خدا کے پا نچ وعدےنمونہ

خدا آپ کے ساتھ ہے

تلاوت کریں: یسعیاہ 41 :8-13

سوپ SOAP آیت: 'تُو مت ڈر کیونکہ مَیں تیرے ساتھ ہُوں۔ ہِراسان نہ ہو کیونکہ مَیں تیرا خُدا ہُوں مَیں تُجھے زور بخشُوں گا۔ مَیں یقِیناً تیری مدد کرُوں گا اور مَیں اپنی صداقت کے دہنے ہاتھ سے تُجھے سنبھالُوں گا۔ 'یسعیاہ 41 :10

اگر آپ سوچ رہے ہیں تو جان لیں کہ ان خوف کے لمحات میں خدا صرف آپ کے ساتھ نہیں ہے بلکہ وہ آپ کو سہارا بھی دے رہا ہے۔ آپ اکیلے نہیں ہیں عزیز دوست۔ یقیناً آپ نے خود سے یہ سوال کیا ہوگا، "کیا خدا واقعی میرے ساتھ ہے؟ شاید یہ سوال اس وقت آیا جب کوئی بیماری کی تشخیص آپ کو گھٹنے ٹیکنے پر مجبور کر گئی یا اچانک کوئی رشتہ ٹوٹ گیا جس کا آپ کو اندازہ نہیں تھا یا شاید کوئی اچانک تبدیلی تھی جس نے آپ کا دل ٹکڑے ٹکڑے کر دیا اور دماغ میں بے چینی پیدا کی۔ زندگی اکثر ہمیں ہمارے اندر تک ہلا دیتی ہے اور روزانہ یاد دلاتی ہے کہ ہم ایک ٹوٹی ہوئی دنیا میں رہتے ہیں۔ لیکن ایسے لمحات میں بھی ہمیں خدا کے وعدوں کو تھامنا چاہیے کیونکہ خدا ہمیشہ ہمارے ساتھ ہے اور ہم کبھی اکیلے نہیں ہیں۔

خدا براہ راست ان خوف سے مخاطب ہو رہا ہے جن کا ہمیں سامنا ہےجیسا کہ یسعیاہ 41: 10 میں بیان ہے۔ وہ ایک محبت کرنے والا باپ ہے جو بار بار یاد دلاتا ہے کہ ہم اکیلے نہیں ہیں اس لیے ہمیں خوفزدہ ہونے کی ضرورت نہیں وہ ہمارے خوف کے لیے ہمیں شرمندہ نہیں کرتاوہ ہماری کوششوں اور خوف کے لمحات سے بخوبی واقف ہے۔ اور اسی علم کی بنیاد پر وہ وعدہ کرتا ہے کہ جب ہم کمزور محسوس کریں گے تو ہمیں مضبوط کرے گا، جب ہمیں نہیں معلوم کہ کہاں رجوع کرنا ہے تو مدد کرے گا اور ان دنوں یا موسموں میں ہمیں سہارا دے گا جب ہم ٹوٹتے ہوئے محسوس کریں۔

یسعیاہ 41: 10 ایک وعدہ ہے جسے ہم مضبوطی سے تھام سکتے ہیں۔ ہم شاید اپنے اردگرد کی دنیا کو کنٹرول نہ کر سکیں لیکن ہم اس پر بھروسہ کر سکتے ہیں جو سب کچھ اپنے ہاتھ میں پکڑے ہوئے ہے لہٰذا حوصلہ رکھیں عزیز دوست چاہے آج آپ کو جو کچھ بھی سامنا ہو خدا آپ کے ساتھ ہے اس وعدے کو اپنے دل اور دماغ میں اتاریں اور خود کو مضبوط پائیں

وہ آپ کی طاقت ہے وہ آپ کی مدد ہے وہ آپ کو سہارا دے رہا ہے۔ آپ اکیلے نہیں ہیں

دعا

اے خداوندمیں تیرا شکر ادا کرتی ہوں کہ میں اکیلی نہیں ہوں کیونکہ زندگی کی کو شش بعض اوقات مجھے مغلوب کر دیتی ہے اور میرے دل و دماغ کو دھندلا دیتی ہے۔ جب میں خوفزدہ اور پریشان محسوس کروں تو مجھے یاد دلا کہ تو میرے ساتھ ہے ۔ آج مجھے مضبوط کر اور یاد دلا کہ میں اکیلی نہیں چل رہی تو میرے ساتھ ہے اور یہ ایک وعدہ ہے۔ آمین۔