Амос 2
2
1 #
Еш 15.1; 25.10; Йрм 48.1; Ехез 25.8; Цеф 2.8 РАББИ бойле дей:
– Гуна устюне гуна къазангъанлары ичюн,
моавлыларны мытлакъа джезалайджагъым.
Чюнки олар Эдом падишасынынъ кемиклерини якъты,
кулюни сылавгъа къошты.
2 #
Йрм 48.24
Моавгъа атеш ёллайджагъым,
о, Кериот шеэрининъ къавийлештирильген сарайларыны якъып ташлайджакъ.
Моав шамата ичинде, уджюм эткенлернинъ шаматасында,
бору сеслери арасында гъайып оладжакъ.
3Мен оларнынъ ёлбашчысыны ёкъ этеджегим,
онен берабер эписи башлыкъларыны ольдюреджегим, – дей РАББИ.
Ехуда ве Исраиль акъкъында
4 #
Лев 26.14-15; Йрм 16.19-20 РАББИ бойле дей:
– Гуна устюне гуна къазангъанлары ичюн,
ехудалыларны мытлакъа джезалайджагъым.
Чюнки олар РАББИнинъ Къанунындан вазгечти,
низамнамелерини беджермеди.
Деделери яланджы путларнынъ артындан кетти,
путлар оларны да ёлдан урды.
5 #
Йрм 17.27; Хош 8.14 Ехудагъа атеш ёллайджагъым,
о, Ерусалимнинъ къавийлештирильген сарайларыны якъып ташлайджакъ.
6 #
Лев 25.39; 4 Пад 4.1; Ам 8.6 РАББИ бойле дей:
– Гуна устюне гуна къазангъанлары ичюн,
исраиллилерни мытлакъа джезалайджагъым.
Чюнки олар инсафлы адамны кумюшке сата,
фукъарени бир чифт сандалетке бере.
7 #
Лев 18.8; Текр 22.30; Эюп 24.4; Еш 10.2 Олар ярдымсыз къалгъан адамларны топракъ ичине таптайлар,
алчакъгонъюллилерни четке итейлер.
Бабасынен огълу бир къадынгъа къатнай,
Меним азиз Адымны яманлай.
8Олар эр къурбан ери янында
залоггъа алынгъан урбалар устюне ята#2.8 Къанунгъа коре, залоггъа алынгъан урба акъшамгъадже сабысына къайтырылмакъ керек эди. (Чыкъ 22.26-27 бакъ.),
джеза оларакъ алынгъан шарапны
аллаларнынъ эвлеринде ичелер.
9 #
Сай 13.33-34; Ехо 24.8 Мен оларнынъ огюнде аморлыларны ёкъ эттим.
Олар кедр тереги къадар бойлу,
эмен къадар кучьлю олсалар да,
Мен тёпесинден махсулыны,
тюбюнден тамырларыны къуруттым.
10 #
Чыкъ 12.51; Текр 8.2 Мен сизни Мысыр мемлекетинден чыкъардым,
къыркъ йыл сахрада юрсеттим,
аморлыларнынъ топрагъыны сизге бердим.
11 #
Сай 6.2
Огъулларынъыздан пейгъамберлерни сайладым,
йигитлеринъизден назарейлерни#2.11 Назарей – озюни Алланынъ хызметине багъышлагъан адам. сечип алдым.
Ойле дегильми, эй, Исраиль огъуллары? – дей РАББИ.
12 #
Еш 30.10; Йрм 11.21; Ам 7.13; Микъа 2.6 Сиз исе назарейлерге шарап ичирдинъиз,
пейгъамберлерге: «Пейгъамберлик этменъиз!» – деп буюрдынъыз.
13Богъдайнен юклю араба киби,
Мен сизни ерге басаджагъым.
14 #
Збр 32.16-17
Чабик адамнынъ къачмагъа кучю олмайджакъ,
кучьлюнинъ кучю къалмайджакъ,
джесюр джаныны къуртарамайджакъ.
15Окъчу аякъ устюнде турамайджакъ,
аягъы тез олгъан къачып оламайджакъ,
атлы озь джаныны къуртарамайджакъ.
16О куню батырларнынъ энъ юреклиси де чыр-чыплакъ олып къачаджакъ, – дей РАББИ.
Àwon tá yàn lọ́wọ́lọ́wọ́ báyìí:
Амос 2: CTB
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© Институт перевода Библии, 2016