Àwọn Ẹsẹ Bíbélì Tí Ọ̀pọ̀ Èèyàn Mọ Deuteronomio 10

Pín

At ngayon, mga mamamayan ng Israel, ang hinihingi lang ng PANGINOON na inyong Diyos sa inyo ay magkaroon kayo ng takot sa kanya, mamuhay ayon sa kanyang pamamaraan, mahalin siya, maglingkod sa kanya nang buong pusoʼt kaluluwa, at sundin ang lahat ng mga utos at tuntunin ng PANGINOON na ibinibigay ko sa inyo sa araw na ito para sa ikabubuti ninyo.

Sapagkat ang PANGINOON na inyong Diyos ay Diyos ng mga diyos at Panginoon ng mga panginoon. Makapangyarihan siya at kamangha-manghang Diyos. Wala siyang pinapanigan at hindi siya tumatanggap ng suhol.

Kaya baguhin ninyo ang mga puso ninyo at huwag nang patigasin ang mga ulo ninyo.

Ipinagtatanggol niya ang karapatan ng mga ulila at mga biyuda. Minamahal niya ang mga dayuhan at binibigyan sila ng pagkain at mga damit.

Purihin ninyo siya, dahil siya ang Diyos ninyo na gumawa ng dakila at kamangha-manghang bagay na nakita ninyo.

Magkaroon kayo ng takot sa PANGINOON na inyong Diyos at paglingkuran ninyo siya. Manatili kayo sa kanya at sumumpa kayo sa pangalan lang niya.

Sa PANGINOON na inyong Diyos ang langit, kahit ang pinakamataas na langit, pati ang mundo at lahat ng narito.

Kaya mahalin din ninyo ang mga dayuhan, dahil mga dayuhan din kayo noon sa Ehipto.