Нахум 3
3
Ниневенинъ ёкъ этилюв себеби
1 #
Ехез 24.8
Къан тёккен шеэрге беля!
О, ялангъа ве ягъмагъа толу,
мында ягъмаджылыкъ токътамай.
2Къамчы къакъылмасы
ве айлангъан копчеклернинъ сеси,
ат туякъларынынъ патырдысы
ве дженк арабасынынъ гудюрдиси эшитиле.
3 #
4 Пад 19.36
Атлылар чапа, къылыч парылдай,
мызракълар ялтырай.
Чокътан-чокъ олюлер, оба-оба джесетлер ята.
Олюлернинъ сайысы ёкъ,
адамлар юргенде, олюлерге сюрюне.
4 #
Сыр 17.1-2; 18.3 Бу, фаишенинъ буюк ороспулыгъы ичюн олды.
О – дюльбер, усталыкънен этне япа,
ороспулыкъларынен халкъларны алдата,
этнесинен къабилелерни озюне къул япа.
5 #
Йрм 13.22, 26; Нах 2.13; Хав 2.16 – Мен санъа къаршы чыкъам!
– дей Ордуларнынъ РАББИси.
– Урбаларынънынъ этегини бетинъе котерип,
халкъларгъа аврет ерлеринъни корьсетеджегим,
айыбынъны падишалыкъларгъа ачаджагъым.
6Сени писликлерге булаштыраджагъым,
сени ашалайджагъым ве масхара этеджегим.
7 #
Еш 10.5; 14.25; 51.19; Йрм 15.5; Агъл 1.2; Цеф 2.13 Сени корьген эр ким сенден къачып:
– Ниневе харап олды!
Оны ким аджыйджакъ?
Сенинъ гонълюнъни аладжакъ кимни тапайым? – дейджек.
8 #
Йрм 46.25; Ехез 30.14; Ам 6.2 Сен Но-Амон шеэринден яхшысынъмы?
О, озенлер арасында ерлешкен эди,
чевре-чети сув эди,
денъиз оны къорчалай,
Нил дерьясы онынъ дивары эди.
9 #
2 Тар 12.3
Хуш мемлекети – онынъ къудрети,
Мысыр да онъа сынъырсыз кучь берди.
Пут мемлекети ве ливиялылар онъа ярдымгъа келе эдилер.
10 #
4 Пад 8.12; Еш 13.16; 20.4; Ёэль 3.3; Ов 1.11 Амма оны да сюргюн эттилер, эсир алдылар.
Сабийлери биле эр бир сокъакъларнынъ кошелеринде ольдюрильди,
мырзалары ичюн джереп чекильди,
онынъ буюк акъайлары зынджырнен багъланды.
11 #
Йрм 25.17
Сен де сархош оладжакъсынъ,
сен де гизленип,
душманларынъдан сакъланув ерини къыдыраджакъсынъ.
12Сенинъ къалелеринъ пишкен инджир мейваларына толу терекке бенъзей:
эгер оны сильксенъ,
ашамагъа истегеннинъ агъзына догъру тюшеджек.
13 #
Еш 19.16; Йрм 51.30 Бутюн аскерлеринъ – апайлар киби.
Мемлекетинъ душманларынъа ачыкъ,
атеш шеэрнинъ къапу мандалларыны ашайджакъ.
14Алкъагъа алынаджакъ вакътына сув ташып къой,
къалелеринъни къавийлештир.
Чамур тап, балчыкъ тапта,
кирпичлер ичюн къалыфларны азырла.
15Сени анда атеш ашап битиреджек,
къылыч сени кеседжек.
Озюнъ тыртыр я да сарынчкъа киби чокъ олсанъ да,
атеш тыртырларгъа ошап, сени ашайджакъ.
16Алыш-веришчилеринъ кок йылдызларындан чокъ олды,
амма олар, сарынчкъа киби,
мемлекетинъни талайджакъ ве учып кетеджеклер.
17Къаравулларынъ – чегертки киби чокъ,
орду башлыкъларынъ да – сарынчкъа сюрюси кибидир.
Сувукъ олгъанда, олар ташлар арасында аралыкъларда сакъланалар,
кунеш чыкъкъанда исе, учып кетелер,
ве къайда олгъанларыны бильмезсинъ де.
18Эй, Ашшур падишасы! Сенинъ ёлбашчыларынъ юкълай,
мырзаларынъ раатлана,
халкъынъ дагъларда дагъылды,
оны топлайджакъ киши ёкъ.
19 #
Эюп 27.23; Агъл 2.15; Хош 5.13; Микъа 1.9 Сенинъ яранъа илядж ёкъ,
сени ургъан уруш – олюм ярасыдыр.
Сенинъ акъкъынъда эшитеджек эр ким къуванып, эль чырпаджакъ,
чюнки битмез ачувынъны дуймагъан кимсе къалмады.
Àwon tá yàn lọ́wọ́lọ́wọ́ báyìí:
Нахум 3: CTB
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© Институт перевода Библии, 2016