Амос 1
1
Алланынъ суду акъкъында
1 #
2 Пад 14.2; 4 Пад 14.23; 15.1; 2 Тар 11.6; 26.1; Еш 1.1; Хош 1.1; Нех 3.5; Зек 14.5 Амоснынъ пейгъамберлик сёзлери. О, Текъоя шеэринде бир айванасравджы эди. Амос Ехуда падишасы Уззиянынъ куньлеринде ве Исраиль падишасы Ёашнынъ огълу Еровоам куньлеринде, зельзеледен эки йыл эвельси, Исраиль акъкъында руялар корьди.
2 #
Ехо 19.26; 3 Пад 18.19; Йрм 25.30; Ёэль 3.16 Амос бойле деди:
– РАББИ Сиондан гудюрдей,
Ерусалимден сес бере.
Чобанларнынъ отлакълары къуруп къала,
Къармел дагъынынъ устюнде олгъан бутюн ешиллик къаврап къала.
3 #
4 Пад 10.32-33; Еш 17.1; 21.10; Йрм 49.23 РАББИ бойле дей:
– Гуна устюне гуна къазангъанлары ичюн,
Дамаскта яшагъанларны мытлакъа джезалайджагъым.
Чюнки олар Гилад халкъына,
ашлыкъны демир алетлернен бастыргъан дайын, шефкъатсыз янаштылар.
4 #
4 Пад 8.12; 13.22; Йрм 49.27 Хазаэлнинъ эвине атеш ёллайджагъым,
о, Бен-Хададнынъ къавийлештирильген сарайларыны якъып ташлайджакъ.
5 #
4 Пад 16.9; Еш 22.6; Йрм 51.30; Ехез 27.23; Хош 4.15; Ам 9.7 Дамаскнынъ араба къапу мандалларыны урып-парлайджагъым,
Авен вадийинде яшагъанларны
ве Бет-Эденден падишаны къырып ташлайджагъым,
ве арамлылар Кир шеэрине сюргюн этиледжек, – дей РАББИ.
6 #
2 Тар 28.18; Йрм 47.1, 5; Ёэль 3.6 РАББИ бойле дей:
– Гуна устюне гуна къазангъанлары ичюн,
Гъазада яшагъанларны мытлакъа джезалайджагъым.
Чюнки олар бутюн халкъны сюргюн этти
ве эдомлыларнынъ къолларына берди.
7Гъаза шеэрининъ диварларына атеш ёллайджагъым,
о, къавийлештирильген сарайларыны якъып ташлайджакъ.
8 #
1 Пад 5.1; Ам 3.9; Цеф 2.4; Зек 9.5 Ашдод шеэринде яшагъанларны
ве Ашкелон падишасыны къырып ташлайджагъым.
Экрон шеэрини юмругъымнен ураджагъым,
ве эр бир къалгъан фелестинли гъайып оладжакъ, – дей РАББИ-ТААЛЯ.
9 #
3 Пад 5.1; Еш 23.1; Йрм 47.4; Ехез 26.2; Ёэль 3.4; Зек 9.4 РАББИ бойле дей:
– Гуна устюне гуна къазангъанлары ичюн,
Тир шеэринде яшагъанларны мытлакъа джезалайджагъым.
Чюнки олар эписи сюргюн этильгенлерни эдомлыларнынъ къолларына берди,
достлукъ мунасебетлерини акъылгъа кетирмеди.
10Тир диварларына атеш ёллайджагъым,
о, къавийлештирильген сарайларыны якъып ташлайджакъ.
11 #
2 Тар 28.17; Еш 34.5; 63.1; Йрм 49.7-22; Ехез 25.12-14; 35.5; Ов 1.1-16; Мал 1.3-4 РАББИ бойле дей:
– Гуна устюне гуна къазангъанлары ичюн,
эдомлыларны мытлакъа джезалайджагъым.
Чюнки олар къардашлары исраиллилернинъ артындан къылычнен къувалады,
мераметсиз олды,
ачувына чыкъмагъа ёл берди, ве гъазабы сонъсуз эди.
12Теман шеэрине атеш ёллайджагъым,
о, Боцранынъ къавийлештирильген сарайларыны якъып ташлайджакъ.
13 #
4 Пад 8.12; Йрм 49.1; Ехез 21.28; 25.2; Цеф 2.8; Хош 14.1 РАББИ бойле дей:
– Гуна устюне гуна къазангъанлары ичюн,
аммонлыларны мытлакъа джезалайджагъым.
Чюнки олар, озь мемлекетине башкъа топракъларны къошмакъ ичюн,
Гиладда юклю къадынларнынъ къурсакъларыны яра эди.
14 #
Текр 3.11; 2 Пад 12.26 Рабба шеэрининъ диварларында атеш якъаджагъым,
о, къавийлештирильген сарайларыны якъып ташлайджакъ.
О уруш куню адамлар чокъ багъыраджакъ,
уджюм куню боран къутураджакъ.
15 #
Йрм 49.3
Оларнынъ падишасы сюргюнликке кетеджек,
онынъ башлыкълары да онен берабер оладжакъ, – дей РАББИ.
Àwon tá yàn lọ́wọ́lọ́wọ́ báyìí:
Амос 1: CTB
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© Институт перевода Библии, 2016