Нахум 2
2
Ниневе шеэри акъкъында пейгъамберлик
1Санъа къаршы йыкъыджы котериле!
Къавийлештирильген ерлеринъни къорчала, ёлларынъны къору,
дженкке азырлан, кучюнъни топла!
2 #
Збр 79.9; Еш 5.1; Мт 21.33 Душманлар Исраильни ве Якъупны хараплагъан олсалар да,
юзюм пытакъларыны сыдырып алгъаны киби,
оларнынъ барлыгъыны тартып алгъан олсалар да,
РАББИ эм Исраильнинъ шерефини,
эм Якъупнынъ шерефини гъайрыдан тиклейджек.
3 #
Ехез 23.14
Кучьлю къараманларнынъ къалкъанлары къырмызы,
орду аскерлери къызыл кийгенлер,
дженк арабалары уруш ичюн азырлангъан,
оларнынъ мадени атеш киби парылдай,
мызракълар орманы саллана.
4Дженк арабалары сокъакълар бою ашыкъа,
кенъ мейданларда тез кетелер.
Олар алев киби йылтырайлар,
йылдырым киби парылдайлар.
5 #
Йрм 46.12
О, озь батырларыны чагъыра,
амма олар ёлунда сюрюнелер.
Шеэр диварларына чыкъмагъа ашыкъалар,
амма шеэр энди алкъагъа алынды.
6 #
Еш 45.1
Озенлерни токътаткъан къапулар ачыла,
ве сарай йыкъыла.
7 #
Еш 38.14; Ехез 7.16 Къарар чыкъарылды:
къыраличени союндыралар ве алып кетелер.
Онынъ къадын къуллары, гогерджин киби инъильдеп,
кокюслерине гъамнен уралар.
8Эвель-эзельден Ниневе шеэри сувгъа толу хавуз киби эди,
шимди исе эр кес, акъып кеткен сув киби, къача.
«Токъта, токъта!» – деп оларгъа къычыралар,
амма кимсе артына бакъмай.
9Тартып алынъыз кумюшни, чайпанъыз алтынны!
Къыйметли шейлернинъ сонъу ёкъ.
Чешит тюрлю паалы шейлер чокъ!
10 #
Цеф 2.13; Ёэль 2.6 Шеэрни чайпай, бошата, ёкъ этелер.
Юреклер ирий, тизлер къалтырай.
Эр кеснинъ бедени агъыра,
эр кеснинъ бети къарара.
11 #
Еш 5.29; Йрм 2.15 Къайда энди арслан къобасы?
Арслан балалары авгъа чыкъкъан ер къайда?
Арсланлар къорантасы ич кимседен къоркъмайып юрген ерлери къайда?
12 #
Йрм 51.38
Арслан, озь балаларыны тойдурмакъ ичюн, чокъ парчалады, хырсызлады,
ыргъачылары ичюн чокъ богъды,
озь къобасыны авгъа толдурды,
яшагъан ерлерини парчалангъан этке толдурды.
13 #
4 Пад 19.9-10; Нах 3.5 – Мен санъа къаршы чыкътым,
– дей Ордуларнынъ РАББИси.
– Дженк арабаларынъны якъаджагъым,
арслан балаларынъ къылычнен ольдюриледжек.
Энди сен ер юзюнде авгъа чыкъмайджакъсынъ,
эльчилеринънинъ сеси башкъа эшитильмейджек.
Àwon tá yàn lọ́wọ́lọ́wọ́ báyìí:
Нахум 2: CTB
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© Институт перевода Библии, 2016