SAN MATEO 23

Jesús omboeko mborookuai re oporomboe vae reta jare fariseo reta

(Mc 12.38-40; Lc 11.37-54; 20.45-47)

1Jayave Jesús jei opaete vae pe jare jemimboe reta pe: 2“Mborookuai re oporomboe vae reta jare fariseo reta pemboe Moisés iporookuai re. 3Jáeramo jekuaeño peyapo jei reta peve peyapo vaerä vae. Ërei agüɨye pemomoe jae reta oyapo vae; echa jae reta jei, ërei mbaetɨ oyapo. 4Echa jae reta oñono peré mbae yavaigüe. Ërei jae reta etei mbaetɨ oyapo kërai ave yepe. 5Echa jókuae oporomboe vae reta mbae oyapo yave, ïru vae reta oecha vaeräño#Mt 6.1. ko oyapo. Echa jae reta mborookuai oyekuatiagüe oñono iyé vae jɨru,#23.5 Emae Glosario pe. ombopɨguasu kavi reta iyeupe#Dt 6.8. jare jemimonde jopea ombopuku reta iyeupe.#Nm 15.38. 6Mbareaa pe, omomora yae oguapɨ tenonde voi, jare judío reta itupao pe tenondegua ete tenda pe. 7Jare oipota yae ïru vae reta maraetei oyapo chupe vae, jare jei reta vaerä chupe: ¡Oporomboe vae!

8Ërei pe reta agüɨye peipota ïru vae reta jei vaerä peve: ‘Oporomboe vae.’ Echa meteiño ko oporomboe vae, jae ko Cristo, jare opaete pe reta metei tëtara ko. 9Jare agüɨye etei pere: ‘Cheru’ metei kuimbae kuae ɨvɨ pegua pe. Echa meteiño ko jae peRu ara pe oï vae. 10Jare agüɨye etei peipota ïru vae reta jei vaerä peve: ‘Oporomboe vae.’ Echa meteiño ko oporomboe vae, jae ko Cristo. 11Kia oyembotuicha oiko pepɨte pe vae, toyeokuai ïru reta pe.#Mt 20.26-27; Mc 9.35; 10.43-44; Lc 22.26. 12Echa oyembotuicha vae oñemomichiukata ko. Jare oñemomichi vae oyembotuichaukata ko.#Pr 29.23; Lc 14.11; 18.14.

13¡Paravete pe jova mókoi vae reta! Mborookuai re oporomboe vae reta jare fariseo reta. Echa pe reta peyopia ïru vae reta güi araɨgua mborookuaía. Pe reta ave peikeä. Jare ïru vae reta ikɨ̈reɨ tëi oike vae pemaeñoä oike. 14¡Paravete pe jova mókoi vae reta! Mborookuai re oporomboe vae reta jare fariseo reta. Echa pepɨ̈ro imemano vae reta güi imbaembae, jare peyereroviauka vaerä puku peyerure Tumpa pe añetegüe nunga. Jáeramo peiporara yaeta ko.

15¡Paravete pe jova mókoi vae reta! Mborookuai re oporomboe vae reta jare fariseo reta. Echa peo peeka oipota rupi peporomboe re güɨrovia vaerä judiombae vae reta.#23.15 Judiombae reta, jae ko judiombae reta oyeapo judiorä vae omboresive judío reta iporogüɨrovia vae (Hch 6.5). Jare güɨrovia ma peporomboe re yave, jei eteño peñäka-pɨpɨ kañɨtei pe, pe reta peiporarata vae pe.

16¡Paravete pe, peresambae reve peporogüɨroata vae reta! Echa pere: ‘Kia tupao jee re ayapota, jei vae, jókuae mbaeä ko. Ërei oro tupao pegua jee re ayapota, jei vae, ipía ma ko opɨta.’ 17¡Yarakuaambae reta, jesambae vae reta! ¿Echa mbae pa yambotenondeta oro ani tupao pa?, echa tupao ko oñono tee oro. 18Jaeramiño vi pere: Mɨmba oyeyukagüe oyeapɨ jese vae jee re ayapota, jei vae, mbaeä ko. Ërei mbota oï mɨmba oyeyukagüe oyeapɨ jese vae jee re ayapota jei vae, ipía ma ko opɨta. 19¡Yarakuaambae reta, jesambae vae reta! ¿Mbae pa yambotenondeta mbota pa ani mɨmba oyeyukagüe oyeapɨ jese vae pa?, echa mɨmba oyeyukagüe oyeapɨ jese vae ko oñono tee mbota. 20Jáeramo mɨmba oyeyukagüe oyeapɨ jese vae jee re jei vae, jei ko jee re jare opaete oï jese vae reta re. 21Jare tupao jee re jei vae, jei ko jee re jare opaete yogüɨreko pɨpe vae reta re. 22Jaeramiño vi ara jee re jei vae, jei ko Tumpa iguapɨa mborookuaía pegua jee re,#Is 66.1; Mt 5.34. jare Tumpa jee re etei ma ko jei.

23¡Paravete, pe jova mókoi vae reta! Mborookuai re oporomboe vae reta jare fariseo reta. Echa pemee pediezmo reta temitɨ reta penoi#Lv 27.30. vae güi: Menta, aní jare comino jee vae. Ërei peeya mborookuai jei peve peyapo vaerä jupi vae, mboroparareko jare mborogüɨrovia. Kuae ko jae peyapo vaerä peeyambae reve diezmo reta. 24¡Peresambae reve peporogüɨroata vae reta! Pembogua ñeti reta agüɨye vaerä peu, ërei pemókoi camello.

25¡Paravete pe jova mókoi vae reta! Mborookuai re oporomboe vae reta jare fariseo reta. Echa peyoe peñae jare petasa reta ikupeño, ërei japɨpe tɨnɨe oï monda pe jare jupimbae pe. 26Fariseo jesambae vae reta. Peyoe räri tenonde tasa jare ñae japɨpe. Jayave ikupe rupi vi ikɨambae opɨtata.

27¡Paravete pe jova mókoi vae reta! Mborookuai re oporomboe vae reta jare fariseo reta. Echa pe reta ko jae tɨvɨa oñemotï kavi vae reta ramiño.#Hch 23.3. Echa tɨvɨa ipöra kavi oyekuaa ikatu rupi, ërei japɨpe pe tɨnɨe omanogüe ikägüegüe jare ikɨa. 28Jökorai ko pe reta peyekuaa, ikavi ani jupiecha ïru vae reta pe, ërei pepɨa tɨnɨe tavɨ jare ikavimbae vae pe.

29¡Paravete pe jova mókoi vae reta! Mborookuai re oporomboe vae reta jare fariseo reta. Echa pemopüa ñeemombeúa reta jɨvɨa reta jare pemopöra kavi jupi vae reta jɨvɨa reta. 30Jare pere: Yande yaiko yave mona ñaneñemuñagüe reta yogüɨreko yave, ngaraa tëi ko yamborɨ katu yayuka ñeemombeúa reta. 31Jökorai pere vae rupi, peyekuaauka kërai pe reta ko jae ñeemombeúa reta oyuka vae reta iñemuñagüe. 32Pe reta ikavi ko peyapo voi mo peñemuñagüe oyapo rami.

33¡Pe reta ko jae mboi reta rami!#Mt 3.7; 12.34; Lc 3.7. Ngaraa etei peasayepe peiporarata tata guasu pe vae güi. 34Jáeramo ambouta peve ñeemombeúa reta, yarakuaa vae reta jare cheporookuai re oporomboe vae reta. Ërei peyukata, amogüe peyukata kurusu re, amogüe peinupata chikote pe petupao reta rupi jare peaɨkuemoña retata tëta guasu ñavo rupi. 35Jare pe reta penoita teko opaete jekombae reta imano re, jupi vae Abel oyeyukauka#Gn 4.8. güive Berequías taɨ Zacarías#2 Cr 24.20-21. oyeyukauka vae pe. Echa peyuka Zacarías mɨmba oyeyukagüe oyeapɨ jese vae jare tupao ipäu pe. 36Añete che jae peve, opaete jókuae reta imano re, pe reta opaete peiporarata.

Jesús ipɨatɨtɨ yae Jerusalén re

(Lc 13.34-35)

37¡Jerusalén! ¡Jerusalén!, reyuka ñeemombeúa reta.#1 R 19.10; Jer 2.30. Reyapi reyuka ita pe Tumpa ombou ndekotɨ vae reta. Jeta vese chekɨ̈reɨ tëi amboatɨ ndeipo reta, uru omboatɨ imembɨ reta ipepo igüɨ pe rami, ërei nde mbaetɨ reipota. 38Mase, pero reta opata oyemboai opɨta. 39Che jae peve, añave güive ngaraa ma chereecha pere regua: ‘Toyemboeteuka yandeYa jee re ou vae.’ ”#Sal 118.26.

موجودہ انتخاب:

SAN MATEO 23: GUABD

سرخی

کاپی

موازنہ

شئیر