Iivesi zeBhayibhile ezithandwayo ezisuka KAJADIAN 12

Yabelana

Ku ponjoo'je na lee' nu beleyum ka' aha timbalije bansa anu daka'. Ku balakatije na beleyum ka' mompotimbali sanggo nu beleyum talasanggo, sahingga beleyum timbalije balakat. Ku balakatije na to mia-mian anu mombalakati beleyum ka' mongkutuki to mia-mian anu mongkutuki beleyum. Ka' kalana beleyum Ku balakatije na bansa iwi-iwi' i dunia.”

Tumpu notataemo hi Abram, “Pala'imo na lipu' no beleyum, sampoto utusan nu beleyum ka' laigan nu tuuma nu beleyum, lantas mambamo i lipu' anu Ku potiju' hi beleyum.

I Abram umunnyo pitumpulu'mo ka' olima' na taun tempo'nyo ia nompala'imo mae Haran, susumo anu pinalentahkonmo nu Tumpu hi ia. I Abram namba i tano' Kana'an hingga-hinggat tiba i Sarai bengkele'nyo, ka' i Lot ponuanakonnyo ka' iwi-iwi' na halata'nyo tiba to posa-posaihon anu i humpak nu aha i Haran. Salatan aha tinokamo i Kana'an

Tumpu nanintoamo hi Abram ka' notatae hi ia, “Aiyamo na lipu' anu Ku bee'mo hi lee' nu beleyum.” Lantas i Abram nompotinjomo sa'angu' na mezbah ikiijo' bau ponsomban Tumpu anu nanintoamo hi ia.