Iivesi zeBhayibhile ezithandwayo ezisuka Matye 5

Yabelana

Wɔ aanàkwaatuub lama, da wɔ ɛ́ wa yɛ si bhe. Yɛ ààseaa deenek, ye goka nɛ ɛkɛlaa ɛ́, pɛ kɔ tɛɛg é di bot djas aadi tɔ gwyɛ tak ɔ. Yɛ ɛ́ deenek ɛ́ di egoka náá, mɛkas men nyen tɔ bot, étɛp bot neebee mɛnyɔ mɛ esesɛɛ bi di esa ɛ, étɛp bɛ needuwal Sɛɛg'en di tɔ gwoo ɔ.»

Yɛ ɛ́ biyɔ ɛ di mɛkas kɔ ɛko ɛ bɔs. Dɛl ɛ di suma kɔ ɛtsok ɔ, tok nɛ ghwyil ɛdi syela.

Mɛnyɔ nɛ bot ɛ di nɛ lyem sɛŋ ɔ, etɛɛ náá, bɛ waabee Zɛɛb.

Mɛnyɔ nɛ bot ɛ di nɛ za nɛ gwyes ɛsa ɛkwosak ɛ Zɛɛb ɔ, etɛɛ náá, bɛ waadɛ, djil!

Yɛ bɛ mam ɔɔ, mɛ kalɛɛ bin ɛ́ náá, kwyɛlka bot ɛ mɛbhuka men. Djaalaka Zɛɛb kɔ ɛsu ɛ bot ɛ di etiig bin ɔ.

«Mɛnyɔ nɛ bɛdjel ɛ bot tɔ sisim, etɛɛ náá, Ɛyoŋ ɛ di tɔ gwoo ɔ, yɛ ɛ́ yɔbɔ.

Mɛnyɔ nɛ bot ɛ di esaa egwyem pak'ɔɔ ɛ, etɛɛ náá, Zɛɛb ɛ́ waadiig bet náá, bɛ ɛ́ bɔn bɛ!

Mɛnyɔ nɛ bot ɛ di edje nenak ɔ, etɛɛ náá, Zɛɛb ɛ́ waadis ghoŋ di tɔ elyem bɔɔ ɛ!

Mɛnyɔ nɛ bot ɛ di tɔ tsik mezuk ɔ, etɛɛ náá, bɛ ɛpesa ɛkwosak ɛ Zɛɛb, etɛɛ náá, Ɛyoŋ ɛ di tɔ gwoo ɔ, yɛ ɛ́ yɔbɔ!

Mɛnyɔ nɛ bot ɛ di egék bot ɛ sis ghoŋ ɔ, etɛɛ náá, Zɛɛb ɛ́ waagek bɛ ghoŋ!

Mɛnyɔ nɛ nen, yɛ bɛ náá, bot ɛpelee bin ɔɔ, nɛ ɛwa bin tɔ tsik mezuk ɔɔ, bɛ di esu bin etɛp mbɛs ɔɔ, nɛ ɛbaasaab dék'en étɛp'am ɔɔ, myaalaka, da bi ɛ́ bɔl zɛŋ, etɛɛ náá, boo etuud bin ɛ́ nɛɛga pɛ tɔ gwoo. Etɛɛ náá, yɛ ɛ́ deenek ɛ́ bɛ nazuk bɛngoolel ɛ Mɛkpa ɛ Zɛɛb nazyɛ ɛsok nɛ nen ɔ.»

Mɛnyɔ nɛ bot ɛ di etela lyem ɔ, etɛɛ náá, bɛ waabela kyee bɔs Zɛɛb nakɛk bɛ ɛ!

«Yɛ ɛ́ biyɔ ɛ di mɛsɔn kɔ bɔs. Yɛ bɛ náá, mɛsɔn moo ɛ́, ààkagwom ɔɔ, ye goka ɛ́ nɛ ɛsaaa dáa, étɛp mɛsɔn neebaagwom? Deenek mɛsɔn aakadi ɛ́, ààbɛ nɛ mɛsa mɛ yɛ aasaaa nɛ yɛ. Deenek, ye goka ɛ́ nɛ ɛmwasaa pɛ kel, da bot ɛ́ nyal yɛ.

Dika nɛ mbɛɛ elyem dáa Sɛɛg'en di tɔ gwoo ɔ di nɛ mbɛɛ lyem ɛ.»

Yɛ bɛ náá, wɔ eemyaal tɛp ɔɔ, kea “iyooo”. Yɛ kabɛ náá, wɔ eebyen ɔɔ, kea “hooo”, etɛɛ náá, ekɛla-ekɛla ee bot dyeebakɛl kɔ étɛp'enek dyeebadus ɛ́ pɛ daa Mbee mot.»

«Ye nabɛ ɛ́, bi naagwak náá: “Mot ɛ tuu sɔ dis ɔɔ, ye goka ɛ́ náá, nyɛ baatuuaa yɛ. Mot ɛ bwak wɔ ɛdjɛ ɔɔ, da wɔy ɛ́ baabwak nyɛ ɛdjɛ.” Deenek, mam kalɛɛ bin ɛ náá: Sa mot ààbulal ɛbiyo nɛ ɛbiyo. Mot ɛ nyuu wɔ bɛɛz é ɛmuk pɛ mbɔ eghɛŋ ɔɔ, baaka nyɛ yak kyee ɛmuk.

Yɛ bɛ náá, yɛ ɛ́ dis ɛ kyee mbɔ eghɛŋ bɔ ɛ́ di esa náá, wɔ gheekwyekwyɛ tɔ mesyem ɔɔ, wɔ goka ɛ́ nɛ ɛpiid ɛ yɛ, da wɔ ɛ́ mwas yɛ ɛtsetaɛpe. Yɛ aadi ɛ́, ɛnyɔɛpe nɛ nɔ náá, wɔ dis dhiiti kyes nyel'ɔ, ààkabɛ náá, wɔ kɛdyak tɔ du na kɔm-kɔm nɛ nyel'ɔ djas. Yɛ bɛ náá, yɛ ɛ́ mbɔ eghɛŋ bɔ ɛ di esa náá, wɔ gheekwyekwyɛ tɔ mesyem ɔɔ, tsaala yɛ, da wɔ ɛ́ mwas yɛ ɛtsetaɛpe nɛ nɔ. Yɛ aadi ɛ́ ɛnyɔɛpe nɛ nɔ náá, wɔ tsaal dhiiti kyes nyel'ɔ, ààkabɛ náá, wɔ kɛdyak tɔ du na kɔm-kɔm nɛ nyel'ɔ djas.»