Àwọn Ẹsẹ Bíbélì Tí Ọ̀pọ̀ Èèyàn Mọ 1 Zaan 4

Pín

Nclɔɔa ‑ɔ ‑ka 'lɛ ‑wawʋ na, pɔɔvʋ 'bhla 'tɔɔ. ‑Walʋa ‑ʋ ‑glalɩɔ 'lɛ 'kʋ na, ʋya pɔɔvʋ 'ta wɔlɩ ‑kalɩ. ‑Masa pɔɔvʋ ‑ka nclɔɔ 'bhla na, ɩ pala lebhe gbaylɩsalɩɛ ‑bɛɔ. Na, ɔmɔa pɔɔvʋ bhla 'lɛ na, ‑walʋ 'ta ka kɔɔ nɩkplaan 'kʋglalɩ.

‑Ma anyɩ 'na 'cicʋnyɩ, a ‑glɩ Laagɔ 'la 'cuo, 'nyɩ a ya yooyo Laagɔnekʋnyɩtɛnya ‑naa ‑sɩa, ‑ofi lebhe ɔmɔa ‑ɔ ‑kʋ 'lɛ anyɩ nɩkplaan na, ɔ ‑ka 'tɛtɩ 'nyɩ ɔ zi ɔmɔa ‑ɔ ‑kʋ 'lɛ ‑laagɔzɔan na 'kʋ.

‑Ma ‑anyɩ, ‑a ‑ka ‑wawʋ, ‑ofi lebhe, ɔmɔ ‑ɔ wabhalɩ 'lɛ ‑anyɩ ‑bɛɛ.

'Na ‑wawacuonyɩ, ‑a wabhawabhalɩ, sa Laagɔ wlɩɩn ‑wawʋ 'wlʋlʋ 'lɛ na. Ncaatʋtʋʋntʋa ‑ɔ ‑wa 'lɛ ɔ 'yʋ na, ɔ ‑glɩ Laagɔ 'la 'cʋ, 'nyɩ ɔ ‑ci Laagɔ.

‑Ma ɔmɔa, ‑ɔ 'ta 'lɛ ɔ 'yʋ ‑wa na, ɔ 'ta Laagɔ ‑ci, sa Laagɔ ‑glɩ ‑wawʋ na.

Na, ɩmɩa ‑ɩ ‑glɩ 'lɛ ‑wawʋa na, ɩmɩ ‑ɩ ‑glɩ lebhe ‑n 'ta ‑anyɩ ‑ɔ 'ta 'lɛ Laagɔ wabha, ‑ma ɔmɔ ‑ɔ wabha 'lɛ ‑anyɩ, 'nyɩ ɔ ya 'lɛ ɔla 'Cʋa lobhu, le ɔ 'plɩ ‑ala nyinyia 'la ‑aghlɛ.

'Na ‑wawacuonyɩ, Laagɔ ya 'lɛ ‑anyɩ ‑sa wabha na, ‑anyɩ ‑masɛɛ, ‑a wabhawabhalɩ.

'Nyɩ 'lɩka saa Laagɔ palapalalɩ 'lɛ ‑anyɩ ɔla ‑wawʋa na. Ɔ ya ɔla 'Cʋa bhlogbɩɩa ‑laagɔzɔan lobhu le ‑a ka jabhʋa 'lɩ ɔmɔ 'wluku.

'Nyɩ gbazɩ nclɔɔ ‑ka 'cla lebhe: «N ‑wa Laagɔ,» 'nyɩ ɔ ka ɔ bholi ‑zɔ na, ɔ ‑glɩ yodizʋnyɔ. ‑Masa, ɔmɔa ‑ɔ 'ta 'lɛ ɔ bholia ɔ ‑jlɛ 'lɛ na ‑wa na, ɔ cɩ 'ta Laagɔ, ɔ 'ta 'lɛ ‑jlɛ na, wabha.

Na, ncaatʋtʋʋntʋa ‑ɔ cla 'lɛ lebhe Zozii ‑glɩ Laagɔ 'la 'Cʋ na, 'dɛ 'la nclɔɔa Laagɔ ‑kʋɔ nɩkplaan, 'nyɩ ɔmɔ ‑ma, ɔ ‑kʋ 'lɛ Laagɔ nɩkplaan.

Na, 'lɩka ‑jlɩmaa ɔ 'nyɩ 'lɛ ‑anyɩ na, ama ‑a ‑glɩ lebhe ɔmɔa ‑ɔ ‑wa 'lɛ Laagɔ na, 'naa ɔ wabhamʋ ɔ bholi.

'Na ‑wawacuonyɩ, a 'la zʋa ala pɔɔtɛtɛa 'wugwia ‑tɛtɛa 'kʋ. ‑Ma a gbazlɩlɩ nɩkplaan, ɩya a 'ka 'lɩ ɩ ‑ka kʋ lebhe ɩ ‑glɩ Laagɔ 'nɩ na. Sa yooyo Laagɔnekʋnyɩtɛnya* ‑bhutukpa ya ‑laagɔzɔan 'kʋ 'cɩlɩ. ‑Anɩ ‑naa nɩkplaan a cɩ 'ka 'lɛ Laagɔ 'la 'Wugoa cibhlili. 'Wugoa ‑tɛtɛa, ʋ cibhlili 'lɛ lebhe Zozi Klisi ya ‑zaagbʋsa nclɔɔ 'plɩ na, ʋ ‑glɩ Laagɔ 'nʋ.

‑Ma 'wugoa ‑tɛtɛa ‑ʋ cibhlili 'ta 'lɛ lebhe Zozii 'wlʋlʋ Laagɔ cɩ na, ʋ 'ta Laagɔ 'nʋ ‑glɩ, Klisi 'la ‑zɔbhɛlɩgbanyɔa 'la 'wugo ʋ ‑glɩ 'lɛ. A yaa 'nu lebhe ɔ cɩ 'kaa ci. Na, ɔ ‑kʋnɩ ‑pɔtɔnʋ ‑laagɔzɔan.