Iivesi zeBhayibhile ezithandwayo ezisuka TAUNET 9

Yabelana

Ki mwa Kamuktaindet kole, “Kaboorunet ni ne po kayomiset ne kagiyomiskei eng' kwenunnyo, anee ak okweek ak kiy age tugul ne sabei ne mi kobootok agobo ibinwek tugul che pwoonei: Kande chemng'isiryennyu poolik parak, si koek kaboorunet ne po kayomiset ne mi kwenunnyoo, anee ak ng'wony.

Ye took anyun chemng'isiryet eng' poolik, ageer ak abwaat kayomiset ne tebyei agoi koigeny, ne mi kwenutap Kamuktaindet ak kiy age tugul ne sabei ne mi ng'wony.”

Chii age tugul ne tumdoi korotiigap chii, ketumdoi chechiik agine; amu eng' itoondonyi ko ki yai `Kamuktaindet chii.

Ki iberuur `Kamuktaindet Noah ak weeriikyik ak koleenji, “Osigisye ak otesage, ak onyi ng'wony!

Egu amitwogikwok kiy age tugul ne sabei ne wendoti; kagoonok tugul ko uu ye kiga agoonok tuguuk che piitos alak tugul che nyalileen.

Iyweok ak koarageni tyony age tugul ne po ng'wony agobo okweek; agot toriit alak tugul che po parak, tugul che pendoti kochuutegei eng' ng'wony ak njireenik tugul che po nyanjet; tugul ko kaginde eunekwok.

Osigisye ak otesage osigisye kot ochaang'e miising' eng' ng'wony.”