub kaum-tsib yog nub ua Kevcai Nyob Tsev Pheebsuab hab yuav nyob moog kuas txwm nkaus xyaa nub. #2Kev 16:13-15 35Thawj-thawj nub ntawd mej yuavtsum tuaj sissau pehawm Vaajtswv hab tsi xob ua ib yaam dlejnum kws mej najnub ua hlo le. 36Mej yuavtsum najnub nqaa khoom noj tuaj fij rua tug TSWV kuas txwm xyaa nub ntawd. Nub thib yim mej yuavtsum rov tuaj sissau pehawm Vaajtswv hab coj tej khoom noj tuaj hlawv fij rua tug TSWV. Nub ntawd yog nub pehawm Vaajtswv nkaus xwb, mej tsi xob ua dlejnum hlo le.
( 37“Tej nuav yog ua kev tuaj sissau ua kevcai pehawm qhuas tug TSWV lug ntawm kev muab tej khoom noj tuaj fij, hlawv tej khoom fij, fij tej qoobloo, fij tej khoom theej txhoj, hab fij tej cawv txivmaab, kws yuavtsum tau coj tuaj fij ib nub dlhau ib nub. 38Tej kevcai nuav yog ua ntxiv rua cov Nub Xanpataus. Hab tej khoom fij nuav yog ntxiv rua mej tej khoom kws mej ibtxwm coj moog fij, kws yog tej kws mej fij uatsaug rua tej lug cogtseg hab tej kws mej fij rua tug TSWV ntawm lub sab dlawbpaug.)
39“Thaus mej sau mej tej qoobloo tom teb taag lawm, mej yuavtsum ua lub koobtsheej nuav kuas txwm xyaa nub, kws yog pib nub thib kaum-tsib lub xyaa hli ntuj. Nub thib ib hab nub thib yim yog ob nub kws mej su. 40Nub thib ib, mej xaiv mej tej txivntoo kws zoo tshaajplawg, nqaa tej nplooj toovlaaj hab tej ceg ntoo kws muaj nplooj coj tuaj hab cale pib ua kevcai qhuas tug TSWV, kws yog mej tug Vaajtswv. 41Txhua lub xyoo thaus lub xyaa hli ntuj, mej yuavtsum ua lub koobtsheej nuav rua tug TSWV xyaa nub. Mej caajceg yuavtsum coj txuj kevcai nuav ib tam rua ib tam moog le. 42Cov Yixalayees txhua tug yuavtsum nyob tsev pheebsuab xyaa nub, 43kuas mej caajceg txhaj yuav paub tas Kuv yog tug kws ca cov Yixalayees nyob huv tej tsev pheebsuab ntawd thaus Kuv coj puab tawm huv tebchaws Iziv lug. Kuv yog tug TSWV, kws yog mej tug Vaajtswv.”
44Yogle ntawd, Mauxes txhaj muab tej kevcai kws tug TSWV tau teem tseg nuav qha rua cov Yixalayees paub.
Àwon tá yàn lọ́wọ́lọ́wọ́ báyìí:
Levis Kevcai 23: HNJ2022
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 2022 United Bible Societies. All rights reserved.
Levis Kevcai 23
23
Ua Kevcai Lawvle Caijnyoog
1Tug TSWV has rua Mauxes 2kuas qha rua cov Yixalayees paub txug tej kevcai ntawm rooj noj rooj haus kws tug TSWV teem tseg, thaus puab muaj kev sistxoos uake pehawm Vaajtswv. 3“Mej muaj rau nub lug ua mej tej dlejnum, tabsis ncuntsoov tas nub thib xyaa, kws yog nub Xanpataus, yog nub su. Nub ntawd mej tsi xob ua ib yaam num dlaabtsi le, tabsis mej yuavtsum tuaj sissau pehawm Vaajtswv. Txawm mej yuav nyob qhovtwg los xij, nub Xanpataus yog tug TSWV nub. #Tsiv 20:8-10; 23:12; 31:15; 34:21; 35:2; 2Kev 5:12-14 4Nuav yog tej rooj noj rooj haus dlawbhuv kws tug TSWV teem tseg.”
Kevcai Hlaa Dlhau Hab Noj Ncuav Tsi Xyaw Keeb
(Teev Npe 28:16-25)
5“Kevcai Hlaa Dlhau, kws yog ua lug qhuas tug TSWV, yog pib rua lub ib hlis ntuj, nub kaum-plaub, thaus lub nub taabtom yuav poobqho. #Tsiv 12:1-13; 2Kev 16:1-2 6Nub thib kaum-tsib yog nub kws pib ua Kevcai noj Ncuav Tsi Xyaw Keeb; xyaa nub ntawd, mej yuavtsum tsi xob noj tej ncuav kws xyaw keeb hlo le. 7Thawj-thawj nub ntawd mej yuavtsum tuaj sissau pehawm Vaajtswv hab tsi xob ua ib yaam dlejnum kws mej najnub ua hlo le. 8Coj mej tej khoom noj moog hlawv fij rua tug TSWV kuas txwm xyaa nub ntawd. Nub thib xyaa mej yuavtsum rov tuaj sissau pehawm Vaajtswv hab tsi xob ua ib yaam dlejnum kws mej najnub ua hlo le.” #Tsiv 12:14-20; 23:15; 24:18; Tsiv 16:3-8
9-10Tug TSWV has rua Mauxes kuas has rua cov Yixalayees has tas, “Thaus mej moog rua huv lub tebchaws kws Kuv yuav muab rua mej nyob, hab thaus mej sau tau mej tej qoobloo, mej cale coj thawj teg nplej moog rua tug povthawj hlub. 11Nwg yuav muab teg nplej ntawd yom fij rua tug TSWV, sub tug TSWV txhajle txaussab txais yuav lug ntawm mej. Nub tomqaab kws dlhau nub Xanpataus lawm, tug povthawj hlub maamle coj moog fij rua tug TSWV. 12Nub kws mej fij mej tej qoobloo, mej yuavtsum coj ib tug thaav yaaj noobnyoog ib xyoos kws tsi muaj ib qhov phem le moog tua hlawv fij rua tug TSWV hab. 13Mej yuavtsum muab 2 kilus moov nplej zuaj xyaw roj txivntoo coj moog hlawv fij. Tej paa khoom noj kws muab fij ntawd yuav tswqaab ntxag ua rua tug TSWV txaussab heev. Mej yuavtsum muab ib laamfwj cawv txivmaab kws yog 1 liv coj moog fij hab. 14Mej tsi xob rawm noj tej qoobloo tshab kws mej muab tau lug, tsi has noj nyoog, muab kib noj, lossis muab cub ua ncuav noj moog txug nub kws mej coj thawj teg nplej moog fij rua Vaajtswv tsaiv. Mej caajceg yuavtsum coj lawvle txuj kevcai nuav ib tam rua ib tam moog le.”
Ua Kevcai Sau Qoobloo
(Teev Npe 28:26-31)
15“Cale suav kuas txwm nkaus xyaa lub limtam, pib nub tomqaab nub Xanpataus kws mej coj mej thawj teg nplej tuaj fij rua tug TSWV. #Tsiv 23:16; 34:22; 2Kev 16:9-12 16Nub thib tsibcaug, kws yog nub tomqaab lub Xanpataus thib xyaa, mej yuavtsum coj mej tej qoob tshab tuaj fij rua tug TSWV. 17Ib yig twg yuavtsum nqaa ob lub ncuav moog yom fij rua tug TSWV. Ib lub ncuav twg yuavtsum yog muab 2 kilus moov nplej zuaj cub xyaw keeb hab coj moog fij rua tug TSWV thaus mej pib sau thawj phaum qoob. 18Cov pejxeem suavdlawg yuavtsum coj xyaa tug thaav yaaj kws noobnyoog ib xyoos, ib tug txiv nyuj, hab ob tug laug tshis, kws tsi muaj ib qhov phem le moog fij nrug cov ncuav ntawd. Puab yuavtsum muab cov tsaj ntawd hlawv fij rua tug TSWV, nrug cov ncuav hab cov cawv txivmaab uake. Tej paa khoom fij ntawd yuav tswqaab ntxag ua rua tug TSWV txaussab heev. 19Hab muab ib tug laug tshis coj moog fij dlaws txim, hab ob tug thaav yaaj kws noobnyoog ib xyoos moog fij ua kev sis raugzoo. 20Tug povthawj hlub yuavtsum muab cov ncuav nrug ob tug thaav yaaj kws yog muab ua cov povthawj hlub tug coj moog yom fij uake rua tug TSWV. Cov khoom fij nuav yog ib cov kws dlawbhuv. 21Nub ntawd mej tsi xob moog ua ib yaam dlejnum kws mej najnub ua le, tabsis mej yuavtsum tuaj sissau pehawm Vaajtswv. Mej caajceg, txawm yuav nyob qhovtwg los xij, yuavtsum coj txuj kevcai nuav ib tam rua ib tam moog le.
22“Thaus mej hlais mej tej nplej huv mej tej teb, mej tsi xob hlais cov nplej kws nyob tom ntug teb, hab tsi xob rovqaab moog hlais tej naab nplej kws seem; tseg tej ntawd rua cov tuabneeg txomnyem hab cov tuabneeg txawv tebchaws. Tug TSWV yog mej tug Vaajtswv.” #Levi 19:9-10; 2Kev 24:19-22
Ua Kevcai Xyoo Tshab
(Teev Npe 29:1-6)
23-24“Lub xyaa hli ntuj nub xab ib, mej yuavtsum siv nub ntawd ua nub su hab cale sissau tuaj pehawm Vaajtswv thaus mej nov suab raajxyu nrov. 25Coj tej khoom noj tuaj hlawv fij rua tug TSWV hab tsi xob moog ua ib yaam dlejnum kws mej najnub ua le.”
Nub Ua Kevcai Theej Txhoj
(Teev Npe 29:7-11)
26-27“Lub xyaa hli ntuj nub xab kaum, yog Nub ua Kevcai Theej Txhoj rua cov pejxeem suavdlawg. Nub ntawd mej yuavtsum yoo mov hab tuaj sissau pehawm Vaajtswv hab coj tej khoom noj tuaj hlawv fij rua tug TSWV. #Levi 16:29-34 28Nub ntawd mej tsi xob ua dlejnum, ruaqhov nub ntawd yog Nub ua Kevcai Theej Txhoj. 29Nub ntawd yog leejtwg noj ib yaam dlaabtsi, tug ntawd yuav raug muab rhu tawm ntawm Vaajtswv tsaav tuabneeg moog. 30Hab nub ntawd yog leejtwg tseem ua dlejnum, tug TSWV, yuav muab tug ntawd tua povtseg. 31Txawm yog mej nyob qhovtwg los xij, taagnrho mej caajceg yuavtsum coj txuj kevcai nuav ib tam rua ib tam moog le. 32Lub hlis ntawd nub xab cuaj, thaus nub poobqho moog txug nub xab kaum, thaus nub poobqho, mej muab ua nub su. Nub ntawd mej tsi xob noj ib yaam dlaabtsi hlo le.”
Ua Kevcai Nyob Tsev Pheebsuab
(Teev Npe 29:12-40)
33-34“Lub xyaa hli ntuj nub kaum-tsib yog nub ua Kevcai Nyob Tsev Pheebsuab hab yuav nyob moog kuas txwm nkaus xyaa nub. #2Kev 16:13-15 35Thawj-thawj nub ntawd mej yuavtsum tuaj sissau pehawm Vaajtswv hab tsi xob ua ib yaam dlejnum kws mej najnub ua hlo le. 36Mej yuavtsum najnub nqaa khoom noj tuaj fij rua tug TSWV kuas txwm xyaa nub ntawd. Nub thib yim mej yuavtsum rov tuaj sissau pehawm Vaajtswv hab coj tej khoom noj tuaj hlawv fij rua tug TSWV. Nub ntawd yog nub pehawm Vaajtswv nkaus xwb, mej tsi xob ua dlejnum hlo le.
( 37“Tej nuav yog ua kev tuaj sissau ua kevcai pehawm qhuas tug TSWV lug ntawm kev muab tej khoom noj tuaj fij, hlawv tej khoom fij, fij tej qoobloo, fij tej khoom theej txhoj, hab fij tej cawv txivmaab, kws yuavtsum tau coj tuaj fij ib nub dlhau ib nub. 38Tej kevcai nuav yog ua ntxiv rua cov Nub Xanpataus. Hab tej khoom fij nuav yog ntxiv rua mej tej khoom kws mej ibtxwm coj moog fij, kws yog tej kws mej fij uatsaug rua tej lug cogtseg hab tej kws mej fij rua tug TSWV ntawm lub sab dlawbpaug.)
39“Thaus mej sau mej tej qoobloo tom teb taag lawm, mej yuavtsum ua lub koobtsheej nuav kuas txwm xyaa nub, kws yog pib nub thib kaum-tsib lub xyaa hli ntuj. Nub thib ib hab nub thib yim yog ob nub kws mej su. 40Nub thib ib, mej xaiv mej tej txivntoo kws zoo tshaajplawg, nqaa tej nplooj toovlaaj hab tej ceg ntoo kws muaj nplooj coj tuaj hab cale pib ua kevcai qhuas tug TSWV, kws yog mej tug Vaajtswv. 41Txhua lub xyoo thaus lub xyaa hli ntuj, mej yuavtsum ua lub koobtsheej nuav rua tug TSWV xyaa nub. Mej caajceg yuavtsum coj txuj kevcai nuav ib tam rua ib tam moog le. 42Cov Yixalayees txhua tug yuavtsum nyob tsev pheebsuab xyaa nub, 43kuas mej caajceg txhaj yuav paub tas Kuv yog tug kws ca cov Yixalayees nyob huv tej tsev pheebsuab ntawd thaus Kuv coj puab tawm huv tebchaws Iziv lug. Kuv yog tug TSWV, kws yog mej tug Vaajtswv.”
44Yogle ntawd, Mauxes txhaj muab tej kevcai kws tug TSWV tau teem tseg nuav qha rua cov Yixalayees paub.
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 2022 United Bible Societies. All rights reserved.