Iivesi zeBhayibhile ezithandwayo ezisuka Matiɔ 5

Yabelana

Əzü za əwo za gâ lə lamba ndə kə za gâ tshekudu ləsû ne. Bale, tshə sə kə za di gâ tə̂ ərə gâ lafɔ ndə kə pa azü tshelə anda nə nɔ̂ lishi ndə ə̂yî nə. Ə̂yîəwo nə̂ e tshë ndje äwä bale rə lə ala azü, ndə kə pa əndje wu aə̂rɔ̂ aərə ə̂në e sə kə ma kɔ, ka ə mbe Abä e ə̂në tshə sə mâ lafɔ kɔ.»

«E-e kə sə̂ tə ə̂yîəwo tshepashɔ. Gala ə̂në ə sə gâ pâ kaga, ə lï lï ndə kə za tə̂ ye wu ne.

Ənə̂ əndje tə ə̂rɔ̂nə, azü ə̂në lɔsu əndje sə mvo kɔ, mbrə ə̂në əndje ə wu Ndjapä je!

Ənə̂ əndje tə ə̂rɔ̂nə, azü ə̂në əgo kə ma ərə də äwänə mi əndje ə mi kɔ, mbrə ə̂në tshelə əndje ə su je!

Bale, əmə, mə pa kə e ə pa: e yïndə alayïkowɔ nə̂ e. E yü Ndjapä mbrə azü ə̂në əndje ma ərə kanga kə e kɔ.

«Ənə̂ əndje tə ə̂rɔ̂nə, azü ə̂në əndje wusə̂ nə ə pa alane sə tə alayïəyo lə aərə nə̂ Ndjapä kɔ, mbrə ə̂në Əgɔngerə tshelafɔ sə tə ənə̂ əndje!

Ənə̂ əndje tə ə̂rɔ̂nə, azü ə̂në əndje sə kə ma ndə kə pa blatshe sə lə takpa tə̂ azü kɔ, mbrə ə̂në əndje e əndje tə aləvu Ndjapä je!

Ənə̂ əndje tə ə̂rɔ̂nə, azü ə̂në əndje sə kə kɨ nə kɔ, mbrə ə̂në Ndjapä ə tru ngɔla əndje je!

Ənə̂ əndje tə ə̂rɔ̂nə, azü ə̂në əndje sə kə gi əyo tə̂ əndje mbrə kə ma ərə də äwänə kɔ, mbrə ə̂në Əgɔngerə tshelafɔ ə sə tə ənə̂ əndje je!

Ənə̂ əndje tə ə̂rɔ̂nə, azü ə̂në əndje sə kə wu əyo angâ əndje kɔ, mbrə ə̂në Ndjapä ə wu əyo əndje je!

«Ənə̂ e tə ə̂rɔ̂nə, alɔ ə̂në azü sə kə gu e, ə sə kə ma awlra tə̂ e, ə sə kə pa aâkâ aâkâ aəmbrʉ aəpʉ əterə nɔ̂ gâ lə kumu e, mbrə əmə. E sə̈ də amɔ tshelə e ə sə̈ də âgbɔ̂ ə̂rû tə̂ lɔsu e, mbrə ə̂në âkrâ nə̂ e sə kə sə gerətshe mâ lafɔ-e. Mbrə ə̂në ə sə ndje äwä bale rə də̂ azü mâ awlra tə̂ aawopandəma Ndjapä ə̂në əndje sə̂ ətshinə tə̂ e kɔ.»

Ənə̂ əndje tə ə̂rɔ̂nə, azü ə̂në əndje ma awlra ma tə̂ angâ əndje ne kɔ, mbrə ə̂në ashɔ sə kə sə tə ərə ə̂në Ndjapä sə kə za kə əndje!

«E-e kə sə̂ tə əngbrʉ pâ ashɔ. Bale, kədə atshɔ əngbrʉ nə kə nglɔ̂ lə nə gâ ye, əzü sə kə ma atâ ndə kə pa tshə kirə də atshɔ nə gâ mandânə? Ə̈bə̈ ərə kə ma də nə guta gu ne. Ə lï ndə kə pa əndje vɔ ve-e gashu, azü dɔ tshelə nə də ə̈nü əndje.

E sə̈ tə aə̂rɔ̂ azü lə aərə nɔ̂ mata ə̂në Abä e ə̂në tshə sə mâ lafɔ sə tə ə̂rɔ̂ nə nɔ̂ kɔ.»

Kədə e sə kə pa əpʉ, e pä: “Ayî” wala “Ə’ə ne”. Əpʉ nɔ̂ ə̂në e sə kə za gâ pâ nə kɔ, djablo kə za gâ lə ama e kɔ.»

«E djî əpʉ ə̂në əndje pâ gâ ye kɔ ə pa: “Kədə əzü kə krɔ ala ə̈bə̈ ngâ nə, əndje sə kə krɔ ndje ala ye. Kədə tshə ngɔ əji ye, əndje sə kə ngɔ ndje əji ye.” Bale, ənə̂ əmə, mə pa kə e ə pa: kədə əzü kə ma əmbrʉ ərə kə əbə, mä əmbrʉ ərə mä kə ətshə ne. Kədə əzü kə da ngâlâ zə djoko ndə ndəkɔ, dö ndje bale nə kə ətshə tshə da.

Kədə ala zə djoko ndə ndəkɔ kə yində kə frɔ əbə ndə kə pa bə te gâ lə nyaka, tshäkəwla gâ ye ə wlï ngrʉ̂ gashe tə̂ zə. Mbrə ə̂në ə sə tə ə̂rɔ̂nə mbrə əbə ndə kə pa ə̈bə̈ ərə tshekotə̂ zə bale yu ka əndje wli əndu zə nɔ̂ wli gâ ə̂sə̂ əyo ne. Kədə kəna zə djoko ndə ndəkɔ kə yində kə frɔ əbə ndə kə pa bə te gâ lə nyaka, dë gâ ye ə wlï ngrʉ̂ gashe tə̂ zə, mbrə ə̂në ə sə tə ə̂rɔ̂nə mbrə əbə ndə kə pa ə̈bə̈ ərə tshekotə̂ zə bale tshu ka əndu zə nɔ̂ na na gâ ə̂sə̂ əyo ne.»