Iivesi zeBhayibhile ezithandwayo ezisuka LUUKI 23

Yabelana

Ka Yisa daa yɛli, “M Ba Naawunni, ba bu mi ban niŋni seem maa gbinni, dizugu kyɛri ba taalli m‑pɛŋŋi ba!” Ka ba daa puri Yisa sutura n‑tɔri taaba, n‑toori tɛtɛ ni ba ti nya sɔkam ŋɔn ya n‑deaai a yinni yinni.

Ka Yisa yɛli u, “Yɛlimaŋni ka n yɛtti i wa, zuna dabsiri wa i nin ti bɛ n saani zisuŋŋu ziiya.”

Ka ŋmaligi n‑yɛli Yisa, ni, “I yi ti paai i naam ziiya, teaam n yɛla!”

Di saha maa Yisa daa kaasi pampam n‑yɛli, “M Ba Naawunni, n zaŋŋi n siiya n‑niŋi i nuu ni!” Ŋɔn daa yɛli lala maa n‑naai, u daa kpiya.

Tɔ; ka ban daa ti paai luginseaa kan yuuri boonni ‘Zuguŋmaaŋŋu Ziiya’ la ka ba daa kpaasi Yisa n‑tabli dɔpulli maa zugu, ka zaŋŋi ka n‑sa. Ka ba daa kpaasi tumbɛtumniba ayi maa gba n‑tabli dɔpula, n‑zaŋŋi yinni n‑sa Yisa nudirigu ya'ari, ka zaŋŋi ŋɔnla muna n‑sa u nuzaa ya'ari.

Tɔ. Agbaa saha daa pun paai, ka tingbaŋŋu maa zaa daa niŋi zimm, ka zibsim daa ligi zaa n‑yuui m‑paai zaanoori hoo kurigu ata saha, ka wuntaŋŋa daa bu neaai. Ka pateesa kan daa ya'ai Gyeeŋŋu Yiri Dutitaari puuni maa daa toaai m‑purigi buyi.

Ka soogyadima toondaansɔ ŋɔn daa zɛ bɛni maa daa nya din daa niŋi seem maa, ka pɛ'ai Naawunni n‑yɛli, “Yɛlimaŋni doo wa siri nyɛ la ŋɔn ka taalli.”