Levis Kevcai 21
21
Txujcai Rua Cov Povthawj Hlub
1Tug TSWV has rua Mauxes kuas nwg has rua Aloos cov tub kws yog cov povthawj hlub has tas, “Tsi pub cov povthawj hlub ib tug twg ua rua nwg lub cev tsi huv lug ntawm qhov kws nwg moog koom ib tug kwvtij neejtsaa twg lub nteeg tuag, 2tshwj has tas yog nwg tsev tuabneeg kag: xwsle nwg nam, nwg txiv, nwg tug tub, nwg tug ntxhais, nwg tug tijlaug, nwg tug kwv, 3lossis nwg tug muam kws tsi tau yuav quasyawg kws tseem nrug nwg nyob ua ib tse xwb. 4Nwg yuavtsum tsi xob ua rua nwg tsi huv lug ntawm qhov kws nwg moog saib tej tuabneeg txheebze tuag.#21:4: Nqai 4 nuav paub tsi meej tas lug Henplais yog txhais lecaag tag.
5“Tsi pub cov povthawj hlub chais plaubhau lossis chais fwjtxwv lossis hlais puab tej nqaj qha rua suavdlawg paub tas puab raug kev txomnyem quajntsuag. #Levi 19:27-28; 2Kev 14:1 6Puab yuavtsum ua tuabneeg dlawbhuv rua puab tug Vaajtswv hab tsi xob ua rua puab tug Vaajtswv lub npe raug thuam; vim puab yog cov kws muab Vaajtswv tej khoom hlawv fij rua tug TSWV; yogle ntawd, puab yuavtsum dlawbhuv.
7“Puab tsi xob moog yuav ib tug quaspuj kws txeev ua namndlav lug lawm lossis ib tug kws tsi yog nkaujxwb lawm lossis ib tug pujnrauj lug ua quaspuj, ruaqhov puab yog cov kws dlawbhuv rua puab tug Vaajtswv. 8Suavdlawg yuavtsum suav has tas cov povthawj hlub yog tuabneeg dlawbhuv, ruaqhov puab yog cov kws muab tej khoom fij rua mej tug Vaajtswv. Mej yuavtsum suav has tas puab dlawbhuv, ruaqhov Kuv kws yog tug TSWV, yog tug dlawbhuv hab ua kuas mej dlawbhuv. 9Yog ib tug povthawj hlub twg tug ntxhais moog ua namndlav, yog nwg rhuav nwg txiv ntsejmuag, yuavtsum muab nwg hlawv kuas tuag.
10“Tug Tuam Povthawj Hlub yog tug kws luas muab cov roj txhawb meejthawj laub rua sau nwg taubhau hab raug tsaa lug naav tej tsoogtsho povthawj hlub. Yogle ntawd, nwg yuavtsum ntsis nwg cov plaubhau hab tsi xob dlua nwg cev tsoogtsho qha kuas luas paub tas nwg muaj kev quajntsuag. 11-12Nwg yuavtsum tsi xob ua rua nwg lub cev tsi huv lossis ua rua Kuv lub Tsevntaub kws dlawbhuv tsi huv lug ntawm qhov kws nwg moog rua huv lub tsev paamtuag, txawm yog tug tuag ntawd yog nwg nam nwg txiv kag los tsi xob moog, ruaqhov tub muab nwg tug Vaajtswv cov roj txhawb meejthawj pleev nwg hab tsaa nwg ua povthawj hlub lawm. Kuv yog tug TSWV.
13“Nwg yuavtsum yuav tug ntxhais nkaujxwb lug ua nwg quaspuj xwb, 14tsi xob yuav pujntsuag, pujnrauj lossis tug hluasnkauj kws moog ua dlua namndlav lawm. Nwg yuavtsum yuav nwg caajceg ib tug ntxhais kws tseem yog nkaujxwb lug ua nwg tug quaspuj. 15Yog tsi ua le nuav, nwg cov mivnyuas kws yuavtsum yog cov dlawbhuv, yuav tsi huv lawm. Kuv yog tug TSWV hab yog tug kws ua kuas nwg dlawbhuv.”
16Tug TSWV has rua Mauxes 17kuas has rua Aloos has tas, “Tsi xob pub ib tug twg ntawm koj caajceg kws nwg puagcev coj tej khoom noj tuaj fij rua Kuv hlo le. Mej yuavtsum coj le nuav ib tam rua ib tam moog le. 18Tsi pub tug tuabneeg kws puagcev le nraag nuav coj khoom moog fij: tug kws dligmuag, cegtawv, ntsejmuag caws plav lossis ceg ntev cev tuablu. 19Tsi pub tug tuabneeg luv npaab luv ceg; 20tsi pub tug tuabneeg khoov dluav lossis tug tuabneeg moj pob; tsi pub tug tuabneeg kws mob qhovmuag lab lossis mob kavlis, hab tug tsaamxem.
21“Aloos caajceg kws ua povthawj hlub, yog leejtwg puagcev, nwg tsi xob coj tej khoom noj tuaj fij rua Kuv. 22Tug txivneej ntawd yuav noj tej zaub-mov kws muab fij rua Kuv, tsi has tej kws dlawbhuv hab tej kws dlawbhuv kawg nkaus, 23tabsis vim qhov kws nwg puagcev, nwg tsi xob moog ze rua ntawm dlaim ntaub thaiv Chaav dlawbhuv hab lub thaaj. Nwg tsi xob moog ua rua tej khoom dlawbhuv ntawd tsi huv, vim Kuv yog tug TSWV kws ua rua tej khoom ntawd dlawbhuv.”
24Mauxes yeej muab tej nuav qha rua Aloos, Aloos cov tub, hab taagnrho cov Yixalayees huv tuabsi lawm.
Àwon tá yàn lọ́wọ́lọ́wọ́ báyìí:
Levis Kevcai 21: HNJ2022
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 2022 United Bible Societies. All rights reserved.
Levis Kevcai 21
21
Txujcai Rua Cov Povthawj Hlub
1Tug TSWV has rua Mauxes kuas nwg has rua Aloos cov tub kws yog cov povthawj hlub has tas, “Tsi pub cov povthawj hlub ib tug twg ua rua nwg lub cev tsi huv lug ntawm qhov kws nwg moog koom ib tug kwvtij neejtsaa twg lub nteeg tuag, 2tshwj has tas yog nwg tsev tuabneeg kag: xwsle nwg nam, nwg txiv, nwg tug tub, nwg tug ntxhais, nwg tug tijlaug, nwg tug kwv, 3lossis nwg tug muam kws tsi tau yuav quasyawg kws tseem nrug nwg nyob ua ib tse xwb. 4Nwg yuavtsum tsi xob ua rua nwg tsi huv lug ntawm qhov kws nwg moog saib tej tuabneeg txheebze tuag.#21:4: Nqai 4 nuav paub tsi meej tas lug Henplais yog txhais lecaag tag.
5“Tsi pub cov povthawj hlub chais plaubhau lossis chais fwjtxwv lossis hlais puab tej nqaj qha rua suavdlawg paub tas puab raug kev txomnyem quajntsuag. #Levi 19:27-28; 2Kev 14:1 6Puab yuavtsum ua tuabneeg dlawbhuv rua puab tug Vaajtswv hab tsi xob ua rua puab tug Vaajtswv lub npe raug thuam; vim puab yog cov kws muab Vaajtswv tej khoom hlawv fij rua tug TSWV; yogle ntawd, puab yuavtsum dlawbhuv.
7“Puab tsi xob moog yuav ib tug quaspuj kws txeev ua namndlav lug lawm lossis ib tug kws tsi yog nkaujxwb lawm lossis ib tug pujnrauj lug ua quaspuj, ruaqhov puab yog cov kws dlawbhuv rua puab tug Vaajtswv. 8Suavdlawg yuavtsum suav has tas cov povthawj hlub yog tuabneeg dlawbhuv, ruaqhov puab yog cov kws muab tej khoom fij rua mej tug Vaajtswv. Mej yuavtsum suav has tas puab dlawbhuv, ruaqhov Kuv kws yog tug TSWV, yog tug dlawbhuv hab ua kuas mej dlawbhuv. 9Yog ib tug povthawj hlub twg tug ntxhais moog ua namndlav, yog nwg rhuav nwg txiv ntsejmuag, yuavtsum muab nwg hlawv kuas tuag.
10“Tug Tuam Povthawj Hlub yog tug kws luas muab cov roj txhawb meejthawj laub rua sau nwg taubhau hab raug tsaa lug naav tej tsoogtsho povthawj hlub. Yogle ntawd, nwg yuavtsum ntsis nwg cov plaubhau hab tsi xob dlua nwg cev tsoogtsho qha kuas luas paub tas nwg muaj kev quajntsuag. 11-12Nwg yuavtsum tsi xob ua rua nwg lub cev tsi huv lossis ua rua Kuv lub Tsevntaub kws dlawbhuv tsi huv lug ntawm qhov kws nwg moog rua huv lub tsev paamtuag, txawm yog tug tuag ntawd yog nwg nam nwg txiv kag los tsi xob moog, ruaqhov tub muab nwg tug Vaajtswv cov roj txhawb meejthawj pleev nwg hab tsaa nwg ua povthawj hlub lawm. Kuv yog tug TSWV.
13“Nwg yuavtsum yuav tug ntxhais nkaujxwb lug ua nwg quaspuj xwb, 14tsi xob yuav pujntsuag, pujnrauj lossis tug hluasnkauj kws moog ua dlua namndlav lawm. Nwg yuavtsum yuav nwg caajceg ib tug ntxhais kws tseem yog nkaujxwb lug ua nwg tug quaspuj. 15Yog tsi ua le nuav, nwg cov mivnyuas kws yuavtsum yog cov dlawbhuv, yuav tsi huv lawm. Kuv yog tug TSWV hab yog tug kws ua kuas nwg dlawbhuv.”
16Tug TSWV has rua Mauxes 17kuas has rua Aloos has tas, “Tsi xob pub ib tug twg ntawm koj caajceg kws nwg puagcev coj tej khoom noj tuaj fij rua Kuv hlo le. Mej yuavtsum coj le nuav ib tam rua ib tam moog le. 18Tsi pub tug tuabneeg kws puagcev le nraag nuav coj khoom moog fij: tug kws dligmuag, cegtawv, ntsejmuag caws plav lossis ceg ntev cev tuablu. 19Tsi pub tug tuabneeg luv npaab luv ceg; 20tsi pub tug tuabneeg khoov dluav lossis tug tuabneeg moj pob; tsi pub tug tuabneeg kws mob qhovmuag lab lossis mob kavlis, hab tug tsaamxem.
21“Aloos caajceg kws ua povthawj hlub, yog leejtwg puagcev, nwg tsi xob coj tej khoom noj tuaj fij rua Kuv. 22Tug txivneej ntawd yuav noj tej zaub-mov kws muab fij rua Kuv, tsi has tej kws dlawbhuv hab tej kws dlawbhuv kawg nkaus, 23tabsis vim qhov kws nwg puagcev, nwg tsi xob moog ze rua ntawm dlaim ntaub thaiv Chaav dlawbhuv hab lub thaaj. Nwg tsi xob moog ua rua tej khoom dlawbhuv ntawd tsi huv, vim Kuv yog tug TSWV kws ua rua tej khoom ntawd dlawbhuv.”
24Mauxes yeej muab tej nuav qha rua Aloos, Aloos cov tub, hab taagnrho cov Yixalayees huv tuabsi lawm.
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 2022 United Bible Societies. All rights reserved.