Iivesi zeBhayibhile ezithandwayo ezisuka Metiu 24

Yabelana

Kandriyen ndra-in solo-an kameh asahan, ma iri lau solo-an kameh ruwani kandriyen ta aseken ndramak ari ja. Arile, are lau tawiy ili isos munyak ano, Kindrei kameh winiyan akohok iy i hamon ja.

Sahou mwasin dah nyala tondrok ta Kindrei kameh tiyaniy ili isos kon mari, ta iri lau marakon kanuhun, ano kon munyak dah barano.

Ado kameh anuhun kurutuwe bahun ereu mirihik, ma yoyou ta bahun ereu len. Arile, budon tado sandra-i, ndri-iy. Iri lakou doh kameh asahan bwena op, arile lakou mari ta ano kameh, kahis le.

Tasah, kon munyak tinan ari kameh amekes bahun i ta kon tinan ari, ya kabin badu kon rakon kameh amekes bahun i ta kabin badu kon rakon ja. Son kameh asahan bolo kon, ma kon ari ari kameh ndroi asahan. Iri lakou mari doh anya kasahan buku none sisi-in ta badih anya kato-ou nah.

Kandrah hawe kon munyak dah kameh ano iu, arile sahou tek le kameh winiyan bano bwe.

Iri lau solo-an kameh ame anya iri asehek sahou tek ma anya, ‘Jo dah Krais.’ Ya iri kameh wendreyani lau solo-an.

“Ano, iri kameh ateu ado, ma a-um ado, ma adai ado amak. Iri lau badu kon munyak tinan mari kameh baseken ado bwe, tasah ado an hamon tek. Na len doh kameh iri lau solo-an aruwe budon tiri udu tek iu, ma au ala hamon. Iri ari, ari kameh nyowonya ndramak ari ja ili tiri lau ndra-in, ma iri kameh bwale iri ndramak ari ja. Iri propet solo-an ta wasai kameh asahan, ma iri kameh wendreyani iri lau solo-an.

Jises asumon oro i buku doh, “Ado kanyolom kamwenen, ya ari ndramak sawendreyani ado, ndri-iy.

Ya buku none aha ale, aha kalokou aha na len mari. Tasah, Nadu Ndramak Awas kameh asahan na len aha batehei budon ta iy eme bwe.

“Aha kanyolom kamwenen, tasah aha tanan saba len Laban taha eme hamon, bwe.

“Ari ndramak bala tanan len, deh, mada an ta Laban eme hamon bwe. Iri angelo badu kandrah ale ma nadun ale tanan bwe, taman le ari tanan.

Tasah, idah kameh, krais ta wendreya ma hawe propet ta wendreya kameh asahan. Ya iri kameh amekes iri lahou tinan ma kalem ta wendreya iri lau, ma iri ale anya kanone iri lau ala budon ta Kindrei udu tiri kataku.

Len ta Nadu Ndramak Awas eme kameh asahan, buku le iri lakou mene asahan na len ta Nowa. Na len bwena ta wadah asahan, iri lau amekes nyamon tinan, iri a-un gwa, iri mwan ma badih atasou ili eme, ili le isos ta len Nowa oro ala bolo ndron tan tinan. Arile, iri lau tana iri bwe, winiya le wadah eme aluwi iri mari au. Len ta Nadu Ndramak Awas kameh asahan buku le len mene ndrasahan bwena.