Iivesi zeBhayibhile ezithandwayo ezisuka मर्कूस 13

Yabelana

तमा ख्‍यिरा ङला तेपा क्‍यावु तप्‍की मी तेरीकी ख्‍यिराङला ङ्‍यिङ्‍मर कितो। यिन्‍सिनाङ तिङ्‍ला सेक डेकला देतुपतिवाला ति थर्वा ङ्‍येकितो।”

चेर्मु क्‍यानी च्‍याङ्‍से देता। च्‍यिलासिसिन ती तुजे ति नम गिवी सिनी ख्‍यिराङला छ्‍या मे।

तमा मीतिवी ख्‍यिराङला टिनी चेक तेतुप पेला ख्‍यिरा काङ सि गोकिवी सिनी गोमाला के पप माकी। ती पेला कोन्‍छ्‍योककी थु चाङ्‍माकी ख्‍यिराङला काङ लाप्‍किवे, ती राङ सी। च्‍यिलासिसिन ताम्‍ङे कितुप ति ख्‍यिराङ मिन, कोन्‍छ्‍योककी थु चाङ्‍माकी राङ यिन।

स ताङ नाम ति तोर्नी डिवी, यिने ङे सिक्‍यावु ताम्‍ङेतिवा ति नाम्‍साङ तोर्नी मोडोवी।”

“यिने ती ङ्‍यिमा ताङ तुजे ति नम गिते सिनी सुला साङ छ्‍या मे। देवाच्‍येनकी लेन क्‍योलुप थुतिवाला साङ छ्‍या मे, पुज्‍युङला साङ छ्‍या मे, ती ति पपाला तिराङ छ्‍या वे।

ख्‍यिरा मक ग्‍यकिन वोतुप ताङ मक ग्‍यकुप ताम्‍ङे थोकिवी, यिने ती पेला ख्‍यिराङ ज्‍यिवा माकी। दी ताम्‍ङेतिवा याङ च्‍युङ राङ गोकिवी, यिने ती ति तरोङ साङ जम्‍बुलिङ ना डोप तुजे ति मिन।

तुक क्‍यानी ख्‍यिराङ चेर्मु क्‍यानी दे। च्‍यिलासिसिन खाङ्‍बी ज्‍यिन्‍दाक ति नम पेला लोक्‍नी गिते, गोमु, याङ्‍ना नुप फेकाला, याङ्‍ना च्‍यवु कुकुरी देन्‍दुप पेला, याङ्‍ना टोपला टेताङ गिते ख्‍यिराङला छ्‍या मे। तमा ज्‍यिन्‍दाक शार्क्येक वानी ख्‍यिराङ ङ्‍यिलोक्‍नी वोतुप मेठेशी। ङे ख्‍यिराङला सिक्‍यावु दी ताम्‍ङे ति मी तेरीला सिरुप ताम्‍ङे यिन। ख्‍यिराङ चेर्मु क्‍यानी देता।”

मिरिक मिरिककी तेन्‍दोकला, लुङ्‍बा लुङ्‍बाकी तेन्‍दोकला मक ग्‍यकितो। तमा दासा दासाला सयी ग्‍यकुप ताङ ङ्‍यिमा मर्वु शर्कितो। दिवा ति दुक्पाकी थल्‍मा तिराङ यिन।

यिने दी सिनाङ गोमाला तेरी मिरिककी मीतिवाला लेन ल्‍यामु ति ख्‍याप्‍टाक कि गोकितो।

मी बङी ङे मिङला वानी ‘ङ ख्रीष्‍ट यिन।’ सिनी मी बङीला लुकितो।

तुक क्‍यानी ख्‍यिराङ त वुङ्‍गुप दुक्‍पी थोक्‍ला च्‍याङ्‍से क्‍यानी दे। मीतिवी ख्‍यिराङला ठिम्‍खाङला चेक तेकितो, तमा यहूदी छ्‍योखाङला ख्‍यिराङला दुङ्‍गितो। ख्‍यिरा ङला तेपा क्‍यावु तप्‍की ठिम कितुप मी छ्‍येतिवा ताङ ग्‍येल्‍वुतिवी दोङ्‍ला लानी ङे थोक्‍ला पङ्‍बु तेर्कितो।

तुका ख्रीष्‍ट जुमातिवा ताङ लुङ्‍तेम्‍बा मेटेङ्‍बुतिवा वुङ्‍गिवी, तमा तिवी ततिवा ताङ हलेवु लाकातिवा छ्‍या तेन्‍नी अछ्‍योता सेक कोन्‍छ्‍योककी पेतुपतिवाला लुतुप छोल्‍गिवी।

“ती छेटाङकी तिङ्‍ला ङ्‍यिमा नक्‍तोमी डिवी, तमा उलाकी वो मेतेर्वी। कर्मातिवा नाम नेसुर लुम्‍गिवी, तमा नामला वोतुप ङारतिवा योकिवी।