Хошеа 6
6
Исраильнинъ ве Ехуданынъ экиюзьлюлиги
1 #
Текр 30.1-10; 32.39; 1 Пад 7.3; 3 Пад 8.48; Эюп 5.18; Збр 102.3; 146.3; Йрм 30.17; Ёэль 2.12 Беля вакътында олар Менден ярдым сорайджакъ ве:
«Айдынъыз, РАББИмизге къайтайыкъ!
О, хасталыкъ берди – О да тедавийлер,
О, урды – О да яраларымызны сарар, – дейджек.
2 #
Збр 70.20
– Эки куньде бизни яхшы этер,
учюнджи куню аякъкъа турсатыр,
ве биз Онынъ огюнде яшармыз.
3Айдынъыз, РАББИни таныйыкъ,
Оны бильмеге тырышайыкъ.
Ярыкъ танъда пейда олгъаны киби,
О да пейда оладжакъ.
Ягъмур кельгени киби,
О бизге келир.
Баарьнинъ сонъунда ягъмур киби,
О, топракъны суварыр».
4 #
Хош 13.3
– Эй, Эфраим, не япайым санъа?
Эй, Ехуда, санъа не япайым?
Сизинъ севгинъиз саба думанына ошай,
тез гъайып олгъан чыкъны акъылгъа кетире.
5 #
3 Пад 19.17; Йрм 23.29 Бунынъ ичюн Мен оларны пейгъамберлер ярдымынен парчалай эдим,
агъзымдан чыкъкъан сёзлернен ольдюре эдим.
Меним къарарларым – саба ярыгъыдыр.
6 #
Мт 9.13; 12.7 Мен къурбанларынъыздан ве бахшышларынъыздан зияде
ишанчлы севгинъизден разым,
бутюнлей якъыладжакъ къурбанларынъыздан зияде
Алланы биледжегинъизни истейим.
7Олар исе Адемге ошап,
васиетимни бозды,
анда Менден вазгечти.
8 #
Хош 12.11
Гилад – яманлыкъ япкъанларнынъ шеэридир,
къан излерине толудыр.
9 #
Ехо 24.1
Руханийлернинъ сюрюси –
айдутлар такъымы кибидир:
олар сакъланып, бирисини беклейлер,
Шекем ёлунда ольдюрелер,
пис шейлерни япалар.
10Исраиль эвинде дешетли шейлерни корьдим:
Эфраим анда ороспулыкъкъа батты,
Исраиль арамланды.
11 #
Ёэль 3.13
Халкъымны сюргюнликтен къайтаргъанымдан сонъ,
санъа да, Ехуда, джеза куню, оракъ вакъты киби, келеджек.
Àwon tá yàn lọ́wọ́lọ́wọ́ báyìí:
Хошеа 6: CTB
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© Институт перевода Библии, 2016