Iivesi zeBhayibhile ezithandwayo ezisuka Matius 27

Yabelana

La kira-kira jam tiga sore bagitu, Yesus bataria kuat-kuat kata, “Eli, Eli, lama sabaktani? ” Akang pung arti, ‘Sio Beta pung Allah, Beta pung Allah e! Mangapa kong kasi tinggal Beta?’

Skrek bagini, kaeng pampele basar dalang orang Yahudi pung Tampa Sombayang Pusat tarobe jadi dua dari atas sampe bawa. Ada tana goyang deng gunung-gunung batu tabala. Kubur-kubur tabuka la banya orang yang parcaya Allah yang su mati dapa kasi hidop kombali.

Tarus, Antua bataria kuat-kuat lai la Antua putus napas.

Waktu komandan kompi deng dia pung anana bua yang jaga Yesus lia tana goyang deng samua yang jadi tu, dong taku paskali la bilang kata, “Memang batul, Dia ni Allah pung Ana!”

Mulai dari jam sapulu dua siang, daera tu samua jadi galap sampe jam tiga sore.

Tarus Pilatus bilang par dong, “Kalo bagitu, beta musti biking apa Yesus yang dapa panggel par Orang yang Allah su Angka par Kasi Salamat Manusia ni?” Dong samua jawab kata, “Salib Dia!” Mar Pilatus bilang par dong kata, “Mar Dia su biking kajahatang apa?” Mar dong bataria labe tamba basar lai kata, “Salib Dia!”