Хошеа 5
5
Рабби Эфраимнен Ехуданы ёкъ этеджек
1 #
Къад 4.6
Эй, руханийлер, буны эшитинъиз!
Эй, Исраиль халкъы, дикъкъатнен динъленъиз!
Эй, падишанынъ эви, къулакъ асынъыз!
Сизлер укюм этиледжексинъиз,
чюнки сиз озь путларынъызнен Мицпа шеэринде халкъны къапкъангъа тюшюрдинъиз,
Тавор дагъында къоюлгъан бир агъ киби олдынъыз.
2 #
Сай 25.2
Манъа къаршы чыкъкъанлар пек харапландылар,
амма Мен оларнынъ эписини джезалайджагъым.
3Мен Эфраимни билем,
Исраиль де Менден сакъланмаз.
Эй, Эфраим, сен ороспулыкъ япасынъ,
эй, Исраиль, сен арамландынъ.
4 #
Еш 59.2; Хош 4.12 Япкъан ишлери оларгъа Алласына къайтмагъа ёл бермейлер,
чюнки оларнынъ ичинде ороспулыкъ руху булуна,
ве олар РАББИни танымай.
5 #
Хош 7.10
Исраильнинъ къопайлыгъы – озюне къаршы шааттыр,
Исраильнен Эфраим озь гуналарындан йыкъылыр,
Ехуда да оларнен берабер абыныр.
6 #
Еш 1.11; Хош 6.6 Къойларынен ве огюзлеринен олар РАББИни къыдырмагъа кетеджек,
амма Оны тапамайджакъ,
чюнки О, олардан узакълашты.
7Олар РАББИге хиянетлик этти,
башкъалардан пич балаларны тапты.
Шимди янъы ай эм оларны,
эм мал-мульклерини ашап битиреджек.
8 #
Йрм 4.5; Хош 4.15; 8.1; 9.9; 10.5; Ёэль 2.1; Ам 3.6 Гива шеэринде бору чалынъыз,
Рама шеэринде боразан чалынъыз,
Бет-Авенде дженкке чагъырынъыз:
«Огге, Биньямин! Биз артынъдан кетемиз!»
9Джеза куню Эфраим бакъымсыз сахрагъа чевириледжек.
Мен Исраиль къабилелери арасында мытлакъа оладжагъыны бильдирдим.
10 #
Текр 19.14
Ехуда башлыкълары меджаларны денъиштирген адамлар киби олды,
шунынъ ичюн Мен устьлерине ачувымны сув киби тёкеджегим.
11Эфраим енъильди,
джезасы оны йыкъты,
чюнки бош путларнынъ артындан кетмеге истеди.
12Мен Эфраимни сюме киби ашайджагъым,
Ехуда халкъыны къурт киби кемиреджегим.
13 #
4 Пад 15.19; Хош 7.11; 8.9; 12.1; Микъа 1.9; Нах 3.19 Эфраим озь хасталыгъыны корьгенде,
Ехуда озь ярасына бакъкъанда,
Эфраим Ашшургъа кетти,
буюк падишадан#5.13 Къ. еуд. «Ярев падиша». ярдым сорады.
Амма онынъ сизни яхшы этмеге кучю ёкъ,
о, яраларынъызны тедавийлемез.
14 #
Хош 13.7
Мен Эфраимге арслан киби оладжагъым,
Ехуда халкъына яш арслан киби атыладжагъым.
Мен оларны парчалайджагъым,
алыр да кетерим, кимсе оларны къуртармаз.
15 #
Лев 26.40-42
Сонъра Мен кетип, ериме къайтаджагъым.
Олар озь къабаатларыны танып, Мени къыдырмагъандже,
Мен еримде къаладжагъым.
Àwon tá yàn lọ́wọ́lọ́wọ́ báyìí:
Хошеа 5: CTB
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© Институт перевода Библии, 2016